( بيت ابو ساره )
ام ساره : كلمت ناصر ي متعب
ابو ساره: اكلمه الحين
...
ناصر: سلام عمي
ابو ساره : عليكم السلام اخبارك واخبار ساره
ناصر: والله بخير الحمدلله اخبارك انت والغاليه ام ساره
ابو ساره : والله كلنا بخير ، بس الام تبي تشوف بنتها لو ماعليك امر تجيبيها يومين
ناصر : ابد يعمي ماطلبت شي الاسبوع الجاي ان شاء الله بالويكند جبتها
ابو ساره: ماتقصر الله يعافيك
ناصر : بعد راسي امر وانا انفذ
ابو ساره : بسألك لو ماعليك امر !
ناصر : امرني يعمي
ابو ساره : ابوك وينه ؟
ناصر: م قال لك خالد ؟
ابو ساره : لا والله مافكرت اسأله
ناصر : والله يعمي ابوي توفى وراح لرب العباد ، من وانا صغير
ابو ساره : الله يرحمه يارب ، وين توفى ؟
ناصر استغرب : ب عفيف ليش ؟
ابو ساره استغرب : بيته كان بالحي ... ؟
ناصر: اي تعرف ابوي ؟
ابو ساره : ياوووك الله يرحمه يارب هو توفي ييارب سكنه جناتك ، كان جارنا
ناصر وقف قلبه : هاه شلون جاركم؟؟
،
( وش قلت لكم انا ببداية الروايه ابو ناصر وابو ساره جيران ، ناصر كان يحب بنت جيرانه ، وكان حب الطفوله وكان مايشوف غيرها من البنات الي حوله توفى ابوه ونقلو لرياض وكبر ونساها حتى اسمها )
،
ابو ساره : ايي كنت مشبه عليكم وطلعتو انتم عياله كبار رياجيل الله يحفظكم ، والله كان طيب ابوكم الايام مشت بسرعه
ناصر وهو منصدم : اي والله
ابو ساره : يلا توصي بشي ؟
ناصر : ابد سلامتك
( قفل الخط )
/
/
/
(بيت ام ناصر جناح ناصر & ساره )
ناصر يفكر ببنت جيرانهم : معقوله الي كنت احبها تطلع ساره ، لا لا مو هي يمكن ريما لا وين ريما ، اخخ ي راسي تذكر ناصر تذكر ، وش كان اسمها
( دخلت ساره وهي مبتسمه ، ناظر فيها ناصر )
ساره : السلام
ناصر : بدري كان طولتي
ساره : سوالف اختك ماتنمل منها ما شاء الله
ناصر : اي وش سويتو بعد
ساره : ولا شي
ناصر: زين اسمعي جهزي اغراض الاسبوع الجاي ماشين لاهلك
ساره منصدمه تحسب بيطلقها : ناصر والله ماسويت شي ليش بتوديني لاهلي
ناصر بضحكه: شفيك يغبيه امك تبي تشوفك
ساره تنهدت : اوه احسب ، والله صادق يالله مشتاقه لامي
ناصر : وش جاء فبالك ؟
ساره: انك تطلقني
ناصر : ليش ماتبين اطلقك ؟
ساره: انت الي فتحت لي جناحك وكنت الملجأ والامان لي بعزت احتياجي م راح انسى معروفك معي ، وصراحه تعلقت فيك
ناصر بابتسامه : شصار ع النونو ؟
ساره غيرت الموضوع : ما شاء الله اختك رسيل سوالفها تهبل
ناصر : ماتبغين لاختك ريما تصير خاله ؟
ساره بنظره خبيثه : ليش ماتصير
ناصر بنظره اخبث منها : طلعتي جريئه
( دق الباب للمره الخامسه وخربو اللحظه )
/
/
/
(بيت ابو عزوز غرفة حسين )
( عزوز ، حسين ، جالسين يفرمتون جوال ريان بالابتوب)
،
عزوز : فرمت جواله
حسين : اصبر بفرمته بعد متاكد من شي
عزوز : وش باقي تتاكد منه
حسين : لحظه
(دخل فهد عليهم)
فهد : وش عندكم انتم ؟
عزوز : اطلع برا
فهد : وليش ان شاء الله وش وراكم؟
حسين : افرمت جوالي
فهد : تفرمت جوالك وعزوز معك مستحيل اكيد فيه شيي
(عزوز يرميه بالقاروره ،)
فهد : يوصخ ، انادي امي تضربك
عزوز : انقلع لا اشوفك
(بعد مده دخلت ام عزوز عليهم )
