حور الزين (مكتمله)

{13}

*عند ادهم وسيليا

سيليا: انت مودينا فين
ادهم: هتعرفى اهو
بعد 5 دقايق وقف ادهم قدام البحر وكان فى ورد على الأرض وجو رومنسى
سيليا بفرحه: الله يا ادهم اى الجمال ده
ادهم بعيون لامعه: عجبك
سيليا بفرحه: تحفههههه
ادهم بحب: تعالى نتمشى على البحر
بعد مده ليست بقصيره
سيليا: مش هنروح بقا
ادهم: هنروح حاضر
مسك ادهم سيليا من وسطها وقربها منه جدا
سيليا كانت مكسوفه جدا وحاطده وشها فى الأرض مسك ادهم دقن سيليا ورفع وشها ليه برقه
ادهم بحب: بصيلى فى عينى
بصتله سيليا وكانت سرحانه فى عينه الزرقا
ادهم: ممكن اعمل حاجه اخيره
وبيقرب منها جامد وعينه مركزه على شفايفها
سيليا بخجل: لا لا يا اد
قاطعها ادهم بقبله طويله حاولت تبعده عنها بس مقدرتش ف استسلمتله وبادلته سيليا القبله وكانت دى قبلتهم الأولى
بعد ادهم عنها علشان تاخد نفسها
سيليا كان وشها احمر شبه الطماطم من كتر الكسوف
ادهم بضحك: لا كفاية كده عليكى يلا نروح

*فى فيلا العربى

*فى أوضة زين

حور قاعده بتشرح شعرها قدام المراية جه زين من وراها وباسها من رقبتها
زين بحب: انا نفسى اخلف منك دستة عيال وكلهم يكونوا حلوين زيك كده
حور بحب: وقمر زيك كده وجايه تبوسه من خده حرك وشه جت على شفايفه
زين بخبث: حلوه البوسه
حور بكسوف: ابعد يا عم كده
سمعوا صوت تحت
حور: دى اكيد سيليا انا هنزلها
زين: متتأخريش
تحت
نورهان كانت سبقت حور
جريت عليهم حور: اتبسطى يا قلبى
سيليا بفرحه: اوى اوى
سيليا بهمس: تعالولى فوق يلااااا
وجريت على اوضتها
نورهان ضحكت وطلعت وراها
حور لأدهم بهزار: انت عملت اى؟
ادهم بجدية مصتنعه: بنت عيب كده لما تكبري هقولك
حور: يا عم ده انا متجوزه قبلك اسكت
ادهم بتريقة: يا عم حد يقول لأخوه الكبير يا عم
طلعت حور تجرى على فوق
ادهم بصوت عالى: والله لو مسكتك لتشوفى الى هيحصلك ، وطلع يجرى وراها
الدنيا كانت ضلمه فوق وحور ماشية رايحه أوضة سيليا
حور: ياربى انا بخاف من الضلمه اصلا
حور بخوف: زين يا زييين تعلالى ونبى انا خايفة
فجأه وهى ماشية حد خضها
زين بهزار: بخ
حور شهقت من كتر الخضة: يالهوى يا زين حرام عليك
زين بضحك: عرفتى منين انى زين
حور: من ريحتك ، افتح اى نور وبنى علشان بدأت اتخنق
فتح زين النور
حور: انا رايحه لسيليا
زين: وانا هاخد شاور على ما تيجى

*فى اوضة سيليا

سيليا بفرحه: يالهوى على اخوكى ده ياخرابى
حور: عمل اى اخويا
سيليا بصوت واطى: اصله باسنى
نورهان بصوت واطى: طب واى المشكله ما هو جوزك موطية صوتك ليه
سيليا بكسوف: علشان مكسوفه اصلها مش بوسه عادية
حور: اااه عشان كده اول ما جيتوا طلعتى تجرى
نورهان: مبروك يا حبيبتى عقبال ما نشوف ولادكوا بقا
سيليا: ياارب
حور: انا هروح بقا علشان انام
نورهان: وانا كمان تصبحوا على خير
الأتنين: وانتى من اهله