#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 46
سما مضيوما ولبرد محرك و لعجاج
وهي غارقة فنعاس وتيليفونها تايصوني ووالو لا من مجيب
سيف بنعاس:اسما تيليفونك
اسماء: اغا ساعة من بعد
سيف : وارا صونيط ماشي تاعها
اسماء: صافي غا خلي لي بغا يعيط يعيط اصلا لاش تايصونيو بليل
سيف : را ماشي ليل را ضهر ادن
اسماء طفجات من بلاصتها غا بسليب و تريكو طويل : ويلي ويلي هند تاتسناني
سيف :غا رجعي تنعسي يا دايخة ياك تالغدا.
اسماء واقفة دايخة شافت تاعيات و شعلات تيليفونها تتأكد ورجعات حداه معنقاه ونعسات
اسماء: حبيبي نمشيو نطلو على العائلة
سيف : خلينا ليوم نهزولحوايج راني موصي واحد لمرا تحيد لغبرا وتجفف وحنا مع ستة نجمعو داكشي لي تقيل نديوه
اسماء: واخة يالله نوضو باغا ندوش
سيف(نزل تايبوس فيها): ندوش لك
اسماء : لا غا صبقني جاتني لحريق
سيف كمش و جهو حال عينيه و خشا يدو للمكان لي تاتحك عليه بيديها تايدوز عليه يدو :مالك غاتجيك دم
اسماء حشمات : امم يمكن واخة تجيبلي لفانيد و لولويز
سيف : ناض لبس سروال لكيطمة و جاكيطتو وخرج نازل فدروج لقاهم على ميدت لغدا
خديجة : ايوا على سلامت مولاي سلطان جاك الفرج
سيف بتاسم و قرب جنبهم تايضحت
لالة زبيدة : ايوا مبروك مني وليتي تضحك و فرحان وو جهك منور و ا دوز تتغدى
سيف : لالا غا بصحة عافاكم اسماء مريضة واخا تقادو ليها طبسيل ونجي و نطلعو ليها
خديجة مادازش ليها لبلان و هي طلقها : ايوا هاحنا بدينا
سيف خلاها ومشا خارج مافيه لي يدوي وينوضوها :صافي قبل لا نبداو اصلا غانمشيو
خرج متاجه لفين عينو
دارت زوبيدة تاتخاصم على خديجة
فكازا :
مينة : .....اش بان لك
وئام شادة فراسها ماباغاش تزيد تغرق راسها خرج صوتها مبحوح و جاتها البكية : ماما ؟؟ عافاك خليني تانشوفو قولي ليهم مرحبة يجي نتعارفو ولا كتب الله نوافق
مينة ماباغاش تكتر عليها : هي نديرو هاد سيمانة
وئام عينيها مغرغرين : وقت ما بغيتو انا واجدة
خرجات مينة خلاتها حالتها بلبكا مي عقلها كيقول ليها :غاتاتزيدي فيه بلبكى فأخر المطاف خاصك تتقبلي هاد الوضع
.....
دخل للبيت وفيديه ساشي تاع دوا و هاز بلاطو فيه لغدا طلق و دنو سمع صوت فالحمام وحط لبلاطو وتاجه للماريو
هاز لبالز باش يبدا يجمع لحواج تاقاطعو دخول زبيدة
تاتمخطر عليه بگاندورتها
زبيدة : اوى يا سيدي يا سيدي بغيتي تخوي عليا رياضي و تفرق عليا يالكبيدة تاعي
حط لي فيدو ومشا عندها باس ليها راسها وشاد يديها: ماشي اول مرة وياك كنا معولين نتزوج نفرق وا هاني تزوجت و دويرتي واجدة وايالله يالله تانا نعيش مع مرتي و ندير لك لحفاد
زبيدة : وإيمتى ماش ترجع تشوفني
سيف: هههه ايوا نمشي بعدا
خرجات اسماء غا بالفوطة وشعرها ولا يضرب ففخاضها قد لفوطة ماراداش لبال لزبيدة
سيف حن حن
زبيدة تاتضحك : ايوى ابنتي عداك تبهاتي ههه بغيت نقول يطرشك لبنت
اسماء من صدمة رجعات للحمام: اسمحيلي اخالتي
زبيدة : ماكاين باس ياكما نعاونكم فجميع
سيف : غارتاحي غانديو غالحوايج و لمانط و دهاز اسماء
زبيدة: ايوى صافي ددخلو عليها بصحة و سلامة فصباحها ندوزو ليكم بفطورو نشاء الله ....و خرجات عاد قدرات اسماء تخرج من لحمام
حشمانة :تخلعت ماسمعتش لحس داكشي لاش خرجت بالفوطة اما نخرج بلبينوار
سيف مشا كايشم فريحت لباندوش عن جسمها : حشمتي تبارك الله ختاريت و عرفت اش نختار
اسماء تاتدفعو عليها : امم سايف ربعة و ربع هادي يالله نجمعو ونمشيو
سيف بعد تاتفشش و رجع تايجمع : را ساشي شربي دوى قبل ماتاكلي باش مايتجهدش علك لوجع مني نمشيو
اسماء حركات ليه راسها باه و مشات لبسات و شربات دوى و كلات و ناضت تاتجمع هزات كلشي و بداو كينزلو باش مني يجي لكاميو يمشيو
أنت تقرأ
الزواج لمزروب (قصة مغربية مكتملة ...
Romanceقــــصـــــة رمـــــضــــانــيــة🕋📿 🚨قصة ممنوع النشر او صرقة اي فكرة دون اخذ الاذن🚨 ❤️فقط للتجنب المشاكل ❤️ #زواج_المـــزروبـــ..... بقلمي:Mim OuN ...
