.................
" အဖွား..ကျွန်မက ထရီဇာပါ ''
မိုင်လီက သူမရှေ့မှာရှိနေတဲ့ ခပ်သွယ်သွယ်နဲ့ချောမောတဲ့မိန်းမလှလေးကို ကြည့်ပြီး ခေါင်းညိတ်အသိအမှတ်ပြုသည် ။
" အင်း ထိုင်ပါအုန်း ''
မနက်ခင်း စောစောစီးစီး ရောက်လာတဲ့သူမက နေခြည်ဖြာနေတဲ့ မိုင်လီရဲ့ဆိုင်လေးထဲမှာ ဝင်ထိုင်သည်။
" ဟုတ်ကဲ့ ကျေးဇူးပါ ''
ထရီဇာကို ရည်မွန်ပြီးဖော်ရွေတယ်လို့ မိုင်လီထင်မိတယ်။
လိမ္မာရေးခြားရှိသည့် မိန်းမငယ်လေးပါပဲ။" ထရီဇာ...ဘာကိစ္စရှိလို့လဲကွယ် ''
မိုင်လီက ငါးပေါင်မုန့်နဲ့ လိမ္မော်သီး ဖျော်ရည်တစ်ခွက်ကို သူမရှေ့ချပေးပြီး မေးမြန်းရင်း ခုံလွတ်တစ်ခုမှာဝင်ထိုင်သည်။
" ကျွန်မက သိပ္ပံပညာရှင်ပါ နာမည်ရပါရဂူမဟုတ်ပေမယ်ပေါ့..ဟီး.''
သူမက သွက်လက်စွာ ရှင်းပြပြီး ရယ်တော့ မိုင်လီပါလိုက်ပြုံးမိတယ်။
" အင်း.. ထရီဇာက ဘာပြောချင်တာများလဲ ''
" တခြားတော့မဟုတ်ပါဘူး အကွာရဲ့အကြောင်းပါ..အဖွားအနေနဲ့ အကွာက လူသားတစ်ယောက် မဟုတ်ဘူး ဆိုတာ သိပြီးသား ဖြစ်မှာပါ ''
" ထရီဇာက ဘယ်လိုလုပ်...''
" အင်း.. ကျွန်မက သိပ္ပံပညာရှင်ပါ ဆို အဖွားရယ်''
" အင်း.. အဲ့တာက ဘာဖြစ်လို့လဲ.. ဘာပြောမလို့လဲ ''
" အကွာက ရေအောက်မှာ ရှိနေတယ်။ ''
".....''
" သူ့အတွက် အန္တရာယ်ရှိနေတယ် ရေအောက်နန်းတော်ဆိုတာကြီးမှာ အဖမ်းခံထားရတယ် ''
မိုင်လီက ထရီဇာကို မျက်လုံးတွေမှေးကျဉ်းကာ ကြည့်လိုက်မိတဲ့အထိပဲ။
ဘယ်လို...ဒီကောင်မလေးက စိတ်ရောမှန်ရဲ့လား.. ဘယ်သူ့ကို လာပြီး လိမ်ညာနေတာလဲ..အဟက်။ အကွာလောလောဆယ်အဆင်ပြေနေတာ သူမသိထားပြီးသား..။
မိုင်လီက သူမကို ပြုံးပြုံးလေးပဲ ပြန်ကြည့်ပြီး အလိုက်အထိုက်နေပေးလိုက်ဖို့ဆုံးဖြတ်တယ်။
ESTÀS LLEGINT
Peculiarly System [Completed ]
Literatura romànticaStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌
Arc(9.11)
Start from the beginning