ما تخفيه الحروب

part6

بقلم:جنه بغداد♡

#ما تخفيه الحروب

‏على البال اول لقاء واول نظرة والمكان 🖤!
.
.
.
.
.
.
.
من التفت بانت الصدمه على وجهي وهيه هم بانت صدمه على وجها ما كانت متوقعه تشوفني وحجينه بنفس الوقت

_سبأ هاي انتي
_طور شعندج هنا

من حجينه سويه ضحكنه ورحت حضنتها وهيه هم حسيت روحي ردت لي من شفتها لان صار لي ست أشهر ما شايفتها بس متغيره حيل صايره كلش ضعيفه ، بعدتني عنها و لزمت وجهي بين اديها دافيه وابتسمت ابتسامتها لي مليانه حب و حنان

سبأ بحنان:مشتاقه لج كومه بس ليش انتي هنا ضياء شعجب قبل تجين

لزمت ايدها و ابتسمت لها بأنكسار_اول شي اني هنا لان اريد اساعد الناس مثلج و ثاني ضياء اصلا ما يدري اني هنا

وخرت ايدها من وجهي وحجت بهدوء:طور صاير شي ليش هاي ابتسامه

_لا ما صاير شي

بقت تباوع لي بنظره شك يعني هيه ما مصدكه كلامي
وهنا تداخل أركان

_سبأ انتي تعرفينها

ضحكت سبأ و جان تخلي ايدها على جتفي مثل حاضنتني وقربتني لها

_طبعا هاي وحده من عائله

جان هوه من سمع هيج بأس ايده و خلها على كصته_حمدالله وشكرا هسه عرفت شلون اهلها قبلوا تجي لان اصلا انتم عائله نص عقل

ردت ارد عليه بس سبقتني سبأ _اذا احنا عائله نص عقل انت اصلا ما عندك عقل

عقج وجها ما عجبه حجيها _ ليش تخليني هسه اجي اطيح حظج

سبأ بجرائه _ما تكدر لان تدري شنو يصير بيك

حجه بداخله_والله لو مو عيب من لي يمج جان جريتج بزيج يخيل

_اركان:اسكتي اسكتي بعد كلبي

طبعا هيه غلست على كلامه وخاصه اخر شي وضحكت_تدري منو هاي

باوع عليها بدون اهتمام وحجه بضوجه_منو هاي أميرة ديانا و ما ادري

سبأ لا هاي روري روحي من هاي دنيا

من كالت هيج ضحكت وهوه نصدم مدري شنو سبب

أركان بصدمه:يعني هاي نفسها لي كنتِ تحجين لنا عليها

التفت على سبأ واني رافعه حاجبي بمعنى شنو جنتي تحجين لهم عليه هيه ابتسمت و رفعت اكتافها

_لا تباوعين عليه هيج مرات يصير موقف و اذكرج

بقه اركان صاف عليه بعدين باوع على سبأ _اي مواقف هواي هم مو شوي

ما حجيت شي بس شكلها سبأ هواي حاجيه اشياء عليه هذا هوه انصدم والله يستر شنو حاجيه

باوعت عليه سبأ_تعالي منو اجه وياج