رغد بسؤال : هي دى تيته يا بابا
زينب بصدمة : بابا مين يا مراد
مراد بتلقائية : رغد تبقى بنتى
زينب : أنت بتقول ايه
مراد : هفهمك بعدين يا أمى ليوجه كلامه لرغد قائلا : يلا نطلع فوق لأوضتك تنامى
ليأخذها ويصعد لأعلى لإحدى الغرف ويدخلها الغرفة وتنام ليتركها ويغادر
رغد : بابا أحكيلى حدودته
مراد : نامى يا بت قال أحكى حدودته قال
رغد ببكاء : أنا زعلانه يا بابا احكيلى حدودته
مراد : يوه ايه اليوم دا بس يا رب نامى يا أختى وأنا هحكيلك
ليحكى لها لتغط في نوم عميق بعد دقائق ليتركها ويغادر الغرفة وينزل لوالدته
زينب : مين البنت دى وليه بتقولك يا بابا
مراد بجدية : هحكيلك يا أمى ليحكى لها تفاصيل ما حدث بالكامل
زينب : طيب وهتعمل ايه معاها دلوقتى
مراد : هعمل ايه يعنى هتفضل هنا لحد ما أشوف مين أهلها أو ترجعلها ذاكرتها تانى
زينب : ماشى يا حبيبى اللى تشوفه
-----------------------------------
نهلة بغضب : دى مبقتش عيشة يا حازم ولسه مكملناش كام يوم متجوزين
حازم : دى مهما كان مراتى يا نهلة
نهلة : قصدك طليقتك يا حازم ولا ناسى إنك طلقتها يومها
حازم : مهما كان قلقان عليها لما جيت الشقة قٌلت هلاقيها فيها أو حتى أخدت حاجتها بس لا كل حاجه زى ما هي أكيد حصل ليها حاجه
نهلة :وقلقان ليه على أساس مش بتحبها
حازم : أيوه بس كان بينا عشرة وكفايه اللى عملته فيها وطلقتها
نهلة بعصبية : خليك أنت بخوفك عليها وأنا ماشية
لتتركه وتغادر نادما على ما فعله بها فهى لا تستحق هذا منه أبداً
-----------------------------
المجهول : عايزك تراقب مراد كويس وتمنعه عنه إنه يوصل لأى حاجه تخصها فاهم
الحارس : فاهم يا باشا
المجهول : مراد الحسينى لو وصل حاجه معناها إن حياتها انتهت
أنت تقرأ
اسكريبتات آية جمعة
العاطفيةلكل حكاية بداية تختلف عن الأخرى كما تختلف نهايتها ولكن هذا ليس سوى أمر واقع يجب عليك تقبل النهاية كما هى