اخبار القصص

اخباار

هلاو شلونكم 💓🌬

____

وجان ترجع روزايتنة 💃💃💃💃💃💃
ونزلت اعلان لقصة جديدة وقصيرة
المشكلة الكاتبة ناسية الباسورد مال حساب الواتباد ، كالت احاول اذكرة اي فشنو روحوا لحساب الكاتبة نسرين الجبوري هناك راح تلكون قصة روزاية اتحول هناك النشر علما تذكر الباسورد (يارب تذكرة )

(انا بمكانها انجلط😅) اي فشنو راح انسخ الإعلان هنا واخليه ولحد ادكلي الخبر قديم ادري من البارحة😏😔😁
________

لعل في الغد افراح لا تعد
الكاتبه روزايه( زهراء)
مقدمه لقصه قصيره ....
.............
منو بينه ممرت علي ليله مشؤؤمه ؟؟
منو بينه ينام يضحك ويكعد يضحك وكلبه مرتاح ويكول بعد ماكو حزن؟؟
شكم دمعه نزلت محد يعلم بيهه بس الله؟؟
وشكم دمعه نزلت بحرقه والم ونار تسعر بگلوبنه وويه كل صبح يتجدد؟؟
بالذات احنه العراقين مكتوب علينه الحزن من اول مشوار نخطي بحياتنه ...
هذا الفاگد عزيز ويگلب بس بالصور ويبتسم ويه ابتسامتهم ويبجي على ملامحهم الماكلهه التراب...

وهذاك الاب العينه على الباب ويمسح دمعته بالخفيه حته لاتشوفه الناس واللسانه يصيح ابني ليش عفتني؟؟

وهذيج الحنونه العمت عينهه على فراكه وكل مكان تمر من يمه تصفن عليه وتذكره من صغره هنا لعب هنا مشه هنا وكع... هنا جابو بالعلم...

هذا الودع صديق العمر بانفجار .. وهذا الودعه بقناص... وهذاك ودعه بحادث ....

وذاك الي اجاه الليل وحط راسه على المخده وكال باجر منين اجيب الغده وبلكي يحن عليه فلان ويطلعني للشغل ...

هاي الحابسه نفسهه بالغرفه ومتكدر تطلع لايشوفوهه اهلهه ويسألوهه شبيج ماتكدر دكلهم احبه سنين وضحك عليه وعافني بحجه الظروف...
وهاي مخليه ايدهه جوه خدهه وتباوع لأطفالهه النايمين يمهه وتقره الفاتحه بدمعه حاره على روح ابوهم الشاب ....
وهاي المصيبتهه مصيبه وهي تذكر ايام زواجهه
وشلون كاللهه ادللج وانسيج وووو ... وتالي متكدر تحجي ولا ادافع عن نفسهه لان يكولون مطلقه وهي انظلمت بحياتهه

وهذيج التمشي بس جسد بدون روح !! هذيج العايشه بس لاطفالهه وهي تشوف كدام عينهه
خيانة زوجهه بس ماعدهه سند تعتمد علي وياخذ حقهه بس الله...