{Unicode}
"ကြားဖြတ်"
ရန်ကျားလိသည် ယဲ့ထင်အား အဖြေ ပြန်မပေးခဲ့ပေ။
ယဲ့ထင်သည် ဖုန်းကို ကိုင်ထားရင်း အချိန်အတော်ကြာ စောင့်ဆိုင်းခဲ့သည့်တိုင် ရန်ကျားလိ၏ အတည်ပြုသော အဖြေစကားကို မကြားရ၍ မျှော်လင့်ချက် ပျောက်ရုံကလွဲပြီး မတတ်နိုင်တော့။
ရန်ကျားလိက တိုးညှင်းသော လေသံနှင့် ဆိုသည်။
"ယဲ့ထင်၊ ဒီလောက် နှစ်တွေ ကြာနေပြီ။ ငါနဲ့မင်းလည်း ပြောင်းလဲသွားတာတွေ အများကြီး ဖြစ်နေပြီ"
"ငါလည်း အရင်ကလို အဲ့လောက်ကြီး ရူးတူးတူး ပေါကြောင်ကြောင်နိုင်တဲ့ ပုံစံမျိုး မဟုတ်တော့ဘူး။ ငါအရင်က တစ်သက်လုံး လွတ်လပ်ပြီး အပူအပင် ကင်းတဲ့ ဘဝကိုပဲ ဖြတ်သန်းချင်တယ်လို့ ပြောခဲ့ဖူးတယ်။ ဒါပေမဲ့ လူ့ဘောင်အဖွဲ့အစည်းရဲ့ ရိုက်ခတ်မှုတွေက ငါ့ကိုအဲ့လို မဖြစ်နိုင်စေခဲ့ဘူးလေ။ ငါလည်း အစောကြီးကတည်းက မင်းနှလုံးသားထဲက အဲ့လို ပုံစံမျိုး မဟုတ်တော့ဘူး။ မင်းရောပဲ၊ မင်း တက္ကသိုလ်တုန်းက ခပ်တန်းတန်း နေတတ်တယ်။ မာနကြီးတယ်။ အကျင့်စရိုက်ကလည်း နည်းနည်း ပိုင်စိုးပိုင်နင်း ဆန်ပေမယ့် အများကြီး ကောင်းခဲ့ပါသေးတယ်။ ဒါပေမဲ့ အခုလက်ရှိ မင်းကတော့ ကြမ်းတမ်းတဲ့ ဝံပုလွေလိုမျိုး ဖမ်းမိတဲ့ လူတိုင်းကို ကိုက်မယ်ဆိုတာချည်းပဲ။ နောက်ပြီးတော့ အစွန်းရောက်ပြီး ရက်စက်သေးတယ်။ ငါ....."
ရန်ကျားလိ စကားဆုံးအောင် မပြောရသေးခင်မှာပဲ ယဲ့ထင်က လေးလံစွာနှင့် ကြားဖြတ် ပြောလာသည်။
"ရန်ရန်၊ ကိုယ်မင်းအပေါ်မှာ ဘယ်တုန်းကမှ မရက်စက်ချင်ခဲ့ပါဘူး"
ရန်ကျားလိက သရော်ပြုံး ပြုံးလိုက်ပြီး
"အရှက်ခွဲတယ်၊ မုဒိမ်းကျင့်တယ်၊ ကြိုးတုပ်တယ်၊ အကျဥ်းချထားတယ်။ ဒါတောင် မလုံလောက်သေးဘူးလား"
ယဲ့ထင်သည် ခဏတာမျှ တိတ်ဆိတ်သွားပြီး
"တကယ်လို့ မင်းသာ ပြန်လာဖို့ ဆန္ဒရှိရင် ကိုယ် အာမခံပါတယ်။ အဲ့လိုဟာမျိုးတွေ ထပ်မဖြစ်စေရတော့ပါဘူး"
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
