دخلت الأم ديالها عندها
ريم غير شافتها بدات كتبكي
وحتى الأم بدات كتبكي
وقالت الأم على سلامتك أبنتي بدون
ماتأنبها على الفعل ديالها وبقات جالسة معاها شويا وخرجت .
دخل عندها أمين و بدى كيتكلم معاها وقال علاش درتي بحال هكدا .
قالت والدموع في عينيها بي سبابك .
قال بي إستغراب شنو درت أنا.
قالت كتبت لك في ورقة كنحبك وحطيتها لك وانت قريتيها ولحتيها بلى متجاوبني ولو غير بي الرفض.
تفكر الورقة لي رمى في السلة
وقال أنا مقريتهاش غير لقيتها ولحتها
وحتى أنا عندي عزيزة
لكن أنا أكبر منك
وانتي في سن خاصك تهتمي بي دراستك
وتحصلي على الشهادة ديالك لي تخليك تخدمي وتكون عندك قيمة في بلادك
والرجال هوما لي يجيو يتخاطفو عليك باش يتزوجوك .
راه ماكاينش الحب فقط مراهق كيضحك على مراهقة
ينتهي منها ويدير سبة باش يتفارق معاها
ويشوف بنت أخرى
ويبقى يقول لصحابو هاديك لبنت درت معها كدا وكدا
وحتى ملي يبغي يتزوج بها شي شخص.
كايقولو ليه راه كان مصاحب معاها فلان ويشوهو الصمعة ديالها.
انتي إنسانة لطيفة وتبارك الله جميلة
أنا لو كنت في سنك
وبي هاد العقلية لي عندي دابا
كنت مشيت نجري لداركم باش نخطبك من والديك .
تبسمت.
وكمل كلامو وقال انتي أول واحد ساعدني وأنتي أعز صديقة عندي .
لكن أنا كبير في السن وبي عقلية مختلفة عليك.
واش فهمتي .
أشارت بي رأسها اه بلا متكلم .
قال انا من الان أخوك الكبير واش تقبلي.
قالت أه.
قال عندك من هاد لكلام لي سمعتي مني تقولي في نفسك على أني إنسان معقد.
ضحكت وقالت لا انت إنسان عاقل تبارك الله .
قال صراحة فعلا انا معقد وبقاو كيضحكو.
دخلا سهيلة وبدات واقفة كاتشوف فيهم كيضحكو .
جلست معاهم وقالت لي ريم شنو لي خلاك ديري بحال هكدا
وخليتينا مخلوعين عليك.
قالت ريم لحضة طيش مني .
قالت سهيلة أي مشكل عندك قوليه ليا حسبيني أختك ماشي أستاذة ديالك وأي مساعدة محتاجها قوليها ليا ولا غير في الهاتف ياك الرقم ديالي عندك.
قالت ريم شكرا بزاف وعنقتها.
قال أمين نخليكم مع بعضياتكم أنا في الخارج .
خرج عند أم ريم وقال ليها فين الأب ديالها علاش ماجاش واش في العمل.
قالت لا الاب ديالها توفى .
قال الله يرحمو.
قالت الأم غير انا وريم في الدار لي خلى لينا راجلي.
قال وشكون لي كيصرف عليكم.
قالت أنا كنخدم في ديور الناس لميناج وكنعيشوا منو.
بقات فيه وقال واش عندك شي محل في الدار .
قالت أه عندي غير مسدود.
قال ملي تخرج ريم في الغد إن شاء الله غادي نمشي معاكم باش نشوف المحل خلي ليا الرقم ديالك أخد الرقم ومشى مع سهيلة .
في الغد جا أمين معطل لي القسم دخل قال السلام حتى حد ما رد عليه السلام .
YOU ARE READING
خاوة 🇩🇿🇲🇦 ( بالدارجة المغربية)
Romanceتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
