فضفضة ما قبل النوم

اليوم السادس

النهارده موضوعي هيكون خصوصي شويه وفي ناس ممكن تزعل مني بس الحق ما يزعلش
انا من محبين Bts
ودي حاجه عاديه انا بشوف بنات مهوسين بيهم
انا بقالي فتره طويله بطلت اتابعهم
مش بكرهم لا بلعكس دول كانو سبب في حاجات حلوه كتير اوي في حياتي علموني اثق في نفسي واشوف نفسي حلوه علطول انا كنت حرفيا بعشقهم
ولما كانو بينزلو اغاني كنت بعيط من الفرحه
بس فجأه في حاجه جوايا قالتلي بس كفايه الي بتعمليه دا غلط
وقريت حديث انا مش متذكره بلظبط بس هقول حته منو من احب قوم حشر معه يوم القيامه دا المعني مش الكلام بلظبط يعني
المهم دول ناس مش من الدين بتاعنا انا مش هعمل نفسي شيخه واقولكم متسمعهمش وكدا لا اسمعم بس مش كتيير جامد وفي نفس الوقت مينفعش ندمنهم يعني اقول دا سبب سعادتي او دا ملاكي او الكلام الي اغلب الارمي بيقولوه انا ارمي علفكرا زيكم وبحبهم بس مش اوڤر انا عادي وبسمعهم ولسه سامعه اغنيتهم الجديده وكانت تحفه

بس يا بنات لو سمحتم حاولو تقللو شويه من ادمانكم ليهم لانكم هتلاقو نفسكم معاهم وهما مش هيدخلو الجنه اكيد يعني هتلاقو نفسكم معاهم لان دول الي حبتوهم في دنيتكم

حاولو مش اكتر ومش لازم تليفونكم يكون مليان بي صورهم والله دا اكبر غلط برضو انكم تتفتنو بي جمالهم او جمال جسمهم

هما اصواتهم حلوه وكل حاجه بس بلاش الي انتو فيه دا بعد ازنكم والي عندو انتقاد يقول في كومنت وانا هقنعو

علي العموم ربنا يهديكم و Bts مش هينفعوكم قدام ربنا يلا اسيبكم في رعايه الله
تصبحم علي خير