الضابط القاسي واليتيمة

بارت رقم8

احًبًکْ حًتٌى تٌمًلَ مًنِيَ...
وٌآنِ مًلَلَتٌ آخِبًرنِيَ...
لَآحًبًکْ مًنِ جّدٍيَدٍ!؛..
********************

#الضابط القاسي واليتيمة
#تبارك صلاح
#عطر الزهور
*******************
حور: هلة بيج منتضريج
سديت الخط منهة وكمت ودخلت للحمام وسبحت ولفيت روحي بالمنشفة طلعت باوعت للكنتور مادري شلبس شفت تراك ولا مرة لابستة اني مالبس تراكات بس هوة حلو من قستة كولش حلو علية طالع اخذتة ولبستة بجامة سودة وبيها خط احمر والتيشرت احمر نص ردن مشطت شعري وضفرتة ورجعت فتحتة ورفعتة ذيل حصان هيج احلة.. حطيت كحل وحمرة حمرة ومسحتها صار لونها خفيف ومورد خدود وخليت عطر باوعت لشكلي حلو بس والله استحي اطلع هيج
كعدت على الجرباية العب بتليفوني شوية وندكت الباب دخلت هناء اول مشافتني ضلت فاتحة حلكهة

هناء: صخاااام هسة امي اذا شافتج تنجلط هسة تكول اني ابعد بي وانتي تخبلينة

حور: ههههههه يعني حلوة

هناء: لج التراك يخبل عليج بعد ماجيب دشاديش التراكات يلوكلج اكثر

حور: هناء اني خايفة الي داسوي غلط

هناء: ليش يمة انتي لابسة لغريب غير زوجج يحضي هسة تشوفين الحية شراح تلبس من يجي

حور: ليش تحجين عليها والله حبابة

هناء: ديري بالج منهة تراهة حرباية تتغير ميت لون هدوئهة هذا مو خالي ناوية نية بس مبيتتهة لتأمنين بيها ابد

حور: ليش تخوفيني

هناء: احسن الخوف يخلي الواحد يحذر منهة وهسة تعالي ناقصج شي

حور: شنو

هناء: صبغ اضافر ههههه كعدي

حور: كعدت تصبغ اضافيري واني صافنة عليها كلت تدرين جنت اتمنى تصير عندي اخت وهسة صار عندي ثنين والله عوضني بخالتي حسستني اني بنتهة احبكم هواية

هناء: واحنة هم نحبج وصدكي اني معتبرتج مثل سناء لهالسبب اتدخل بلبسج وبحياتج  ولة شوفة عينج ذيج حتى سلام كوة اسلم عليهة

حور: شكراً حلوات

هناء: جيبي رجلج

حور: لا يصيرن مو حلوات

هناء: لا حلو جيبي

حور: مر الوقت وكضينا اني وهناء صار وقت الغدة طلعنة بلشنة نصب وخالتي دخلت تصلي واحنة بالمطبخ بلشنة تحضير فجأة سمعنة صوت الباب كلبي نقبض ولا كأن نفسة الي منتظرة جيتة
من صار صدك وراح اشوفة رجعت خفت ولا جني احاجي بالتليفون دخل السيارة وطلعت حنان استقبلتة من الباب وهوة عينة على باب المطبخ بس الجام مضلل اشوفة وميشوفني دخل وهية مجلبة بأيدة اني قبل لا يدخل ركضت لغرفتي
شوية واجت هناء
هناء: حور شبيج ليش جيتي هنا عبالك واحد مهزوم