الفتوه والجميله

Part 8♥

#هاجر_النجار
#الفتوه_والجميله
#البارت_الثامن

البارت الجديد ياحلوين عايزه تفاعل جامد جدا الفصل مليان احداث وباذن الله يعجبكم... الفصل طويل 3100 كلمه دا عشان اعوضكم عن البارت اللى فات ولو التفاعل فضل حلو كدا هنزل على طول فى المعاد والبارت هيكون طويل 💙💙

يلا نبدأ

Part 8💙

___________________________________________________________________هاجر النجار

يقترب عياد منها حيث اصبح لا يفصل بينهم سوى خطوه واحده
فترتبك زينه كثيرا وتمد يدها حتى تمسك بالمزهريه بجوارها
عياد بخبث: ها كنتى بتقولى ايه

زينه وهى ترفع المزهريه حتى تضربه بها على رأسه: كنا بنقول كدا

يمسك عياد يدها بسرعه ويضربها فى الحيطه خلفها بخفه فتفتح زينه يدها مجبره وهى تأنى بألم وتقع المزهريه ارضا مصدره صوت عالى مزعج
عياد بزهول: عايزه تضربينى انتى اتجننتى

زينه بألم: سيب ايدى

عياد: اسيب ايدك دا انتى كنتى هتفتحى دماغى انتى هبله يابت

زينه وهى تنزع يدها منه بحده: ما انت اللى عمال تقرب منى وانا اتوترت ومكنتش عارفه اعمل ايه يعنى انت السبب

عياد: كمان انا السبب دا انتى بجحه

زينه بغضب: احترم نفسك مش هسمحلك تتجاوز حددوك معايا سامع

عياد بهدؤء مصطنع: وكمان بتعلى صوتك عليا وبتأمرينى اعمل ايه.... انتى رافعه ايه يابت اكيد واخده حبايتين شجاعه مش كدا

زينه: ايه اللى يتقوله دا

عياد: امشى قدامى خلينا نتكلم ونوضح كل حاجه خلينا نخلص من ام الليله اللى مش فايته دى

تذهب زينه وتجلس على اول كرسى يقابلها على مضض وتقول بضيق: ها هتقول ايه

يجلس عياد قدامها ويقول بهدؤء: انا هعدى اللى انتى عملتيه دا عشان كنتى متوتره وهعدى الموضوع بمزاجى عشان انتى لسه متعرفيش طبعى ايه ولو اتعصبت ممكن اعمل فيكى ايه

زينه بتحدى: هتعمل ايه يعنى

عياد : مش هرد عليكى..... كل واحد يقول اللى عنده عشان نتخمد فى الليله دى بقا

زينه بتوتر: طب قول انت الاول

عياد: ماشى.... ياخذ نفس عميق ويبدا فى الحديث بهدؤء.... بصى يا بنت الناس احنا الاتنين اتغصبنا على الجوازه دى صح.. تؤمى له زينه براسها... طب عشان نعرف نعيش مع بعض من غير مشاكل والهبل بتاعك دا لازم نعرف بعض كويس وكام حاجه كدا لازم تعرفيهم عنى انا طبعى صعب شويه وصعب حد يتعايش معايا وانا عارف كدا فبقولك من الاول اهو انا عصبى جدا ومبعرفش اتحكم فى نفسى وقت عصبيتى عشان كدا لو لقيتينى متعصب تبعدى عنى لانى ممكن أذيكى وانا مش عايز كدا.... تانى حاجه مبحبش العناد ها سامعه العناد والصوت العالى ولو عديتها مره مش هعديها تانى.... تالت حاجه الفتره اللى هنعيشها سوا هتكونى فيها فى حمايتى ومحدش يقدر يتعرض ليكى ولا يدوسلك على طرف وعايزك تكونى صريحه معايا اى حاجه تحصل تقوليلي عليها عشان مبحبش الكذب... وانتى اكيد عارفه ان جوازنا دا لفتره معينه وهينتهى وفى الفتره دى انتى فوق راسى واحترامك من احترامى وانتى تعملى حساب لتصرفاتك انك بقيتى مرات عياد العطار وتتصرفى على اساس كدا اظن فهمانى