🔥 اكرام توبتي 🔥 ( الدارجة المغربية ) تيما مبارك

الجزء 37و38

🌙 رمضان كريم  🌙

        ✳ الجزء 37 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

شرف حل عينيه لقا حمزة جالس حداه و كي شوف فيه داير يديه عند صدرو جامعهم هو مخنزر في صاحبو مزال البنج شاد فيه

حمزة:على سلامة ا سبع
شرف:الله يسلمك
حمزة:شنو وقع
شرف؛تشاديت انا و العرج
حمزة:اخويا معتمشي حتى واحد فيكم عيتخص
شرف:و هذه الشي لي عيوقع
حمزة:عود ليا كيف طرى و جرى
شرف:بنت الهم داكشي لي كنت ضارب ليه الحساب هو لي كاين سميرة رفعات عليا دعوة باش تأخد مني شمس
حمزة:اوا راها تشدات الجيران شهدو فيها بلي كانت كتحرش عليك العرج
شرف(تبسم حتى الودينه):داكشي لي بغيت حتى انا نيت

عاد فهم البلان كيفاش شاف في شرف مصدوم و نطق:لا متقوووولهااااااش
شرف:لا نقولها
حمزة:و نااااريييي ا خويا على رأس عندك دابا عيكون عندها سوابق عدلية و هكدا معتقدش تاخد منك شمس واخا يوقع لي يوقع
شرف:الرضى

حمزة كون صاب يتحنى اجلالا لداك الرأس الغريب هما كي دويو دخلات نادية عندو كتعنق و تبوس فيه واخا تعكر خلاها على خاطرها

نادية:ولدي ولدي الحبيب كيف بقيتي اااه كيف بقيتي
حمزة(هز عينيه و شاف في اكرام و ولا شاف في نادية):الحمد لله ا خالتي دازت طريقة
نادية:شنو وقع علاش مشيتي عندها و شنو بينك و بين هذاك لي ضربك
حمزة:كراتو عليه
نادية(تصدمات):اويلي اويلي على كراتو عليه ولد واحد اي عندي باغيا ترزيني فيه مكفاهاش بنتها لمشات و خلاتو ليا عيحماق 

(شافت فيه):ياك قلت ليك اوليدي ديك العائلة ما تسوى ما تصلاح انت لي مكتسمعش
شرف:الوليدة من بعد صافي

دور راسو كي شوف اكرام واقفة حدا الباب و كتشوف فيهم غير شاف فيها تقدمات عندو: الحمد لله على سلامتك
شرف(كي شوف فيها):الله يسلمك
حمزة:شكون هذه ا خالتي
نادية:هذه اكرام بنت خو فؤاد جارنا الله يرضي عليها شافتني تالفة مخلاتنيش تجي بوحدي
حمزة:متشرفين انا حمزة

مد يديه باش تسلم عليه اكرام شافت في يديه و تبسمات من تحت نقابها و هزات راسها فيه:تشرفت بمعرفتك

حمزة جمع يديه عندو شنو هذه الغباء لي طاح عليه معرف فين يدير وجهو تبسم ليها و شرف كي شوف في صاحبو و يشوف في اكرام لي حانية راسها كتلعب بيديها من تحت نقابها و نطق

شرف:شكرا حيت جيتي ا اكرام

اكرام هزات راسها فيه مصدومة و عينيها خرجو العينيه فقط لي كي بانو باين عليهم صدمة و هذه الشي لاحظو هو حيت اكثر حاجة كي رد ليها البال كثر هو عويناتها🌙 رمضان كريم  🌙

        ✳ الجزء 38 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صدمها صدمة ثلاثية الأبعاد و هذه شكرا متاكدة من موراها شي حاجة احساسها لي قال ليها هكدا مفيهاش الشد تنهدات و ستغفرلت مولاها في خاطرها حتى جات الفرملية و قالت ليهم يقدر يخرج الطبيب سمح ليه انه يمشي ناض شرف و عاونو حمزة و نادية اما اكرام خرجات البرا كتسنتهم حتى خرج معاهم كي تمشى غير بالشوية عليه

راسو فيه الفاصمة و حاط يديه على كرشو حيت فيها فاش تضرب عاونو حمزة و مقصرش صاحب الحقيقي هو هذا لي يوقف معاك في الشدة اما نادية تسوخرات لور و زادت مع اكرام حشومة تخليها غادة غير بوحدها خرجو و ضبر حمزة على طاكسي ركب شرف لور و هو و شاف فيهم

حمزة:ركبو ا خالتي انا نشد طاكسي
نادية:لواه اولدي
حمزة:مشي مشكل
اكرام(حطات يديها على كتف نادية):خالتي سيري مع ولدك انا عندي شي شغل هنا نقضيه عاد عنمشي الدار
حمزة:لا دنيا هانية ا ختي اكرام
اكرام(هزات عينيها فيه):مشي مشكل اخويا

عرفاتها حشمات و مخفاش على مرة راها بحالها و عندها بنت و كي فهمو بعضياتهم حطات يديها على يدين اكرام ببتسامة

نادية:الله يكملك بعقلك
شرف(طل):معنمشيوش خلاص
نادية:يالله اولدي

تبسمات و زادت بحالها تجنبات تمشي معاهم حيت حاسة نضرات حمزة ليها مرتحاتهاش نهائيا و مرتاحتش ليه و اكرام من النوع لي مكيرتاحش مع الواحد تقلب الطريق لي غادي منها هو زادت شحال عاد شدات طاكسي الدار حطها في راس الحومة و طلعات لدارهم لقات عيشة في الكوزينة حيدات نقابها و طلقات شعرها و لبسات ليك صندالة ديال الدار و هذه هي اكرام ممتشدداش في الدار المكان الوحيد لي كتصيب راحتها فيه

عيشة:جيتي ا بنتي
اكرام(حلات تلاجة):ايه ا مي
عيشة:شنو قالو ليك
اكرام(خدات قرعة الما):راه عيقرا عندهم و دارو معاه 4 الحصص في سيمانة ساعة و نص في كل حصة
عيشة:على الله يشد ا بنتي حتى هو و يبني مستقبالو
اكرام؛ان شاء الله

جلسات و خدات كتشرب 3 الجغمات و حطاتها فوق الطبلة ناضت جبدات الخيار و الخس و مطيشة و حطاتهم

اكرام:مينا مصوناتش
عيشة(كتحرك الزعلوك):لا ا بنتي الله يسر ليها
اكرام:امين
عيشة(شافت فيها):مالك ا اكرام هضرتك بالعبار
اكرام(كتنقي الخيار):والو ا مي غير تلاقيت خالتي نادية داك الولد عندها امي عيطرطق ليها المرارة كنبقا فيا والله
عيشة:شنو دار
اكرام؛تشاد مع شي واحد و خشاو فيه موس
عيشة(شهقات):اويلي
اكرام: ويل شيطان
عيشة:كيف بقا
اكرام:راه جابوه من الطبيب غير دابا ا مي راه بيخير على ما بان ليا
عيشة:مرة متستاهلش داكشي لي كي ديرو فيها ولدها والله
اكرام:الله يهديه لسيراط المستقيم ياربي
عيشة:الله يجيرنا ا بنتي حركي معاك الكوكوط

بدات تحرك حتى كملات و تسناو حتى جا ادم و حطو يتغداو مجموعين و حال اكرام ميعجب حد منين دخلات لداك السبيطار رجعو ليها مواجيع ديال الصغر كامل