ازقة الموت
زينب العبودي
البارت 6
انهاريت من شفتهه ترفس برجلهه مااعرف شلون اجتني القوة ودفعتهه عنهه
هو گبل وخر راد يعثر برجلهه كام وكف على صفحه ،عبالك هو هم صحه على نفسه بقه ساكت وواكف مصدوم يباوع عليهه
واني فحطت كمت اضرب بي على صدره
واصيح راح تمووووووتهه راح تموتهه بابا
بابا .....بابا راح تموتهه البتك
انت شنو فهمني ممكفيك الي سويته تريد تموتهه هسه
كافي اطلع من حياتنا كاافي
عفته وركضت دنكت عليهه ورفعت راسهه وخليته بحضني وكمت اضرب بيهه راشديات على كيف
زهراء ،زهراء تسمعيني كومي
كمت اضرب بيهه الحد ما شهكت بالبجي
خليت شفتي على كصتهه بستهه وكمت ابجي حيل
زهراء-ميسم اريد حبايه عليج الله
ميسم- ماكو حبايه
زهراء-عليج الله مره وحده بس والله مااطلبهه بعد موووجوعه
شالت راسهه من حضني رادت تكوم كمت وياهه تريد تطلع
مااخليج
راح اموت
متموتين
ايدي جسمي كلشي يوجعني رااااح اموووت حسو بيه
شافت بابا راحت عليه
بابا كللهه خل تنطيي حبايه بابا عليك الله كللهه
جان بابا مصدوم مااعرف شبي بس يباوع عليهه
بعدهه طلع بلا ميحجي كلمه
راحت وراه تمشي اني جريتهه
حاولت تدفعني وهي تبجي وتصيح بابا اريد حبايه
عوووفيني انتِ انتووو ليش متخافًون الله اكلكم بس حبايه
دفعتهه وجريت الباب على السريع بقت مجلبه بحافة الباب وتصرخ
لتسدين الباب عليه
واني اجر بالباب وهي تجره اجتي اليده بيدي لان بابا مفلشه
طلعت مثل المخبله
زهراء كااافي ماكو حبوب رجعي العقلج
اريد حبايه حبايه وحده اكلج بس حبايه كوه جريتهه الغرفتهه كمت اضرب بيهه اريدهه بس توخر لازكه بيه تدفع تريد تطلع
الحد ما ضربتهه وركعت راسهه بالحايط
كاااافي كافي اصحي غبيه ضيعتي نفسج وضيعتينه
كاااافي موتيني دفعتهه من يم الباب وركضت قفلته
وهي كامت تدك بي
اصعب مصيبه يوكع بيهه الانسان يشوف اغلى شي عنده ضايع ويتوجع ومابيده شي عليه لا يكدر بعاتبه ولا يكدر يسوي شي
بابا جان كاعد على القنفه وساكت واني بقيت واكفه يم الباب محجه اي شي بقيت اباوع عليه الى ان گام طلع
