شله المشاغبين (متوقفة)

الفصل ١١

#شله_المشاغبين
#الفصل_١١
_________________________________________

محمود بهدوء مخيف قائلا:"ممكن اعرف ليه مخلي صور و فيديوهات لرنا اختي عندك."

"انحسرت انفاسه بعنف وهو يحدق في وجهه محمود الذي ينظر له بنظرات مخيفه"

ابتلع ريقه بصعوبه و تحدث بارتجاف قائلا:"قبل ما تفهم غلط يا محمود خليني افهمك و اشرحلك كل حاجه صدقني انا....."

محمود و قد بدا ينفعل قائلا بحده:"هتشرحلي اي ما كل حاجه باينه و واضحه زي الشمس اهي مش محتاجه تفسير."

ايهم و هو يحاول اقناعه قائلا:"صدقني يا محمود مش زي ما انت فاكر خليني اشرحلك ، اديني بس فرصتي اوضحلك."

محمود بغضب مكتوم حتي لا يسمعوا اصواتهم:"مكنتش اعرف انك بالحقاره دي يا ايهم بقي انت يطلع منك تصرف زي دا ، يا اخي دا نور بتاع المشاكل مجيش حاجه جمبك."

كاد يتحدث ايهم لكن قاطعه محمود يكمل و قد فهم كل شيء:"اها قول بقي كده عشان كده طلبت من والدك انك تقعد عندنا احنا بالذات و انا قولت في نفسي كده اشمعنا احنا يعني تفضل عندنا , دا حتي اقرب واحد ليك زياد ليه مخترتش زياد و اختارتنا احنا ، مكنتش اعرف هدفك الدنييء دا."

امسك ايهم يديه قائلا برجاء و توسل:"والله انا مكنش في دماغي حاجه وحشه و عمري ما افكر اعمل حاجه تاذي رنا صدقني."

نهره بشده قائلا بغضب:"اخرس اسم اختي مجيش علي لسانك القذر دا انت فاهم."

نزلت دموع ايهم بحزن فقال محمود بسخرية:"اوعي تكون فاكر دموعك دي هتاثر فيا لا و الف لا ، انا الي يجي جمب رنا اختي اكله بسناني ، بس انا عامل حساب العشره و الصحوبيه اللي بينا اللي انت بسهوله معملتش ليهم حساب."

ايهم بدموع و توسل قائلا:"صدقني يا محمود انت بتظلمني انا مش كده خليني بس اوضحلك كل حاجه."

زفر محمود بعنف في بالنهايه هو صديقه قائلا بحده:"
اخلص عايز تقول اي؟."

مسح ايهم دموعه قائلا بحزن:"انا بحب رنا."

نظر له محمود بذهول فاكمل ايهم وهو ينظر الي الاسفل بحزن:"ايوه بحبها متستغربش اوي كده ، بحبها من ساعت ما دخلنا اوله ثانوي و معرفش ازاي قدرت احبها بالطريقه الجنونيه دي ، واحده واحده بقيت اجمعلها صور و فيديوهات يعني كنت بصورها من غير ما حد ياخد باله و كنت باجي اخير اليوم قبل ما انام اقعد اتفرج عليها بالساعات من غير ما ازهق ، كنت بتكوي من جوايا لما الاقيها قاعده مع حد تاني خصوصا لو كان زياد ، انا مش بحقد عليه اكيد عشان هو صاحبي."

ثم نظر الي محمود الذي ينظر له بحزن وقال و قد بدا يبكي مره اخري:"حط نفسك مكاني يا محمود ، بس عارف انت مش هتحس باللي بعاني بيه غير لما تمر زيه بالظبط مش هتحس لما تكون بتحب حد و شايفه مع غيرك و مش حاسس بيك نهائي و مش قادر تعبرله عن اللي جواك ."