ချစ်ခြင်းတို့အလွန်

အပိုင်း(၁၀)

"သူတို့လို လူချမ်းသာတွေမှာ အဖော်မရှားဘူး၊ ဘာလို့ မင်းကိုမှကပ်နေလဲ မင်းသိလား ဟင်"
"မဟုတ်ပါဘူးဆို...ကိုကိုက ခင်ချင်လို့ ခင်တာပါတဲ့ ငါမေးပြီးပြီ..ငါကို လှည့်စားမယ့်သူမဟုတ်ဘူး"

"သူလိုအဘက်ဘက်ကပြည့်စုံတဲ့သူက ခင်ချင်လို့အကြောင်းချက်မရဇိ ခင်တာတဲ့လားဟင်...င ကောင်း ရဲ့ အဲ့လူ့စကားတွေ ယုံမနေစမ်းနဲ့ ...တောက်..."
"ကိုကိုက မင်းပြောသလိုမဟုတ်ဘူး ..မင်းအမြင်မကြည်တိုင်း ကိုကို့အပစ်မြင်နေတာ"

"ဟုတ်လား...ငါက အဲလူလိုလူလား ဟင် ၊ မင်းပြော "
"ဟင့်....ငါ ငိုချင်နေပြီ....ငါ..ငါ .ဟီး....."

"တောက် ငါကွာ......ငါ.."
" အီး...ဟီး...."
"တိတ်ပါ တော့ ကွာ ငါ့ အမှားပါ တိတ်ပါ ငကောင်းရာ ငါစေတနာတွေက မင်းထိခိုက်မှာဆိုးလို့ပါ တိတ်ပါကွာ မငိုပါနဲ့တော့...ငါ တို့ exam ပြီး နယ်ပြန်ကြအောင်...ငါတို့နယ်မှာစွန်လွတ်မယ်၊ အထက်ကျောင်းမှာ ဘောလုံးကန်ကြမယ်၊မိုးရေထဲ စက်ဘီးစီးမယ် ဟင်..ပြန်ကြမယ်နော် ငကောင်း"
"အင့်...ငါကို မဆူနဲ့တော့ "

" အင်းပါ မဆူတော့ဘူး၊ တိတ်တော့ ကလေးလည်းမဟုတ်ဘူး "
"အင်း ပြန်မယ်နော်၊ ငါမင်းနဲ့ ရန်မဖြစ်ချင်ဘူး အင့်..ငါ ..ငါ မင်းစေတနာကို မစော်ကားပါဘူး..ငါကိုကို့ ယုံတယ်လို့နော်"

သူငယ်ချင်းနှစ်ယောက် အမြဲတူနေ သည်းခံကြတဲ့နှစ်ယောက် ဘေးလူ ဝင်တော့ ဆူပူရပြီ။ မငိုပါနဲ့တော့ ငကောင်းရယ်။ မင်းမျက်ရည်တွေ ခံနိုင်ရည်မရှိဘူး ။ မင်းစိတ်ချမ်းသာမယ်ဆိုရင် ၊ ဘာအန္တာရယ်မှ မရှိရင် ဘေးကနေ ကြည့်ပြီး ပြုံးနေမယ့်ကောင်ပါကွာ။ ဒီလိုမှန်းသိရင် ငါ ရန်ကုန်ကို ကျောင်းတက်ဖို့မင်းကိုမခါ်ခဲ့ဘူး ငကောင်း။ မင်းနဲ့အတူပျော်ချင်လို့ နယ်မှာ ပြင်ပလောကကြီးအကြောင်း မသိဘဲ နေနေရမယ့်အစား လူငယ်အချိန်တွေကို မြို့ပြမှာ လာနေမိတာ ။ ငါအမှားတွေပါကွာ...မချိတကဲစွာ သက်ပြင်းရှည် ချမိတယ်။

ကိုကိုနဲ့ ခင်ပြီးနောက်ပိုင်း ဝင်းထက်နဲ့ပြသနာ အမြဲတက်ရတယ်။ ဝင်းထက်က ကိုကို့ ကြည့်မရဘူး ဟိုအရင်ကတည်းက။ ကျွန်တော်ကို စိုးရိမ်တာ သိပေ့မယ်..ကိုကိုက တကယ်လူကောင်းပါ ..ကျွန်တော်အပေါ်လည်းကောင်းရှာတယ် ဘယ်လောက်ရှင်းပြနေပါစေ သူလက်မခံဘူး။ အစကတော့ သူ့ စိတ်ပူလို့ဆူ တာ ကို နားလည်တယ်။ ဘယ် ခရီးမှမထွက်ဖူးတဲ့ ကျွန်တော်ကို စိတ်မချတာ နားလည်လက်ခံတယ်။ ဒါပေမယ့် ကိုကို က လူလိမ်မဟုတ်ဘူး ၊ သူစွပ်စွဲနေတာမျိုး ကျွန်တော်ကို လိမ်မယ့်လူလည်းမဟုတ်ဘူး ။ ကျွန်တော်အပေါ်ကောင်းတယ် ။ တခါတလေကြ ဝင်းထက်ကို စိတ်ရူပ်လာပြီ။ ငါမကောင်းဘူးနော် ဝင်းထက်..ငယ်ငယ်ကတည်းက သည်ခံပေးရှာတဲ့ မင်းအပေါ် အပြစ်မြင်နေပြီ။ မင်းသူငယ်ချင်း ငကောင်း အချစ်နွံ့မှာ တဖြေးဖြေး နှစ်စပြုနေပြီ။