"ဟင့်...ပါးပါး လို့"
" ဟော....ဘာလို့မျက်နှာညိုးရတာလဲ သားရယ်၊ ပါးပါးကို ပြောပါ ...."
"ပါးပါး က သားသား မေးတာ မဖြေဘူး သားသားသိချင်တယ်လေ ၊ ဟိုဦးဦးက သားသားကိုတွေ့ရင် ငိုနေတယ် ပါးပါး ဘာလို့လဲဟင် "
"သားသားရယ် ...နောက်ကြ ပါးပါးက ပြောပြမယ်၊ အခု သားသား ဘယ်နေရာနာလဲ ၊ သားလက်လေးနာနေလား ၊ ပါးပါးကိုပြော"
" သားသား ဒယ်ဒီက ပြန်လာတာလား ဟင်၊ အကြာကြီးရှိပြီ တခါမှလည်း သားသားတို့ဆီ ပြန်မလာဘူး ပါးပါး ၊ ဘာလို့လဲဟင် "
" တော်တော့ သားသား၊ ပါးပါး ပြောနေတယ်လေ ....ပါးပါး သားကိုမဆူချင်ဘူး ၊ နောက်မမေးနဲ့ "
ကျွန်တော် ငေါက်လိုက်လို့ မဲ့ကျသွားတဲ့ သားမျက်နှာလေးက ကျွန်တော့်အသည်းနှလုံးသားကို ညှစ်ချေနေသည့်အလား ၊ ပါးပါး သားကိုမဆူရက်ပါဘူးကွာ။ ပါးပါး သားကိုပြောပြဖို့ အားမရှိသေးလို့ပါ ၊ သားသားမမှား ပါဘူးကလေးရယ်။ မဲ့ကျမသွားနဲ့သားရယ်၊ ပါးပါးစိတ်တွေ ရူပ်ထွေးနေချိန်မို့ ပါးပါး ငေါက်မိတာပါ ၊ ပါးပါး တောင်းပန်ပါတယ်သားရယ် ။ မျက်နှာငယ်လေးနဲ့ မဲ့ကျသွားသော သားကို ပွေ့ပိုက်..ရင်ခွင်ထဲ ထည့်ပြီး ကျောလေးကို အသာပွတ်ပေးရင်း ချော့နေမိသည်။ သားငယ် ဝမ်းနည်းသွားရှာမှာသိသည်၊ ပါးပါး မှာလည်း သားကိုပြောပြဖို့ အချိန်ယူနေရလို့ပါ။ ဘာမဟုတ်တဲ့ လူတယောက်ကြောင့် သားကို ပါးပါးဆူမိတာပါ၊ အမြဲ ပြုံးရွှင်နေတဲ့သားမျက်နှာလေး မဲ့ကျသွားတာ ၊ ပါးပါး ကမ္ဘာကြီး ပြိုကြတော့မယ်သားသားရယ်။ ပါးပါးစိတ်တွေလည်း မွန်းကြပ်လှပြီသားငယ်။
"သားသား မငိုပါနဲ့ ၊ နောက်ကြ သားသား ဒယ်ဒီအကြောင်း ပြောပြမှာပေါ့ နော်၊ သားသားက ဘာစားချင်လဲ ၊ ဘာလုပ်ချင်လဲ ပါးပါးကို ပြောပါ အသည်းလေးရ"
" ဟင်းအင်း ဘာမှမစားချင်းဘူး ၊ ဘယ်မှ မသွားချင်ဘူး ပြောပြ သားသားကို ခု ပြော"
" လာပါ...သားသားရဲ့ ဆေးလေးသောက်ပြီး...ပါးပါးရင်ခွင်ထဲ နားနေနော် သားငယ်...လာပါ ပါးပါး ချော့သိပ်မယ်...ပါးပါးကလေးက သိပ်ချစ်စရာကောင်းတာ ...."
YOU ARE READING
ချစ်ခြင်းတို့အလွန်
Romanceကျွန်တော်ဘဝမှာ ချပြစရာဆိုလို့ ခင်များ ကို ချစ်ခဲ့မိတဲ့နာကျင်စရာနောင်တ ကလွဲ ဘာမှမရှိဘူး။ အဆိုးထဲကအကောင်းဆိုရမယ့် သားသားလေးက ကျွန်တော် ဘဝ ၊ကွန်တော်အနာဂတ် နဲ့ကျွန်တော် ရှေ့ဆက်နေရတယ် ကောင်းပြည့်ဝေလျှံ ကိုကို ဘယ်လိုတောင်းပန်မှ ကလေး တို့သားအဖ အနာ...
အပိုင်း(၄၄)
Start from the beginning