عشقتها يا سعود وحبت اخوي

21

سعود رفع صوته : جدي انت صادق !! موديني لاهل البنت تخطبني لها ولا حتى علمتني وسألت اذا ابيها ولا ! وعساس ان كل الموضوع تأكيد كلامي
وبعدين وش تصلح ياجدي ماسويت شي غلط انا
الجد فهد : انتي يابنتي كنتي مع سعود في المزرعه اليوم الفجر ؟
غازي رفع صوته : انا وبنتي اصلاً امس ماكنا في الديره وش ذا الكلام الي مطلعه يافهد
الجد فهد : وش هوو ؟
سعود : طلعنا ياجدي
الجد فهد : ماني طالع لين تقولي كل شي
سعود : ابشر ياجدي بقولك بس خلنا نطلع الحين
طلع الجد فهد وسعود
سلمى : ليش يبه تكلمت
غازي : وانتي سمعتيه شيقول ! يتهمك انك مع سعود في المزرعه
سلمى : ادري يبه كلمتني روان بنت سوير وقالت لي السالفه كامله وكنت بس أأكد كلام سعود وتنحل المشكله بس الله يهديك يايبه
غازي : وانا وش يدريني دخل علينا يخطب وفوقها يقول بنتي مع سعود في المزرعه !

الجد فهد بغضب : يلا تكلم
سعود : اول شي اهدا وخلنا ندخل البيت وبقولك السالفه كامله
الجد فهد : ماني بداخل لين تقولي
سعود : ياجدي انت وش مزعلك
الجد فهد : فضحتوني عند ربعي وفوقها تكذب علي ولا عاد اني بسامع منك شي خذ اغراضك واطلع من بيتي الان
سعود : تطردني ياجدي ؟!
الجد فهد : ايه اطردك يلا عيوني لا تشوفك
سعود دخل البيت بدون مايرد على جده وجمع اغراضه
خالد : على وين ؟؟
سعود : خلاص راجعين لرياض
خالد باستغراب : كذا تمشي بدون ماتقول ولا تعطي خبر
سعود : ايه امشي ولا اعطي خبر تبي شي ؟
خالد : منت برايح ياسعود لين تقولي وش الي في خاطرك تراك اليوم مو عاجبني ابداً
سعود : خالد مافي خاطري شي بس ماشي انا
خالد مسك سعود : بتقولي انت ولا كيف ؟
سعود فكه : جدي ماعاد يبيني في بيته هذي السالفه
خالد بصدمه : وش الي ماعاد يبيك في بيته !!
سعود : ايه ماعاد يبيني وانا راجع
خالد : دقيقه دقيقه ليش ماعاد يبيك
سعود : روح اسئله انا ماشي
خالد : يلا يلا الله يستر عليك وحنا بنمشي وراك

تهاني : يلا ياشيخه ماشين
شيخه : وين ماشين يمه ؟
تهاني : لبيتنا
شيخه استغربت : وسعود وينه الحين
تهاني : برا مشغل السياره يلا
روان توترت : علامكم مستعجلين ياعمه
تهاني : محد مستعجل بس سعود شب علينا وقعد يخربط ويقول دوامه وشغله
روان : اها طيب الله يستر عليكم
طلعت شيخه و تهاني و ركبوا السياره
روان ويدها على قلبها : صار شي ياريم انا متاكده
ريم : اهدي خلينا نشوف جدي
روان : لا لا لا فكينا ياريم ماني شايفته والله
ريم : اجل انطقي هنا ولا تزعجيني
وضحى : انا بشوف جدي يابنات
روان : تمام شوفيه وعلمينا
وضحى : زين انتظروني

خالد : عسى ماشر ياجدي ليش طارد سعود !
الجد فهد : سعود ذا باع شرفنا يا خالد
خالد بضحكه : وش الجديد ياجدي علمني
الجد فهد : سعود كان مع بنت في المزرعه ودخل عليهم مشعل وقال ان هذي زوجتي
خالد : ايه ياجدي ووش سويت انت ؟
الجد فهد : سألته وقال شيخه وطلع يكذب ثم قال سلمى غازي وطلع يكذب وطردته بعد كذا
خالد : دامك ياجدي تبيع احفادك واهلك على كلام الناس انا بعد مابقعد في هذا البيت دقيقه
الجد فهد : بذلفتك انت والي معك بس بنتي مهي بطالعه فاهم ولا
خالد : بنتك امي وعندها بيت عايشه فيه ليش ماتطلع !
الجد فهد : جاك العلم اطلع انت والي جاي معك بنتي سوير بتقعد معي
خالد : نشوف امي اذا كانت ودها بالقعده ولا
الجد فهد : لا مو بكيفها بنتي وانا ابيها