သိုးဟူသည် ကမ္ဘာကြီးကို အနွေးဓာတ်များကို ဆောင်ကြဉ်း အပေးဆုံးသော တိရစ္ဆာန်များ ဖြစ်ကြသည်။
အထူးသဖြင့် သူ့အိမ်မှာ မွေးထားသည့် သိုးကြီးပင်။
ယဲ့ထင်သည် ပြုံးလိုက်ပြီး ရန်ကျားလိ၏ နားရွက်ကို ပွတ်သပ်လိုက်ကာ နွေးနွေးထွေးထွေး ဆိုသည်။
"ဘယ်လိုလုပ် ကားထဲမှာ တိတ်တိတ်လေး ပုန်းနေရတာလဲ"
ရန်ကျားလိက နှုတ်ခမ်းတွန့်လိုက်ပြီး
"မင်းငါ့ကို စိတ်မပူပါနဲ့.....မင်းရဲ့ အဘိုးနဲ့ အဖေအမေကို လေယာဥ်ပေါ် ပို့ပြီးသွားပြီပေါ့?"
ယဲ့ထင်က ခေါင်းညိတ်သည်။
ရန်ကျားလိက သက်ပြင်းရှည်ရှည် ချလိုက်သည်။ မိသားစု အကြီးအကဲများနှင့် တွေ့ဆုံပြီးပြီဟု မှတ်ယူ၍ ရသွား၍ဖြစ်သည်။
အသိပြန်ဝင်လာသောအခါ ယဲ့ထင်နားရွက်နား ထပ်ကပ်လိုက်ပြီး ပြုံးစစနှင့် မေးသည်။
"ငါ့ကို ပြန်မဖြေရသေးဘူးနော်။ ငါမင်းအတွက် ဘာလက်ဆောင် ပြင်ထားလဲ ခန့်မှန်းကြည့်ပါဆို"
ယဲ့ထင်က ခေါင်းယမ်းလိုက်ကာ
"ကိုယ် မခန့်မှန်းနိုင်ဘူး"
ရန်ကျားလိက သတိပေးသလိုနှင့် ဟမ်သံပြုပြီး မျက်လုံးများ ကျဥ်းမြောင်းလာသည်ကို မြင်သောအခါ ယဲ့ထင်က မျက်တောင် ပုတ်ခတ် ပုတ်ခတ်နှင့် ကမန်းကတန်း နောက်တစ်ကြောင်း ထပ်ပေါင်းသည်။
"ဒါပေမဲ့ မင်းဘာပေးပေး ကိုယ် သဘောကျပါတယ်"
ရန်ကျားလိက ဂုဏ်ယူဝမ်းမြောက်စွာနှင့် ဟွန်းဟွန်းဟု အသံထွက်လာကာ ယဲ့ထင်ကို စနောက်နေဖို့ရန်လည်း စိတ်မပါ၍ မိမိ၏ ကျောပိုးအိတ်ထဲမှ စက္ကူအိတ် တစ်အိတ် ထုတ်လာ၏။
သူ့မျက်လုံးထဲ အလင်းရောင်များ ဖိတ်ဖိတ်တောက်နေလျက်နှင့်
"ငါမင်းအတွက် မာဖလာတစ်ထည် ပြင်ပေးထားတာ"
ယဲ့ထင်က အနည်းငယ် လန့်သွားပြီး စူးစမ်းသလို
မေးလာသည်။
"ဘယ်လိုဖြစ်လို့ ရုတ်တရက်ကြီး ကိုယ့်ကို မာဖလာ ပေးမယ်လို့ စဥ်းစားမိသွားတာလဲ"
KAMU SEDANG MEMBACA
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomansaTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
158
Mulai dari awal
