في سنة 1992 قتلت البوليساريو الجنرال حسين الطالبي.
في حملة شنتها في حدود الصحراء المغربية.
ومن بعد وفاته بي شهر تولد إبنه وسمته أمه أمين .
وكانت أسرة أمين غنية وعندهم مشاريع أصبحت تسيرها الام بعد وفاة زوجها.
وبعد مرور 5 سنوات دخل أمين المدرسة .
إستمر أمين في الدراسة وكان متفوق وذكي.
وتمر السنوات حتى نجح في السنة الأولى باك.
وفي الصيف نضم هو وبعد الأصدقاء رحلة خيرية إلى الصحراء المغربية.
خداو الملابس وبعض المنتجات إلى ساكني الصحراء .
وملي عرفوا البوليساريو عن طريق الجاسوس
أن إبن الجنرال الطالبي في الصحراء.
دبرو ليه خطة وإختطفوه في سيارة 4×4 .
وأخدوه إلى المعتقل وضعوه فيه أيام.
وهو يجي عندوا القائد وهو يشوف شاب جميل وصغير في السن .
قال القائد شنو الإسم ديالك .
قال وهو خائف أمين فين أنا دابا.
قال القائد وهو مبتسم مرحبا بك أولدي عند البوليساريو.
قال أمين شنو باغين من عندي .
قال القائد واش أنت إبن الجنرال الطالبي بلى متكذب باش تكون المعاملة ديالنا لك حسنة.
قال اه أنا ولدو ولكن انا ماشفتوش في حياتي حيت قتلتوه قبل من تولد.
قال القائد انت أ ولدي معرفش شحال قتل باباك من واحد فينا
راه كان معيشنا في الرعب
مصدقتش ملي قالوا لي الأصدقاء ديالي أنهم قتلوا الجنرال الطالبي.
انا وخا كنكرهو ولكن لا أنكر انه كان بطل وشجاع وفي كثير من الأحيان
كان حتى هو يقاتل مع الجنود ديالو وماشي غير كيعطي الأوامر .
قال أمين أنا تلميذ عندي الباك هاد العام
جيت غير ندير خير ونمشي فحالي
أنا ماعنديش مع السياسة و إلى كنتي شادني هنا لي أجل الفلوس نعطيك رقم الهاتف ديال العائلة ويجيبو ليك لفلوس لي باغي.
قال القائد لا مغديش تخرج من هنا .
لكن غادي نعاملك معاملة خاصة شاف في الجنود لي معاه
وقال ليهم ردو ليه الهاتف ديالو وإلى بغا شي حاجة عطيوها ليه حتى نشوفوا الامر ديالوا فين غادي يوصل.
دازت الايام وعطاوه الهاتف ديالوا
وقالوا ليه ما خاصك والوا.
قال وهو غاضب لا ماخاصني والوا .
تكلم مع الام ديالوا وحكى ليها كلشي .
ملي سمعت ليه.
ولات كتدوز الايام ديالها غير بي البكاء حتى مرضت بي السكر.
وكيشوف أمين ان الوقت كيدوز بدون اي حل منهم .
وعرف بلي مغديش يخليوه يخرج وطلب منهم القرآن الكريم وبعض الكتب .
جابو ليه الكتب لي بغا .
وولى كيدوز الوقت ديالو غير بي القراية و تعلم اللغات .
وكان صوته جميل كيبقى يغني.
ومرات كيرتل القران الكريم ودام على هاد الحال 6 سنوات حتى طلقو سراحو .
ورجع إلى البيت ديالهم عند الام ديالوا.
Oops! Questa immagine non segue le nostre linee guida sui contenuti. Per continuare la pubblicazione, provare a rimuoverlo o caricare un altro.
من بعد مدة قالت له الام ولدي خاصك تكمل القراية ديالك وتجيب الباك وتشوف شنو دير من بعد.
شاف فيها وتبسم وقال يا الواليدة أنا دابا في عمري 24 سنة واش نقرى مع الأطفال والمراهقين
قالت ياولدي أنت شكلك جميل ماشاء الله ماكايبانش عليك انك فايت 20 سنة.
ضحك وقال أنا مخصني حتى خير. نقابل غير المشاريع ديال لواليد والقراية راني ماشي لخاطري ماكملتهاش .
قالت واخا هكداك خاصك أولدي تعتمد على راسك ودير صمعة ليك ماشي تعتمد فقط على داك الشي لي خلا باباك.
شاف فيها وحرك راسو بي أنه موافق بلى ميقول كلمة وخرج.
مرت عشر أيام .
قالت الام انت أولدي كتشوف بي اني مريضة لي هذا انا بغيتك تشوف خالتك لي في الجزائر راه معمرك شفتيها قبل نموت أولدي وناخد دنبك أني معرفتكش بي عائلتك.
قال برى عليك الواليدة إن شاء الله ربي يطول عمرك وتشوفي ولادي حتى هوما.
تبسمت وقالت إن شاء الله يا رب.
قال أمين راكي عارفة أنا العلاقة بين المغرب والجزائر متوترة من بعد حرب الرمال في 1963 وعاد مشكل الحدود .
الى مشينا للجزائر راهم غير يعرفونا مغاربة مايعملوناش مزيان.
قالت لا أ ولدي متقولش بحال هكذا
راه الشعب الجزائري والمغربي خوت واخا الحدودة مغلوقة .
هاذ الشي الشعوب ديالنا ماعندها حتى دخل فيه والحكومات هي المسؤولة على غلق الحدود.
نمشيو وتشوف بي نفسك كيفاش غادي يتعاملوا معنا إلى عرفونا مغاربة.
قال واخا غادي ندير الامر لي حباتوا الام ديالي وعنقها.
STAI LEGGENDO
خاوة 🇩🇿🇲🇦 ( بالدارجة المغربية)
Storie d'amoreتلميذ مغربي ينقطع عن الدراسة 6 سنوات وبعد رجوعه الى الدراسة يقع في حب أستاذته الجزائرية التي في مثل سنه. مقتطف من القصة قال امين سهيلة انا كنحبك وباغيك في لحلال. هزت راسها شافت فيه بي غضب وقالت أنا جايا عندك باش تخفف عليا وانت باغي تستغل لح...
