ရန်ကျားလိက ပြောသည်။
"အရင်က မင်းအမေက အဲ့အပြာရင့်ရောင် မာဖလာကိုပဲ အမြဲ ဝတ်ခိုင်းနေခဲ့တာမလား။ ငါကြည့်နေတာ မင်းက ဝတ်တာ ဘယ်လောက်မှ မကြာသေးဘဲ ချွတ်ချွတ်နေလို့။ ပြီးတော့ လည်ပင်းကိုလည်း အမြဲ ကုတ်ကုတ်နေတယ်လေ။ အရင်ရက်တွေတုန်းက ငါတို့ ဟိုဟာလုပ်ပြီးတော့ မင်းလည်ပင်းမှာ အနီရောင် အမှတ်တွေ့လိုက်လို့...."
ယဲ့ထင်က ကော်လံကိုချွတ်ပြီး လည်ပင်းကို ပြသလာသည်။
သူသည် ထိုနေရာမှ အနီရောင် အမှတ်ကို ညွှန်ပြလိုက်ပြီး ရယ်ရင်းပြောလာသည်။
"မင်းက ဒီဟာကို ပြောတာလား။ ဒါက မာဖလာကြောင့် မဟုတ်ပါဘူး။ အဲ့ဒါက တစ်ညတုန်းက ကိုယ် သိုးကြီးတစ်ကောင်ကို ခစားပေးရင်း သူက ဇိမ်ကျနေချိန်မှာ အဲ့ကောင်လေးက အသည်းနှလုံးမဲ့နေလို့ ပါးစပ်ဟပြီး ကိုယ့်ကို ကိုက်ပစ်လိုက်တာလေ"
ရန်ကျားလိမှာ ရှက်ရွံ့သွားရင်း မျက်နှာကြီးက ခဏတွင်းချင်း နီရဲလာသည်။
ယဲ့ထင်၏ လက်ဖဝါးကို ခပ်ပြင်းပြင်း ရိုက်ချလိုက်ကာ ရန်ကျားလိက တစ်ကိုယ်တည်း ရေရွတ်သည်။
"ဘယ်သူက အဲ့သွားရာကို ပြောနေလို့လဲ။ ငါ ပြောတာက....မင်းကြည့်၊ ကိုယ့်ဘာသာကိုယ် မှန်ထဲမှာ ကြည့်ကြည့်၊ ငါက ဒီအနီအမှတ် အကွင်းလိုက်ကြီးကို ပြောနေတာ။ ငါကြည့်လိုက်တော့ မင်းအမေ ပေးထားတာက အက်ခရီလစ်ကြီး။ မင်း အဲ့ချည်ထည်ကို ဝတ်ရတာ အဆင်မပြေဘူး ထင်လို့၊ အဲ့ဒါကြောင့်၊ ဟီးဟီး"
ရန်ကျားလိသည် စက္ကူအိတ်ကို ယဲ့ထင်ထံ ပေးလိုက်သည်။
ယဲ့ထင်က လက်ခံယူလိုက်သောအခါ ရန်ကျားလိက နောက်တစ်ကြောင်း ထပ်လောင်း ပြောဆိုသည်။
"သိုးမွေးချည်၊ အရမ်းနွေးပြီး ဝတ်ရတာလည်း အရမ်း သက်တောင့်သက်သာရှိတယ်။ ပြီးတော့ ငါကိုယ်တိုင် ထိုးထားတာ"
ယဲ့ထင်သည် ရန်ကျားလိ လက်နှင့်ကိုယ်တိုင် ထိုးထားသည်ဟု ကြားသည်နှင့် ရန်ကျားလိ လက်ကို ကတိုက်ကရိုက် ဆွဲယူကြည့်သည်။
ရန်ကျားလိက ကျစ်စုတ်သပ်ပြီး သူ့ကို ဖယ်လိုက်ကာ တောက်ပစွာ ပြုံးရင်းဆိုသည်။
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
