ရန်ကျားလိက မျက်ခုံးပင့်သွားပြီး
"ဘာဖြစ်လို့လဲ"
မန်နေဂျာက တတ်နိုင်သမျှ ယဉ်ကျေးစွာ ဆိုသည်။
"လူကြီးမင်းမှာ ကြိုတင် ချိန်းဆိုထားတာ မရှိပါဘူး။ အဲ့အပြင် တတိယထပ်က သီးသန့်အခန်းတွေက၊ တစ်နှစ်ပတ်လုံး ဝမ်နမ် စံအိမ်ရဲ့ အကြီးဆုံး အဖွဲ့ဝင်တွေက ကြိုတင် ဘိုကင်ယူထားတာပါ။ အဲ့ဒါကြောင့် အခန်းလွတ်နေရင်တောင် လူကြီးမင်းလည်း သုံးလို့မရပါဘူး။ တကယ်ကို တောင်းပန်ပါတယ်"
ရန်ကျားလိက တံခါးဘောင်ကို မှီထားပြီး သီးသန့်အခန်း၏ နံပါတ်ပြားကို ညွှန်ပြသည်။
"ဒီအခန်းက ဘယ်သူယူထားတာလဲ"
မန်နေဂျာက ခဏလောက် တုံ့ဆိုင်းသွားပြီးမှ ပြန်ဖြေသည်။
"ကွမ်ဟွေ့က ဥက္ကဌယဲ့ပါ"
ရန်ကျားလိက မျက်ခုံးပင့်သွားပြီး ပြုံးလျက်ဆိုသည်။
"အဲ့ဒါဆို ကိစ္စမရှိဘူး။ အဲ့ယဲ့မျိုးရိုးကို ကျွန်တော် သိတယ်။ ကျွန်တော်နဲ့ သူက အရမ်းလည်း ရင်းနှီးတာ။ ကျွန်တော် ဒီသီးသန့်အခန်းကို သုံးလိုက်လို့ သူ စိတ်ကွက်မှာ မဟုတ်ဘူး၊ စိတ်ချ"
မန်နေဂျာက ပိတ်ရပ်နေဆဲဖြစ်ပြီး ပေးမဝင်ပေ။
ရန်ကျားလိက ကူကယ်ရာမဲ့နေပြီး
"ဒါမှမဟုတ် ခင်ဗျား ယဲ့ထင်ကို ဖုန်းဆက်ကြည့်လိုက်လေ"
မန်နေဂျာက အိတ်ကပ်ထဲမှ ဖုန်းထုတ်လာပြီး မျက်ခွံပင့်ကာ
"လူကြီးမင်းရဲ့ မျိုးရိုးက"
ရန်ကျားလိက ပြောသည်။
"မျိုးရိုးက ရန်၊ ခင်ဗျား သူ့ကို ဒီလိုပဲပြောလိုက်၊ သူ့ရဲ့ ဖေဖေရန်က သူ့ သီးသန့်အခန်းကို သုံးမလို့လို့၊ အဲ့လိုဆို ရပြီ"
မန်နေဂျာ၏ မျက်နှာက ဖြူဆွတ်သွားကာ ရန်ကျားလိကို တစ်ချက် ကြည့်လိုက်ပြီး ထောင့်စွန်းတစ်နေရာဆီ ဆုတ်သွားရင်း ဖုန်းသွားခေါ်သည်။
ဖုန်းပြောပြီးနောက် မန်နေဂျာသည် သူ့နဖူးမှ စီးကျနေသော ချွေးများကို သုတ်လိုက်ပြီး ရန်ကျားလိအား ကိုယ်တိုင်ကိုယ်ကျ သီးသန့်ခန်းထဲ ခေါ်ဆောင် ဝင်ရောက်သွားစေသည်။
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
