وطبان راح يضيعكم ويضيع روحه
مباوعلي ولا كأنما يسمعني باوعت عليه وضعه مو طبيعي ولا عبالك خزعل الي اعرفه
عوفك من هذا الكلام ملازم بس تتذكر من شداد مات شگتلك كتلك اذا تحبه كوم صلي اله صلاة وحشة القبر دفنتوا اليوم وجه الصبح واليوم لازم تصلوله اذا تحبوه
هو محتاج صلاتكم هسه ممحتاج احد يدورله حقه لان اذا عنده حق الله سبحانه وتعالى هو يرجعه هو بس محتاج احد يصليله هسه
جان يحجي وياي تفهمين يعني شنو جان يحجي واكف بصفي سمعت الطلقه وهو يحجي وياي شوكت اجتي بي توني جنت اگله صوتهه قريب للطلقه منتظر يجاوبني وكع عليه وطلعت الطلقه بساجت واني محميته
ميصير تسوي هيج هذا معناه اعتراض على حكم رب العالمين
مهما جانت الاسباب الموت واحد خزعل الله كاتبله يموت بهذا اليوم تعددت الاسباب والموت واحد
كوم كوم تعوذ من الشيطان وتوضه وصلي رب العالمين حتى من يموتلك عزيز يگلك بيهه ياعبدي اتعض الموت يجيك بدون موعد
شفت شداد جان يمي وطلع كال هسه اجي ومرجع وساجت واكف يمك ومرجع
احنه البشر ماعدنه بالدنيا شي غير بس الاهم والمصايب لازم الانسان يباوع النفسه ويسويله شي بي خير
يواجه ربه بي
اعرف هسه تگول باع هاي البطرانه شكاعد تحجي بس الحياة هنا بيهه موت بأي لحظه وانتَ انسان طيب بس ناقصك تتوب خزعل وعوفك من كلام وطبان واسمع كلام ارقم الي حجاه هو الصحيح
كعد على حيله وكام وعافني بدون ميجاوب ولا يعلق على كلامي غمضت عيني بيأس اووف اوف ياربي اريد اقنع خزعل اذا شافهم كلهم ينسحبون منه ويخالفوه اكيد يتوقف
درت وجهي على ارقم لكيته يباوع عليه
كبل كتله اررقم لتتراجع عن قرارك وكلامك ابد والله انتَ الصح بيهم
شنو هاي الصلاة الگلتي عليهه
وحشة القبر اي انسان يموت يحتاج احد يصليله هاي الصلاة حتى تتخفف هاي الليله على الميت
حتى اذا ميعرف الله الميت ومسوي كلشي طايح حظ بي
الله غفورٌ رحيم
منو گال
القرآن يگول هيج
كعد على حيله وگال
تدرين من سمعتج تحجين ويه خزعل اول مره بحياتي اسمع هذا الحجي
واول مره بحياتي اخاف من الموت
گلت اذا اموت هسه شگله لله عندي هواي سوالف مكسره
ميسممم
باوعت عليه وكمت كعدت على القنفه وكتله شنو
باوع عليه وعيونه حمر تعرفين هسه يالله عرفت شنو الشي البيج الي خله شداد يحبج ووطبان يحبج هم
البارت 60
Start from the beginning
