𝕊𝕔𝕙𝕠𝕠𝕝 𝕋𝕣𝕠𝕦𝕓𝕝𝕖𝕤

『 Part Twenty 』

خلصت الحصص ورجعت البيت وقررت المره ذي تغير جو وتذاكر بالحديقه القريبه من بيتها وفليل بالفعل راحت وقعدت

بعز التركيز وهي تحل انرما كتاب جنبها وفزت تطالع بالي جلس جنبها

نوره: خير ان شاء الله!!!!!
رشاش: وش ؟
نوره: *قلدت نبرته بسخريه* وش.. وش الي وش قوم!!
رشاش: ماني جاي اتنمر اخر يومين طلعت اتمشى وما ذاكرت اخر درسين رياضيات والاختبار بكره
نوره: قاعد تشحدني اذاكر لك؟

رفع حواجبه وطالع فيها ولا كانه بيحشرها بعدين و يتنمر عليها لين تصيح وهي رفعت حواجبها تطالعه بتحدي صدق مالها خلق تشوف وجهه وهي مروقه

رشاش: ترا ما بتموتين اشرحي لي وبروح!!
نوره: بالله ؟؟؟ ولك وجه بعد !!؟؟
رشاش: اشرحي خلاص
نوره:بشرح لك وبتنقلع ذي اول مره واخر مره فاهم؟و مو لانك طلبت بخلص الفيزياء الحين واذاكر الرياضيات
رشاش: طيب طيب بسم الله!!

رجعت تذاكر الفيزياء بهدوء ورشاش مره يطالعها ومره يطالع بالبزران الي يتضاربون

رشاش: انتي كيف تذاكرين وذولا يتصايحون ؟
نوره:زي ما اذاكر بالفصل وانتم تنابحون فوق رأسي

رشاش طالع فيها عاجز عن الكلام

رشاش:ترا من اول ما جيت وانتي تسفلين فيني !! احترم نفسك ها!!
نوره:وانا من جيت مدرستكم وانت شلتك تسفلون فيني احترم نفسك اول!!!

شمقت بوجهه وكملت تذاكر بس صمل يكمل

رشاش: ترا دافعت عنك مره يا ناكره الجميل !! بعدين متى تخلصين بسرعه!!
نوره: ياليل مطولك ياروح قوم عمى
رشاش: نعم؟؟؟
نوره: قوم اخلصص!!!!

رمت كتابه عليه ودفته برجلها وقام وراح وهو يصرخ ويتعود لها بالمدرسه لان الناس تطالع فيهم باستغراب

طنشته وكملت تذاكر ونص ساعه وقفلت الكتاب وبدت بالرياضيات وانزعجت من ريحه الدخان بنفس اللحظه انتبهت للظل الي قدامها وجاي من وراها

وعرفت مين من شوشته تنهدت وفتحت تذاكر والغبي يحسب ماتدري عنه واقف يستناها توصل للدرس الي مو فاهمه

طبعا هي مذاكره من اول نص ساعه ووصلت لاخر درسين وانرما مره ثانيه كتاب جنبها وجلس رشاش وطالعها يستناها تشرح

نوره: يااارب صبرني
رشاش: امين اشرحي يله ابي اروح
نوره: ارم دخانك اول! بزر توه مكمل تطعيماته ويدخن
رشاش: مين مين البزر!!
نوره: ارم الدخان كتمتني ولا ضف وجهك مابشرح!!

تافف ورما دخانه وشرحت له لين فهم وراح رشاش كملت نوره تحل المتبقي من واجباتها ورجعت البيت

حطت الفرشه الي تجلس عليها على جنب واخذت المفتاح من جيبها بتفتح الباب وما امداها تلف المفتاح

الا ويدها تنسحب وتتثبت جنب راسها اما يدها الثاني مايحتاج يثبتها لان ماسكه الشنطه

نوره: فك يدي خير وش تبي؟؟!!
سلطان: وش ابي؟ وش كنتي تسوين بالحديقه
نوره: وش دخلك!!

ضغط على يدها بقوه على الباب الي وراها وتالمت مره

سلطان:وش كنتي تسوين؟ ورشاش ليه قاعد معك لا يكون من ولد لولد ها؟
نوره: ياحقير ماكنت اسوي شي شرحت له درس بس بعدين اذا انت وسخ انا مو زيك!!

عصب وضرب بيدها الي ماسكها الباب بقوه صرخت بس كتمها بيده ولف راسه يمين ويسار يتاكد ان مافيه احد

وخر يده لمن حس بحراره دموعها وهي نازله على خدها لفوق كف يده

سلطان:من قالك اني اطالع بالبنات او ابيهم؟ مو قالوا لك علي وعمر اني بس اتنمر؟ هههههههههههههه

ماردت خوف منه وبسبب الم يدها مد يده الثانيه لجيبها واخذ المفتاح وما شال عينه من عينها ومبتسم بافتزاز على وجهها واضح الخوف عليها

فتح الباب ودفها على ورا وفقدت توازنها من قوه الدفه وطاحت وهي جالسه

شال الفرشه من عند الباب ودخلها و شال الشنطه الي طاحت عند درج الباب ورماها جنبها

فزت بخوف حسبته بيرميها عليها ونزلت راسها و حسته وهو يمشي ووقف قدامها ومسك فكها وخلاها تطالع فيه بقوه

سلطان: لا اشوفك حول احد انا بس اتنمر عليك واكرهك حياتك فاهمه؟
نوره: كلتبن!!

ضحك و وخر يده عن فكها وطلع من الحوش وقفل الباب وراه قلل الله خيره

قعدت مكانها وبكت كثير بسبب الم رسغ يدها وقامت بعد فتره لان الارض بارده وتعبت

طلعت ونامت وحطت منبه عشان تقوم بدري وترتب اغراض المدرسه

————————-

-اتمنى البارت عجبكم اعذروني على التاخير ظروف و اختبارات🥺❤️