ذاكرة الماء

الجزء التاسع

امي توها صبت الغدة هي والبنات ..
طبعا الزلم تاكل يلا احنا ناكل ..

بعدهم ناكل بالمطبخ لان لازم نكون باستعداد بطلباتهم

بين مدياكلون ..

هم عاط ابويه ع امي ..

جنت خال فلوس فوك الثلاجة وينها ..

امي بحيرة والله ابو رضا مدري ..

كال شنو مدري لعد انتي شنو بلبيت ..كم مرة اكولج
لا تلعبين بغراضي .

ع الصوت اجوي ..الولد ..

وبقى يصيح ويحجي عليها

كبرتي خرفتي .غبيه ..عورة متشوفين زين ..

والكل يهدي بي ..يردة بس يسكت ..

واحنا ندور مثل المصرع من يفتر

الى ان اخويه صاح هنا لكيتها بسيارة ..

بعد هذا الموقف امي ابتسمت بكسرة خاطر وروح

ها مو كتلك انت ضامها ..

و رجعو ياكلون ..

وطلعت امي بالطرمه ..تبجي ..

من وصلت يمها اسمعها تكول وين اولي وين اهج

كتلها يمه شبيج ..

جانت تبجي

تكول كل سنه اكول السنه الجايه يتغير ويحترمني
يحترم هل الشيب.. يحترم مشية العمر ..

مو كدام النسابة ..هيج يسوي قابل ابوكه اني ..

كون اهيم بارض الله الواسعه

ومحد يعرف الي قرار ولا دار ..

وبعدها كالت كومي خلي نصب جاي ونحضر الفواكه

كأن شيئ لم يكن ..

رجعت امي  طبيعي وابويه هم

وان عاتبت بكول اني وين هيج سويت ..

مسويت شي وينكر كل شي ..

شكد جنت اريد اتمرد احجي اكول بس اخاف من الجاي
مستحيل اطلك
ومستحيل ....ابقى هنا ...

اكيد يرجعوني ..اهاي اذا فكرت اطلك ..

هوايه ايام ..
جنت اريد الم شتات هل العائلة

اريد اعرف شنو هل الفجوة بيني وبين الكل
مرات اذب الصوج بيه ومرات لا

بس اولادي ..جانو الاهم من هذا كله ..

اصعب احساس من يجي شخص يجردك من الامومه
وياخذها هو ...

ياخذها ويضيعها .
ومتعرف شلون ترجعها باي طريقه

حاولت اطلعهم البي طلباتهم .

بس الي انبنى من الصغر ميتغير وخاصه راسخ بعقلهم

انو اني اكرهم اني بايعتهم

اني مو ام صالحه .
.
ولا زوجه تستحق
ولا ام تستحق ..