اليتيمه والضابط
للكاتبه زهره ..
..
"زينب"
حيللل نزعجت من تصرفات صكرر خاصتا من صيح عليه ودخل بشي ما يعنيه ومن دخل للغرفه من دون اذن هاي شسموهه بله..
نزلت اخذت محمد وصعدت طفيت الاضويه وحضنته لحد ما نام سمعت اصوات جوه كمت سحبت دشداشه مثل الفستان بنص بيهه حزام حيل حلوه اخذتهه واخذت شال بلونهه ونزلت..
لكيت نسوان ما شايفتهم من قبل سلمت عليهم ورحت يم نسمه بدت تعرفني عليهم..
نسمه.. زينب تعالي خل روح نجيب فراشات ووراهه نام لان باجر عدنه كعده من صبحح.
زينب يي تمام يله تعالي رحت وياهه جبت فراشات وفرشت بصاله ونسمه فرشت بغرفه
حبوبتهه حنين..
حاسه بغربه مو طبيعيه ما اختلطت بأي وحده كعدنه اني ونسمه نسولف لحد مصارت ساعه 12 كمت صعدت لغرفتي قفلت الباب وذبيت الحجاب تمددت وشوي وغلبني نعاس..
كعدت صبح على صوت محمد..
محمد.. صباح نورر..
زينب.. صباح الوردد..
محمد.. دينب اني جوعان..
زينب.. يي حبيبي هسه بس نغسل وننزل نتريك..
محمد.. يله..
زينب.. كمت خليت شالي ورحت للحمام غسل محمد وفرش اسنانه واني نفس شي رحت توضيت وطبيت للغرفه صليت كل يوم اكعد وي صلاه بس ليوم مدري شبيه نعسانه..
بدلت لمحمد لبسته كيمونه وشورت ابيض ومخططه بلون برتقالي والشورت لونه برتقالي
وعلى الكيمونه رسومات كارتون لبسته حذاء ونزلنه..
نزلنه جوه لكيت حاطين صينيه صبحت عليهم ونسوان بعدهن وجهال اوف ما متعوده صوت زلم واصل لصاله كعدت تريكت وريكت محمد ويايه..
خليته يلعب ويه جهال ورحت اساعدهم بلمطبخ صارت عليه الماعين وعشق وهناء ونسمه وخالتي يطبخن وهيج شي..
كملت اماعين ودورت بين الوجوه على غسق مختفيه والبارحه مقبلت تحجي اوف ربي همهه اكبر من همي ..
نشفت اديه وصعدت لكيت فتحت الباب وطبيت لكيتهه لابسه بدي ابو ركبه لونه احمر وبنطرون لونه اسود ورافعه شعرهه كبايه..
.. صباح النور غسق..
غسق.. صباح العافيه شلون صرتي..
زينب.. احسن تعالي خل نكعد كل وحده عدهه همم وحزن خلي نفضفض..
غسق.. بغصه.. تعالي رحت قفلت الباب ووحده حجت لثانيه شصارلهه تعاهدنه على انو نكون اخوات مو صديقات وما نضم سر صراحه رتاحيت من حجيتلهه احس جبل ونشال..
زينب.. نزلنه جوه راحت سلمت وصبحت وطبينه للمطبخ صبحت عليهم حجت عشق..
عشق.. اكولج هناء اني تعبت..
