عشقي الأول والأخير

Part 9

Part 9
في المطعم
مالك: طب و اي اللي حصل

Flash Back
قبل خمس سنين
كريم: أسيل معلش همسي انا بقا عشان جالي شغل ولما اخلص هكلمك ماشي يا حبيبتي
أسيل: ماشي يروحي انا هروح وأشوف لو في حاجه ناقصه عشان الفرح فاضلو اسبوعين
كريم: ماشي يا حبيبتي لو عوزتي حاجه كلميني
أسيل : تمام
كريم: باي
ــــــــــــــــــــــــــــــــــ
في منزل أسيل
أسيل: كدا فاضل نحجز مع الكوافير ونعمل بروڤا لفستان الفرح يا ماما
اميره بدموع : انا مش مصدقه انك خلاص هتتجوزي وتسبيني
أسيل بدموع: يا ماما بطلي عياط انا مش مهاجره
ميرنا بمرح : اي يجماعه أجواء الحزن دي بصراحه يا أسيل انا مبسوطه انك هتتجوزي عشان هنام براحتي ف الأوضه
أسيل بمرح: اي دا بتاعة مصلحتك اوي يا ميرنا
ميرنا :بصراحه فرصه لا تعوض
اميره: يلا يا بت انتي وهي نروح شقه أسيل عشان نفرش البيت ونظبط الدنيا هناك
أسيل وميرنا: يلا
أسيل : طب استنو ارن علي كريم اقولو
ميرنا: لا لا خليها مفاجئه يا هبله
أسيل: معاكي حق يلا نروح
ـــــــــــــــــــــــــــــــــــ
امام باب شقه أسيل ليسمعو صوت ضحك
أميره: اي الصوت دا يا أسيل هو كريم جوه
أسيل : مش عارفه يا ماما تعالي نفتح ونشوف ليفتحو الباب ويتفاجئو بوجود كريم وفتاه في وضح فاضح
كريم بخوف: ا..أسيل استني افهمك
أسيل بصراخ: تفهمني اي انت واحد زباله علي سريري يا كريم بجد اي القرف دا
اميره بصراخ: أنت غبي انت ازاي تعمل كدا انت من النهارده متجيش جمب بنتي وإلا أقسم بالله هندمك علي اليوم اللي اتولدت فيه
لتذهب أسيل وتقف امام كريم وتصفعو بقوه
أسيل: اياك اشوفك تاني واتفو عليك
كريم: استني افهمك طيب
أسيل بصراخ: مش عايزه اسمع صوتك
ميرنا : يلا نمشي يا أسيل دا واحد وس*خ
Back

أسيل بدموع: بس هو دا اللي حصل معايا
مالك بحزن: انا اسف اني فكرتك ممكن متعيطيش
أسيل : عادي ولا يهمك وشكرا انك سمعتني
مالك: شكرا علي اي مش احنا صحاب
أسيل بضحك: ايوا صحاب
مالك: ومن النهارده مش عايز اشوفك زعلانه خالص ماشي
أسيل : ماشي
ليسمعو صوت احد يقول
......: أسيل
أسيل بصدمه: كريم
كريم بخبث: ازيك يا حبيبتي
أسيل بغضب: حبك برص
مالك: في حاجه
كريم بخبث : ودا مين إن شاء الله
مالك: خطيبها في حاجه
كريم بصدمه: خطيبك هو انتي اتخطبتي
أسيل : اه خطيبي في حاجه
كريم: بس انتي مش هتبقي لحد غيري يا اسي.....
لم يكمل الا وقد انقض عليه مالك وأخذ يضرب فيه
مالك بغضب: اياك تجيب اسمها علي لسانك
أسيل بخوف : خلاص يا مالك الناس اتلمت علينا
مالك : ماشي عشان خاطرك بس
كريم والدماء تنزف من وجهه بشده: خايفه عليه اوي وحيات امي ما ههنيكو ببعض
مالك: اياك تقرب منها وإلا أقسم بالله ما هسيبك يلا يا أسيل
أسيل: يلا
ـــــــــــــــــــــــــــــــ
أمام سياره مالك
أسيل ببكاء : انا اسفه
مالك: طب انتي بتعيطي ليه دلوقتي
أسيل : عشان حطيتك في الموقف دا
مالك : لا عادي فداكي المهم دلوقتي حدديلي معاد مع باباكي
أسيل : ليه إن شاء الله
مالك : عشان انا قولت انك خطيبتي والواد دا لو عرف أننا بنكدب مش هيسيبك في حالك
أسيل: لا يا مالك أنا بعتذر عن الموقف دا بس اكيد مش هتخطب لواحد عشان كدبنا
مالك : يا أسيل فكري بعقل الواد دا خبيث ومش هيسيك في حالك ولو عرف أننا مش مخطوبين مش هيسكت
أسيل بتفكير : طب واخرتها
مالك : حدديلي انتي معاد مع باباكي بس
أسيل : ماشي
مالك : بس احنا هنبان قدامهم بنحب بعض مش مخطوبين عشان حاجه ومحدش يعرف الكلام دا غيري انا وانتي ماشي
أسيل : ماشي
مالك: يلا عشان اوصلك
ــــــــــــــــــــــــــــــ
في احد الكافيهات تجلس ميرنا شارده وتفكر في ادم ليقطع تفكيرها جلوس احد أمامها ولتتفاجأ أنه ادم
ميرنا وهي تريد الذهاب: انت اي اللي جابك هنا
ليقف أمامها ادم
ادم: اقعدي يا ميرنا عايزك
ميرنا : لا
ادم بغضب: اقعدي يا ميرنا قولت
ميرنا: ماشي
ليجلسو
ميرنا: نعم عايز اي
ادم: ممكن افهم اي اللي حصل في الجامعه دا
ميرنا: وانت مالك
ادم: اتكلمي عدل يا ميرنا بدل ما ازعلك
ميرنا : والله ما تقدر تعمل حاجه وهعيدها تاني انت مالك
ليحمر وجه ادم من الغضب: أقسم بالله لو ما قولتي مالك لهزعلك
لتخف ميرنا ولكنها تكلمت ببرود: عادي مفيش
ادم وقد بدأ يهدأ: انتي اي اللي خلاكي تكلمي علي
ميرنا: عادي صحبي طب ما انت كنت قاعد مع واحده في الكافيتريا هل انا جيت قولتلك هي مين ولا بتكلمها ليه اصلا دي حاجه متخصنيش ؟
ادم بخبث : اه ما تقولي انك غيرانه
ميرنا بتعثلم واحمرت وجنتيها: ا...انا مغرتش وبطل رخامه ها وجاءت ان تذهب ليمسك ادم يديها
ادم: طب استني افهمك دي يا ستي تبقي زميلتي كانت في حاجه مش فهماها وانا كنت بفهمها
ميرنا بفرح: بجد.. احم قصدي وانا مالي اصلا
ادم بضحك: لا بجد واضح انك ملكيش دعوه لدرجه ان عنيكي بقا فيها لمعة فرح
ميرنا وهي تنظر بعيدا : لا علي فكره هو ..هو
ادم : طب بس بس انتي لسه هتهوهوي
ميرنا : لم لسانك
ادم : ممكن افهم بقا انتي اي اللي خلاكي تكلمي علي
ميرنا : مفيش هو قالي ممكن نبقي صحاب وانا وافقت
ادم بحده: وانتي اي يا عنيا
ميرنا بخوف : وانا وانا وافقت
ادم: اياكي يا ميرنا اشوفك بتكلميه ولا واقفه معاه
ميرنا بخبث : وانت مالك مهتم اوي كدا لتكون بتغير مثلا
ادم بضحك: قولي الكلام دا لنفسك ها دا انتي وشك لسه محمر لحد دلوقتي
ميرنا : تصدق انك رخم انا ماشيه باي
ادم بضحك: امشي امشي اشوفك في الجامعه
ميرنا: ماشي باي
ادم بتفكير : هو انا حبيتها ليبتسم ويتذكر خجلها ليه لا انا بحبها
ـــــــــــــــــــــــــــــــ
في احد المطاعم
يوسف : تحبي تاكلي اي
فرح: اي حاجه اقولك اطلبلي انت
يوسف: ماشي
ليأتي النادل ويطلبو الطعام
يوسف : بس اي الحلاوه دي
فرح بخجل : شكرا انت احلى
يوسف بمرح: لا بقولك اي متتكسفيش مني اعتبريني جوزك قصدي صاحبك
فرح بضحك: ماشي
يوسف : الا قوليلي يا فرح انتي اتخطبتي قبل كدا
فرح: لا وانت
يوسف: اه كنت خاطب واحده بس محصلش نصيب
فرح: طب وسيبتو بعض ليه
يوسف : عادي محصلش نصيب
فرح: معلش ربنا يعوضك باللي احسن منها
يوسف وهو يغمز لها: ما انا شكل ربنا عوضني بس بقولك اي ست البنات
ليأتي النادل ويضع الطعام
يوسف: دا انت فصيل
فرح بضحك: احسن
يوسف : اضحكي يا اختي اضحكي
ـــــــــــــــــــــــــــــــ
في منزل أسيل علي طاوله الطعام
أسيل بخجل : بابا عايزه اقولك حاجه
احمد بإهتمام : اي يا أسيل قولي
أسيل : انا في واحد متقدملي وعايز يجي يقابلك
اميره وميرنا بفرح: قولي والله بجد
ميرنا : هو مين
اميره: شكلو حلو
احمد: بس انتو الاتنين كملي يا أسيل
أسيل : مالك يا بابا انت عارفو
احمد بتفكير: مالك شخص كويس قوليلو يجي يوم الخميس الجاي الساعه 7 احنا كدا كدا النهارده الاحد يعني بعد 5 ايام
اميره بفرحه :الف مبروك يا بنتي
ميرنا: مبروك يا حبيبتي
أسيل : الله يبارك فيكو
لتذهب أسيل لغرفتها وتتصل ب مالك
أسيل : مالك بابا وافق وقالي خليه يجي يوم الخميس الساعه 7
مالك: ماشي
أسيل : باي
مالك: باي
لتأتي ميرنا بخبث
ميرنا: ايوا يعم بقينا بنحب بقا وكدا
أسيل : امشي يا بت من هنا روحي نامي يلا
ميرنا: ماشي يست متزقيش بس بالله بتحبيه
أسيل : اكيد بحبو مش هيبقي خطيبي
ميرنا: ايوا بقا خطيبك وهيبقي جوزك مبروك يا ستي اوعدنا يارب بحد زي مالك
أسيل بخبث : ايوا قصدك ادم صح
ميرنا بخجل : نامي يا أسيل
أسيل بضحك : والله بتحبيه
ـــــــــــــــــــــــــــــــ
في منزل مالك
مالك : ادم جهز نفسك يوم الخميس عشان هروح أخطب
ادم بضحك: بطل هزار يعم
مالك: مش بهزر
ادم : انت بتتكلم جد طب هي مين
مالك: أسيل
ادم : طب والله كنت حاسس مش عارف ليه
مالك: المهم جهز نفسك هنروح يوم الخميس الساعه 7
ادم : اكيد جاهز الف مبروك يا حبيبي عقبال الفرح
مالك: الله يبارك فيك عقبالك
ادم: قريب متخافش
مالك: اي دا هتبقي مين
ادم: مش مهم دلوقتي هتعرف بعدين
مالك: ماشي
ليقاطعهم صوت الجرس
مالك: قوم افتح
ادم : ماشي
يوسف : انا جاي ابات عندكم يا اهل البيت
مالك بضحك : تعالي يا اخويا تعالي ما هو بقا بيتك مش بيتي
ادم : شوفت اخر الاخبار مالك هيخطب
يوسف بصدمه: قول والله
ادم: والله عارف هيخطب مين
يوسف : اي مين
ادم: أسيل
يوسف : والله كنت حاسس
مالك بضحك : اي يا جماعه مالكو اي كميه الاحساس اللي نزلت عليكو دي
يوسف وهو يحتضن مالك: الف مبروك يحبيب اخوك
مالك: الله يبارك فيك عقبالك يحبيبي
يوسف: خلاص هانت فاضلي شويه وهلحقك
ادم بخبث: اي دا وانت كمان ايوا يعم وقعنا
يوسف : هييح وقعت بس دا انا وقعت حتة وقعه
مالك : جهز نفسك انت كمان هتيجي معايا يوم الخميس
يوسف : انا جاهز من دلوقتي يا صحبي
مالك: ماشي
ـــــــــــــــــــــــــــــــ
#عائله_مريم_فتحي
#حكاوي_عِشق
#عشقي_الأول_والأخير