𝕊𝕔𝕙𝕠𝕠𝕝 𝕋𝕣𝕠𝕦𝕓𝕝𝕖𝕤

『 Part Twenty Two 』

الحصه الاخيره جت وكان فراغ عندهم نوره كانت بمكانها وفاتحه الجوال عشان تشيك على ملفات رسلتها الاستاذه لها

اما علي وعمر كانوا ورا بالركن مكانهم كالعاده ومشغولين بالمشروع حقهم وكان الوضع هدوء ومافي مضاربات

لانها الحصه الاخيره محد له خلق يتضارب الا...

المهم رسلت نوره الرد بس الاستاذه ماردت وقررت تروح تكلمها لان ضروريه

راحت لها وبالفعل كلمتها بسرعه ورجعت الفصل بس طريق الرجعه صعب دايما للاسف

طبعا فيه الف طريق للرجعه لان المدرسه كبيره والمره ذي قررت تاخذ اطول طريق ومرت من قدام باب الخروج وسحبها شخص

نوره: بسم الله سلطان!! فك يدي شتبي!!
سلطان: اششش..

سحبها معه بقوه وركض بها بسرعه قبل احد يشوفهم كانت خايفه عارفه انها بتندم ندم عمرها انها ماقاومت

سحبها لمكان ورا المدرسه كان خزائن بس قفولها لان ما يحتاجونها وسار يجي للمكان الي يبي يدخن ولا ينحش من الحصص

بس من جا المدرسه سلطان بالمتوسط والمكان سار مكانه محد يتجرا يجيه الا اذا غابوا الشله كلهم

سحبها من يدها معه وثبتها على الجدار وكان يمينهم ويسارهم خزانه مغطيتهم بشكل جيد

نوره: فكني تكفى *بدت تخاف مره*
سلطان: الحين تترجيني افكك؟
نوره: و وش سويت بعد؟؟

طالع بخشمها وشاف فيه خط صغير وتذكر ان مصلح رما القاروره على وجهها وضحك

نوره: وش؟ *بارتباك*
سلطان: يعورك؟ انتبهي تصرخين ها؟ ههه

او ما سالها ضغط باصابعه على مكان الضربه و غمضت عيونها بقوه من الالم وماقدرت تصرخ كتمت بالقوه

دفت يده ومسكت خشمها وعيونها تدمع مره لان المنطقه حساسه مره وضحك عليها

سلطان: بكايه ههههههههههههههههه
نوره: كلتبن!!
سلطان:مسحي دموعك اول بعدين سبيني ههههههه
نوره: وش سويت لك ياحقير وخر عني!!؟
سلطان: وش سويتي؟ ليه تضحكين علينا ها؟
نوره: تستاهلون محد قالكم تاخذونه

مسك حلقها مرجع راسها على الجدار  بقوه واكيد صقعت وتالمت وشد عليها ومسكت يده وحاولت ترخيها بس ماقدرت

سلطان: متى تتعلمين تتكلمين معي بادب ياطفله؟
نوره:... *ماردت وبدت تدوخ من الم راسها *
سلطان:شكل امك وابوك ماربوك زين.. يووه نسيت انهم ميتين وللاسف محد بيربيك الا انا
نوره: ك كل.. زق
سلطان:اشوا انهم ميتين ولا كان خاب ظنهم ببنتهم البكايه والضعيفه ههههههههه

وقف ضحك وطالع فيها وهي تحاول تبعد يدينه عن حلقها عشان تتنفس وقرب شوي من وجهها و وقفت بصدمه وخوف قرب اكثر بس

دق الجرس معلن انتهاء اليوم الدراسي و واضح سلطان ماعجبه ذا الشي وعصب و رجع على ورا بسرعه زي الي توه ينتبه

سحبها من حلقها ودفها على الارض وبسبب الدوخه حقت الضربه ماقدرت تقوم وضلت على ركبها تحاول تتنفس و تتوازن من دوخه راسها

سلطان:قومي اذلفي ولا حبستك هنا ولعنت خيرك ترا عندي مفاتيح المدرسه اعرف وين يخبيها ابوي ههههه

بخوف حاولت تقوم بصعوبه وطالعت فيه بحقد و غضب وهو ما تمالك نفسه وضحك وهو يشوفها تطالع فيه كذا

لمن راحت طلع دخانه وقعد يدخن مايحتاج يروح يشيل اغراضه يدري ان مصلح ورشاش بيجونه الحين

رجعت الفصل وبسرعه شالت شنطتها وطلعت ورجعت البيت وهي متنكده مرره من الي صار لها

————————

رايكم كالعاده بنوتات❤️😩-