#هاجر_النجار
#الفتوه_والجميله
#البارت_السادس
البارت الجديد يا حلوين.... يارب يعجبكم. تفاعلو على البوست وارفعوا البارت عشان اكمل 💙 وبالنسبه لمواعيد الروايه... الروايه بتنزل يوم و يوم الساعه كام بقا دا انا مقدرش اتحكم فيه انا اول ما بخلص البارت بنزله على طوول مقدرش اربط نفسى بساعه معينه 💙💙
يلا نبدأ
Part 6♥
___________________________________________________________________هاجر النجار ♥
يقاطع حديثها مع عياد صوت شجار حاد يأتى من الاسفل فتركض هى وعياد الى الشرفه حتى يروا ماذا يحدث فوجدوا بعض الرجال المسلحين بأسلحه بيضاء من خارج الحاره يشتبكون مع رجال الحاره ورجال عياد شهقت زينه بصدمه وهى ترى مؤمن ابن معها من ضمن هولاء المسلحين فنظرت الى عياد فوجدت وجهه احمر من شده الغضب وركض من الشرفه الى غرفه النوم فركضت زينه خلفه
شهقه حاده خرجت من زينه عندما وجدته يخرج مسدس من الكوميدينو بجانب السرير و ملئ الخزنه الخاصه به بلطلقات وخرج بسرعه من الغرفه وهو يردد بغضب جيت لقضاك يا ابن الكلب
حاولت زينه ايقافه لاكن لم يستمع اليها بل قام بدفعها الى الداخل واغلق الباب عليها من الخارج بالمفتاح ظلت زينه تصرخ بأعلى صوت لديها حتى يفتح لها لاكن لم يستمع لها ركضت زينه الى الشرفه حتى ترى ماذا يحدث فوجدت عياد يقف بالمنتصف بين رجال الحاره و هؤلاء المسلحين وهو يشهر سلاحه بوجههم فصرخت بقوه وهى ترى هجوم هؤلاء المسلحين على عياد ورجاله مره اخرى التفتت زينه للخلف عندما سمعت احد يدخل الشقه فوجدتها حليمه فركضت اليها بسرعه وقالت بصوت متقطع: الحقينى... يا ماما... عياد... و مؤمن... تحت.. عياد معاه سلاح
حليمه: اهدى... اهدى ياحبيبتي متخافيش عياد هيحل الموضوع
زينه: ازاى بس دا نزل بالسلاح يعنى ممكن يأذى حد او يأذى نفسه
حليمه: تعالى ننزل وشوفى بنفسك دا ابنى وانا عرفاه وبعدين هى اول مره يعنى
زينه بزهول من لا مبالاه حليمه: هى اول مره!!!!! معلش بس ازاى انتى مش خايفه عليه
حليمه بابتسامة: عشان عارفه ان ابنى راجل ويقدر يحل الموضوع من غير اى خساير وبعدين هو الواد دا قفل عليكى ليه انا لقيت الباب مقفول والمفتاح فى الباب وانا طلعت على صويتك
زينه: يلا ياماما مش وقته خلينا ننزل نشوفهم الاول
حليمه: يلا ياختى
تخرج زينه من الشقه وتنزل درجات السلم بسرعه وهى تشعر بقلبها يكاد يتوقف من الخوف وحليمه اغلقت باب الشقه ونزلت خلفها نزلت كلا من زينه وحليمه الشارع فوجدوا خناقه كبيره تدور بين رجال عياد والرجال المسلحين انهى عياد الخناقه عندما ضرب بسلاحه فى الهواء مصدر صوت عالى مرعب وقف على اثره كل شخص مكانه
عياد وهو مازال ممسك بالسلاح ويرفعه الى الاعلى قال بصوت قوى غاضب: كل واحد مكانه محدش يتحرك... ايه.. هى حصلت جايب شويه بلطجيه وجاى تهددنى بيهم وسط منطقتى... فى ايه يالا محرمتش من اللى حصلك المره اللى فاتت
STAI LEGGENDO
الفتوه والجميله
Storie d'amoreهو فتوة الحارة لم يطلب منه احد المساعده ورفض دائما ما يساعد الناس لجأت له وطلبت مساعدته فلم يرفض و وافق على الفور لم يعلم ان بدايه المساعده بالنسبه لها هى بدايه قصه الفتوة والجميله. هى كانت تهرب من بطش عمها واخذها الطريق اليه لا تعلم انه قدرها التى...
