شله المشاغبين (متوقفة)

الفصل الثالث

#شله_المشاغبين
#الفصل_الثالث
_________________________________________

خرج الجميع فركض زياد نحو رنا قائلا بتساؤل:"عملو معاك اي يا كبير جوا."

كبتت رنا ضحكتها وقالت بهمس:"المدير ادانا اسبوع فصل من المدرسه."

تحدث اياد مازحا:"المدير دا طيب اوي يا خال."

اوماوا له وقال ماجد بجديه:"قدامي يلا انتو التلاته حسابنا في البيت."

اشار لهم ايهم الي رقبته بعلامه الذبح فقال خالد بخوف
:"هو بيخوفنا ليه الواد دا."

"ضحك ايهم بشده عليه,ثم خرجوا من المدرسه وقاد ماجد السياره وبجانبه عامر الذي يشعر بالضيق من افعال ابنه،و في الخلف كلا من رنا و نور وخالد"

"وصلوا الي المنزل وتعجب الجميع من عودتهم مبكرا"

هديل بتساؤل:"اي دا ايه اللي رجعكم بدري كده دا مش ميعاد خروجكم من المدرسه."

وضع كلا منهم حقيبته وهم صامتون فقالت هايدي:"في اي يا عيال مالكم."

"تنهد ماجد ثم سرد لهم كل ما حدث"

ضربت هايدي بيديها صدرها قائله بصدمه:"انت فعلا عملت كده يا نور يا بني."

نور بحده:"يا ماما الواد دا كداب انا معملتش كده."

خالد بحنق:"يعني انا هتبلا عليك يعني ولا اي."

هديل وهي تنظر الي رنا:"طب وانتي يا اخرت صبري عملتي كده ليه."

رنا بتذمر:"يا ماما البت دي علي طول بتكلم خالد وحش اسكت يعني."

ماجد ساخرا:"لا ازاي دا انتي تقطعي شعرها دا انتي لو تطولي كنتي طلعتيها قرعه."

لوت فمها من سخريه والدها وانفضت بفزع عندما صرخ ماجد قائلا:"عارفه يا رنا لو المدير اشتكي منك تاني."

رنا بتراجع:"خلاص يا حاج سماح المرادي."

"نظر عامر الي ابنه نظره غامضه ثم نهض ليصعد الي غرفته دون كلمه،علم نور من نظره والده انه لم يسامحه،زفر بعنف ثم صعد وراء والده"

"طرق الباب وسمع والده يسمح له بالدخول فدخل وهو ينظر الي الارض بحرج"

نور:"بابا ممكن اتكلم معاك."

هز عامر راسه فجلس نور امامه قائلا:"بابا حضرتك مصدقني اني معملتش كده."

عامر بجمود:"اولا خالد ابن عمتك مش من النوع اللي يكذب علي حد وخصوصا لو في حاجه زي دي ، ثانيا انت عملت كده بس مش بالظبط."

نظر له نور بعدم فهم فاكمل عامر:"انت فعلا مسكت ايد البنت دي، واياك تكدب عليا يا نور."

نور محاولا مدافعا عن نفسه:"ايوا يا بابا انا عملت كده بس هي كانت راضيه يعني بمزاجها...."