Ｃａｌｉｇａｒｉ(Complete)

YOU ARE READING

Fanfiction

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Hide amd Seek

Start from the beginning

by _GloriaMie_

"ရှောင်းကျန့်!!"

ခေါ်သံတစ်ခုကြောင့် လှေကားထစ်တို့အား အဆုံးသတ်ခါနီး ရှောင်းကျန့်၏ ခြေလှမ်းတို့ဟာ ရပ်တန့်သွားရသည်။
အသံလာရာ လှည့်ကြည့်မိတဲ့နောက် သူမဟာ ရှောင်းကျန့်ရှိရာသို့ ခပ်သွက်သွက်ပြေးဆင်းလာသည်။
ပါးစပ်မှလည်း စောင့်နေဖို့ တဖွဖွ ဆိုနေသံနဲ့အတူ လှေကားထစ်တွေ တစ်လျှောက် ဆူညံသွားရသည့် တရားခံက သူမ၏ ခြေထောက်တွင် ဆင်မြန်းထားသော အဖျားချွန်ချွန် point ဒေါက်။
လှေကားထစ်တို့အား အလျှင်စလို ဆင်းနေသည့် သူမကြောင့် ရှောင်းကျန့် နောက်ကြောင်းပြန်လှည့်လိုက်မိသော အလှမ်းကျယ်ကျယ် ခြေလှမ်း နှစ်လှမ်းအဆုံးမှာ သူတို့ဟာ တစ်ညီတည်းဖြစ်သွားသည့် လှေကားတစ်ထစ်တွင် ယှဥ်တွဲရပ်လျက် ရှိကြသည်။

"ထွက်သွားတာ မြန်လိုက်တာ ငါ တရားခွင် ပြီးပြီးချင်းလိုက်လာတာကို မမှီဘူး"

မောဟိုက်နေသည့် သူမဟာ ခါးကိုထောက်လို့ ပြင်းထန်စွာ အသက်ရှူနေသည့် ကြားက ပြောသည်။
တွဲဖက်မမြင်တာ အချိန်ကြာခဲ့ပြီ ဖြစ်သည့် သူမနှင့် အမှုစစ် ယူနီဖောင်းဟာ အလွန်မှ လိုက်ဖက်လွန်းလှသည်။
နားဖုံးရုံ တိုကပ်ကပ်ညှပ်ထားသည့် ဆံနွယ်စတွေကို အနောက်ကို လှန်တင်ထားတာကြောင့် ရှင်းလင်းနေသည့် မျက်နှာ။
မိတ်ကပ်မခြယ်သတာဟာ သူမ၏ အလှကို ပေါ်လွင်စေတဲ့ နည်းလမ်း။
ဆံနွယ်ရှည်တွေနဲ့ နူးနူးညံ့ညံ့သူမဟာ လှပခဲ့သလို ရဲရင့်ပြတ်သားသည့် သဏ္ဍန်နဲ့ အခုသူမဟာလည်း နှစ်မျို့စရာကောင်းနေဆဲပဲ။
မုယွမ်။
ဥပဒေကျောင်းတတ်နေစဥ် ငယ်ရွယ်ချိန်တွေရဲ့ အကောင်း အကျိုး ၊ အဆိုး အပြစ်တွေကို ဝေမျှခဲ့ဖူးသည့် သူငယ်ချင်းသုံးယောက်ထဲက တစ်ဦးတည်းသော မိန်းကလေး။

"အရေးကြီး ချိန်းထားတာရှိလို့လား"

အတန်ကြာသည် အထိ ငေးကြည့်နေမိခြင်းက သူမ၏ ဒုတိယမြောက် စကားသံကြောင့်သာ အဆုံးသတ်သည်။
လက်ထဲတွင် ဆုပ်ကိုင်ထားသည့် ဖိုင်တွေကို ဟန်ပါပါ ဖြင့် မြှောက်လိုက်တော့ သူမဟာ အလိုမကျသည့်တိုင် မျက်လွှာကို ချလို့ ပြုံးရယ်သည်။