#قـلـبـه_ثـمـن_لـثـأري
#بقلمي_بـتـول_حـسـيـن
مشهد
طبعاً هاي اول قصة أليه بلهجه الغربيه يعني اذا صار غلط غلسو
------------------------------------------
المشهد الاول
رجعت من الدوام تعبانة كلش فتحلي الباب دخلت للبيت هدوء بلبداية اعتقدت نايمين
البيت هدوء شنو نايمين؟
لا طلعو لبيت خالج عماد
انت شوگت رجعت وليش مرحت وياهم
قبل ساعة ومالگيت احد موجود اتصلت عليهم گالو بيت خالج ومالي خلك اروح وراهم ،، اي انتي شخبارج
الحمدلله بخير مخلصتها دراسة ،، چان يحچي ونظراته احسها تاكلني كلش متغير وصرت ما احس براحة من يتواجد بلبيت
امممم بس كبرانه انتي كلش مادري اني اشوفج هيج لان كل فتره يله نتقابل
توترت من كلامة ،، اني اروح ابدل حتى اتغده واگعد اقره عندي امتحانات
تركته وصعدت الغرفتي اخذت ملابس وطلعت للحمام حتى اسبح لان الجو حار سبحت واريد ابدل
اندگ باب الحمام ،، گالي
جهازي ضل بملابسي بس لا غسلتي الملابس
لا لا ماغسلتهم
لعد انطينياه للجهاز
ابد ما ضنيت بيوم ولا فكرت مجرد تفكير هذا الشخص هيج يسوي لان ربيت وياه واني طفله واعرفه كلش زين بس ليش هيج تغير ماعرف واني الغبيه مافكرت هو گال قبل شوية اتصل بأهله شلون لعد جهازه هنا بلحمام
بعدين من صار الصار يله عرفت هو مخلي قبل لا ادخل للحمام حتى ينفذ اليريده
---------------------------------------------
المشهد الثاني
يول لا تعاندين ويانا بلقران اذبحچ بدم بارد
دحچي علي احسن ألكي تنفذين الكلام وانتي ملصومه
عجل اهدج تخلين روسنا بلطين يول بلقران اذبحچ
تحلم انفذ كلامك واذا تريد يله اذبحني ماخايفة من شي مستحيل انفذ كلامك لان اني ماغلطت الزلمة بيكم يلزم الطين روسكم مو لازمين اسلحتكم وواگفين گبال بنيه
اني گملت كلامي وهو لزمني من شعري وسحلني لنص البيت هو وابنه ضربوني لدرجة جسمي خدر وصرت ما احس بلضرب واخر شي سمعته يگول لأبنه
اسحلها للسيارة يول اليوم اخليچ تشوفين بعيونچ الزلم شيعملو
-----------------------------------------
المشهد الثالث
راحت واني گعدت بلباب اباوع على البطوط الگبالي يسبحن شگد حلوات ضليت بلنص ساعة صافنه عليهن
بعدين فززني صوته وهو يگول
دحچي شلون لحم يول يابه هسا تحشيها وتحمرها اووو تهبل والله
YOU ARE READING
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
