رواية الضابط القاسي واليتيمة
،،،،،،،،،،،،،،،،،،،،،،،،،
عطر الزهور
تبارك صلاح 👑❄
،،،،،،،،،،،،،،،،،،،،،،،،،
السلام عليكم
اني ام حسام ارملة عندي حسام وبنات ثنين توأم
ام حسام: توفة زوجي قبل 20سنة من جان حسام عمرة 9 والبنات عمرهن10 سنين
ربيتهم وتعبت عليهم صعب تربي انتة وتتعب وتصير ام واب وكلشي لأطفالك
زوجي صاحب املاك حالتة خير من الله وراتب الة هالشي ساعدني بتربيتهم
مالي احد زوجي الوحيد لأهلة وكذلك ابو لهالسبب ماكو احد عاني بيهم ربيتهم وكبرتهم والبنات ينحطن ع الجرح ما شلعن كلبي بس حسام اووف منة ملوطني من صغير شالع كلبي ولد ربة بلا اب وبلا خوف صح اكو نسوان ربن ولدهن احسن تربية بس حسام غير حسام عنودي وراسة يابس والي فسدة اصحاب السوء اول شي بلش تدخين
ام حسام: ومشت الايام والبنات جتي قسمتهن الزينة ونطيتهن وضل حسام على سوالفة
وكل ما يكبر تطور من التدخين اخذ درب الشرب وسوالف العربدة والنسوان
وكل يوم معارك ومصايح بسبب افعالة لحد ما يوم ارتاح كلبي من عرفت مقدم على كلية عسكرية
كلت الكلية تعلمة الالتزام رغم سيئاتة بس طبعة شاغول وعينة على بيتة وحريص وشاطر وطموح لهالسبب جانن هذن الشغلات يشفعلة عندي
ماطول السالفة دخل كلية عسكرية ثلاث سنوات وتخرج منها ضابط وجانت فرحتي متنوصف
احلى شعور هوة فخرك بقطعة منك نجاحة ومنصبة فخر الي رجع متغير شكل وفعل
صار رجال بمعنى الكلمة وسلوبة وياية تغير يحترمني وميحب يزعلني بس الفرح ميكمل على كولة المثل كل حلو بي لولة
بعد فترة من تخرجة صار يطول بالرجعة بالليل عرفت يتقصد حتى ما اشوفة شارب ومنهة عرفت ابو طبع ميغير طبعة بعد رغم منصبة كضابط بس بعدة على نفس سوالفة وخاف جان قبل اكدر اصيح واضربة هسة زلمة طول وعرض
فكرت وكلت بعد ما عدت 3 سنوات علة زواج البنات اقنعة يتزوج واتحجج ماكدر وحدي بلكت يقبل ويعوف سوالف السكر والنسوان
وصدك مر يومين وكلت يمة رايدتك بحجاية
حسام: امري يمة
ام حسام: ميؤمر عليك ضالم وليدي اني كبرت وماكدر لشغل البيت ومسؤولياتك اتزوج وجيبلك وليد يشيل اسمك وفررحني
حسام: باوع لامة وهوة فاهم يلي براسها شنو كال يمة رايدة تزوحيني لان متكدرين للشغل لو رايدة وليد
ام حسام: اسلوب الضباط والتحقيق عوفة بشغلك وجاوب
حسام: ههههههه ماكدر هالاسلوب تطبع بدمي يعني من اباوع بوجهج اعرف بشنو تفكرين وانتي رايدة تربطيني بمرة صح لو لا
ام حسام: عوف هالسوالف وخليني الكالك مرة كبرت وهالبيت كبير ماكدر على شغلة وخواتك لشوكت يجن يساعدني
أنت تقرأ
الضابط القاسي واليتيمة
Romanceقصة تدوور احداثها بين ضابط غير ملتزم عايش حياته بالطول والعرض.... وطفلة يتيمة الابوين بريئة الى ابعد حد... شاء القدر يجمعهم صدفة... هل يتقبلان بعضهما رغم الاختلاف ام.... اتمنى لكم قراءة ممتعة
