اليتيمه والضابط
للكاتبه زهره ..
..
صكر.. كومي خيتي خل نكعد واكلج على اخبار تفرحج..
غسق.. توجهت لصاله الي بطابق ثاني كعدنه وحدنه.. يي خويه احجي شنو الاخبار..
صكر.. لكيت زينب وهسه. هيه بلمستشفى تحت العنايه المركزه والاحلى من هيج لكيت اخوهه. محمد..
غسق.. فتحت عيوني على وسعهم ههههه صكر اني مو مال شقه كول الصدك
صكر.. افاا مع الاسف عليج غسق اني اجذب..
غسق... هههه لاا حشاك حشاكك رفعع اديه اشكر ربي لان لكاهه وهسه هيه. بخير وسلامه
زين صكر وين لكيتهم باوعلي وتلبك. احجي صكر..
صكر.. لكيتهه عد عمامهه ال... جانو حابسيهه ومعذبيهه...
غسق.. يي يعني ط طول هالاشهر هيه تحت عذابههمم هز راسي دموعي طاحت يعني هيه ما سلمت من عذاب داعش وبعدها عمامها شنو من عمام هذولل..
صكر.. ايه اني العليه اجيت كتلج اني هسه راح اروح مع سلامه.
غسق.. صكرر جيب اخوهه لهنا اخلي بامانتي بتسم..
صكر.. انشاءلهه بس يفحصوه واجيبه لهنا...
غسق.. شكرا ساعدتني هواي...
صكر لا ولو هذا واجبي خيتي
غسق.. فرحتت حيلل راح صكر واني كمت رحت للحمام توضيت ورحت لغرفتي لبست جادر وسجاده وكعدت اصلي صلاه الشكر..
نسيت همي وحزني وسندت نفسي نزلت جوه كعدت يمهم كاعدات اربعتهن سوه وحده بصف ثانيه بس نزلت الانضار صارت عليه توجهت بست ايد بيبي وخالتي نوال
فرحاانهه حييلل ومتحمسه لشوفه اخو زينب...
ستوني كعدت حجت خالتي ام عشق..
ام عشق.. شني جاا اني وحدد ليش ما تبوسين ايدي مثلهن لو اني ابزز..
غسق.. خاله الي ميريدني اني هم ما اريده...
عشق.. هي هي التزمي حدودج احسلج هاي خالتج وهيج تتجاوزين عليها..
حبوبه.. ترةة الي حجته غسق صدكك الي ميريدهه احنه هم مريده خوشش
ام عشق.. هاا. يمه. شبسرعه نسيتي بنتج لو اجت بنت الحرام ولعبت بعقولكم...
نوال.. ام عشق. كافي. ليش هيج تتجاوزين عليتيمه وسمعيهه كلام مو حلو بحقهه..
غسق عفتهم وحدهم وطلعت ودمعه بطرف عيني ليش لازم فرحتي تخرب بسرعه....
كعدت علمرجوحه ودموعي تنزلل اوف ربي وفف...
رفعت راسي مصدومه مسحت دموعي بسرعه وكمت متوتره هاي اول مره يحجي وياي
حيدر...
..
يتبع
