للرجال أحكام
الفصل السابع والعشرون ..
______________________________________بِسْمِ اللَّهِ الرَّحْمَنِ الرَّحِيمِ
إِنَّا أَعْطَيْنَاكَ الْكَوْثَرَ (1) فَصَلِّ لِرَبِّكَ وَانْحَرْ (2) إِنَّ شَانِئَكَ هُوَ الْأَبْتَرُ (3)
______________________________________
#للرجال_أحكام
#تسنيم_المرشديصباحاً ، رقية فاقت من نومها بكسل ، فركت عيونها عشان تتعود علي إضاءة الاوضة ، فتحت عيونها واتفاجئت بعيون مسلم بتبصلها ، لوهلة حست انها لسه نايمة وبتحلم ..
_ مدت أيدها علي وشه واتفاجئت أنها لمسته بجد ، حاسه بخشونة دقنه بين أيدها ، انتفضت من مكانها وبصت علي الاوضة وافتكرت أخر حاجة لما نامت في حضنه بس هي ازاي نست نفسها ونامت
_ نفخت بعصبية وقامت خرجت برا من غير ما تبص له ، أكيد هيسالها عن سبب وجودها ووقتها مش هتعرف تجاوبه لأنها مش عندها رد قاطع علي تصرفها ..
_ رانسي اتفاجئت بخروج رقية من أوضة مسلم ، ضغطت على شفايفها بغيظ وقربت بخطوات سريعة واندفعت فيها :-
هو مسلم سمح لك تدخلي ؟_ رقية بصت لها باستنكار ورددت بعدم استعياب :-
نعم!_ رانسي بصت علي الباب ورجعت بصت علي رقية :-
دخلتي ازاي ؟_ رقية فهمت قصدها وردت عليها بمنتهي الهدوء وهي بتفتح الباب تاني :-
دخلت كده.._ رقية ضحكت وشاورت بإيدها لرانسي كأنها بتودعها وقفلت الباب في وشها ، غمضت عيونها بضيق لأنها مش مرتاحة لها من اول ما شافتها ، انتبهت لصوت مسلم وراها :-
في ايه ؟_ رقية التفتت واتفاجئت أنه واقف وراها علي طول ، قلبها اتقبض بخضة وبصت له بلوم :-
انت خضتني_ الاتنين انتبهوا للخبط علي الباب ، مسلم انحني علي رقية وفتح الباب وهما علي نفس وضعهم ، رانسي كانت متغاظة من تصرف رقية واضايقت أضعاف اول ما شافت وضعهم ، سحبت نفس وحاولت تبان طبيعية وقالتله :-
كنت جاية اطمن عليك انت كويس ؟_ كلام رانسي وطريقتها مع مسلم معصبة رقية جدا ومستحملتش تقف تسمع اكتر من كده ، التفت وكانت هتخرج لكن مسلم منعها ومسك أيدها جامد عشان متعرفش تتحرك ورد علي رانسي بنبرة جامدة :-
أنا تمام_ رانسي هزت راسها وسألته بفضول :-
هتنزل الجريدة_ مسلم هز راسه برفض ورد عليها باختصار :-
لأ مش هخرج من البيت النهاردة_ رانسي هزت راسها وملقتش كلام تاني تقدر تفتحه معاه في الوقت فسحبت نفسها ونزلت علي تحت والغيرة ملياها من قرب رقية لمسلم..
_ مسلم ساب أيد رقية وهي رجعت اوضتها من غير ما تبص له ولا حتي هو فسر سبب منعه لخروجها ، تصرفاتهم غريبة ومش مفهومة حتي لنفسهم ..
أنت تقرأ
للرجال أحكام ( الجزء التاني من خطة غير مدروسة )
Mystery / Thrillerنحن من نضع عوائق الطُرق أمامنا تحت مُسمي النصيب فهل للرجال أحكام حقاً أم ستتغلب قرارات القلب علي عقولهم؟..