ကျီဝူရှားမှင်သေသွားလေသည်။
“ဆရာ့မှာ တပည့်တစ်ယောက်ပဲရှိတာလား?”
လုရှောင်ယန် ခေါင်းညိတ်ပြလိုက်ကာ၊ “ဟုတ်တယ်။ မင်းမှာ ယွင်လီကောလို့ခေါ်တဲ့ စီနီယာအစ်ကိုတစ်ယောက်ရှိတယ်။”
ကျီဝူရှား ဘာမှပြန်မပြောသော်လည်း သူမအမူအရာကတော့ ပုံမှန်မဟုတ်ပေ။
ကောင်းကင်နတ်ဆိုးဂိုဏ်းရဲ့ ထိပ်တန်းဆရာသခင်တစ်ယောက်ဖြစ်ပြီး တပည့်နှစ်ယောက်တည်း ရှိတာလား။ ဒီလိုဂုဏ်သတင်းနိမ့်ပုံမျိုးနဲ့ဆို သူလူကောင်းတစ်ယောက်ကို သင်ပေးနိုင်ပါ့မလား?
ရုတ်တရက် သူမအလျင်စလို ဆုံးဖြတ်လိုက်သည့်အပေါ် နောင်တရလာတော့သည်။
သူမအတွေးတွေကို ထိုးထွင်းမြင်နေနိုင်သည့် လုရှောင်ယန်ကတော့ ပြုံးသာပြုံးလိုက်လေသည်။ “တပည့်အရေအတွက်ထက် အရည်အချင်းကအဓိကပဲ။ ငါ့ရဲ့တပည့်တိုင်းက တစ်သန်းမှာတစ်ယောက်ဆိုတဲ့လူတွေပဲ။ သိုင်းဘုရင်အဆင့်ကိုရောက်နိုင်မယ့်အလားအလာမရှိတဲ့သူကို ငါလက်မခံဘူး။”
ကျီဝူရှား၏နှုတ်ခမ်းစွန်းများ တွန့်သွားပြန်သည်။ လာပြန်ပြီ ဒီစကားတွေ!
သူမအမူအရာကိုကြည့်ယုံဖြင့် သူကိုမယုံကြည်သေးမှန်း လုရှောင်ယန်သိလိုက်သည်။
သူထပ်ပြီးလဲ အများကြီးရှင်းပြနေချင်စိတ်မရှိတော့သလို ရှင်းပြနေလို့လဲ အပိုပဲဖြစ်မည်။ ဒါကြောင့် သူ့လက်ချောင်းကို ဆန့်လိုက်ပြီး ကျီဝူရှား၏မျက်ခုံးနှစ်ခုကြား နေရာလွတ်သို့ စစ်မှန်သောဇာမဏီကိုးပါးအသွင်ပြောင်းခြင်း ကျင့်စဉ်ကို ထည့်ပေးလိုက်လေသည်။
“ဒါက ငါမင်းအတွက်ရွေးချယ်ပေးထားတဲ့ ကျင့်ကြံခြင်းနည်းစနစ်ပဲ။”
ကျင့်ကြံခြင်းနည်းစနစ်က သူမစိတ်ထဲသို့ဝင်ရောက်သွားသည်။ သူမသာမာန်ကာလျှံကာကြည့်လိုက်ကာ စိတ်ထဲကနေပြီး ရေရွတ်လိုက်သည်။ ‘ဒါကောင်းကင်ဘုံအဆင့်ကျင့်စဉ်များလား?’
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
အခန်း ၁၀ စစ်မှန်သော ဇာမဏီကိုးပါးအသွင်ပြောင်းလဲခြင်း
Start from the beginning