#قـلـبـه_ثـمـن_لـثـأري
#بـقـلم_بـتـول_حـسـيـن
#الـبـارت_الـثـانـي
البارت 3000 كلمة
-------------------------------------------
در : سمعت باب غرفتي تندگ باوعت للساعة ب 4 الفجر تأفأفت وگمت فتحت الباب صار ضهر ردام بوجهي
ردام : صباح الخير
در : طبگت الباب لان ملابسه حجاب ههه زين يعرف اني ثولة داير وجهه عن الباب بسرعة خليت حجاب فتحت الباب شفته نزل اول درجات گتله صباح النور باوع عليه ابتسم ونزل
غسلت وجهي وبدلت ونزلت الجنطة وياي بنص الدرج واخذها مني ردام وطلع يمكن راح يخليها بلسياره ، دخلت للمطبخ مرت خالي مكملة الريوك تريكنا وودعتهم بارق نايم مادخلت لغرفته طلعنا لمحافظة الانبار
جان الطريق طويل كلش تعبت وعمي خطيه كل شوية ينزل يشتريلي شي ويسال تعبانه او لا
الصراحة حسيت حنيته مثل خالي مايفرق عنه شي
راسي ضل يوجعني من الطريق نمت وگعدني عمي گال وصلنا ،، عمي راسي كلش يوجعني واحس اريد اتقيئ
ابو ردام : حگج بويه مامتعوده لدرب بعيد هسه تاكلين وتنامين وترتاحين تصيرين مثل الورد
در : نزلت سلمت على ولد عمي اخوان ردام وزوجاتهم استغربت ردام الجبير شعجب ممزوج لحد الان والازغر منه مزوجين
هو عمي عنده ردام وحسام ووسام وبنات ثنين مريم وزينب مزوجات ولد عمهن
طبعاً عمامي 3 ابو ردام وابو بدر وابو محمد
عمي ابو ردام الجبير وهو شيخ يعني لهذا السبب دوم ناس عدهم بيتهم ميفرغ وبيتهم كلش جبير وصاير بنص بستان جبير كلش
وعمي ابو بدر الوسط وعنده بدر وباقر وبنت وحده بعمري بس ماتدرس ودائماً بيت عمي ابو ردام تساعد زوجات ولد عمي اسمها ميس
وعمي ابو محمد ازغر عمامي وعنده محمد وماجد وبنات اثنين مشايفتهن ولا اعرف اسمائهن لان عمي محمد بعيد عن بيوت عمامي بنفس المحافظة بس نص ساعة يله يوصلون بيته سولفلي ردام عنه وبنات عمي ابو ردام مزوجات محمد وماجد
بعد مسلمت على الموجودين وجانت بنت عمي ميس هم موجوده هيه اخذتني لغرفة بلطابق الثاني بيتهم كلش جبير خليت ملابسي وطلعت وياها رحت سبحت احس ارتاحيت شوية بس الألم براسي بعده
نزلت ولگيت عمي گاعد بلصاله خطيه ضل قلق عليه مبين ابتسمت بوجها وگعدت يمه
ابو ردام : ها بويه شلونج
در : احسن شوية ،، باوعت على ميس تخزر بيه واشرت اليه اروح وراها للمطبخ ،، ترخصت من عمي ورحت وراها بحجت اتغده وياهن
YOU ARE READING
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
