گمت فتحت الواتساب مالته بجهازي وفتحت التلي همين لان هي مراسلته من التطبيقين ...
بسيييطه بس خلي اعرف هايه منوو واذا فراس عنده شي وياها او لا ..واني اعلمكم .
اني شكيت بصديقتي الحيوانه من زمان تسألني عنه ... اذا طلع شكي بمحله اوديها ورا الشمس كله ولا الخيانه ...
جريت نفس ورجعت الموبايل لمكانه ... لليل بدلنه كولنه ودا نروح لشذر انشوفها ...
طلعت دا اغسل وجهي علمود احط مكياج شفت ميرا واگفه وتعدل بوجهه وادم واگف يمها هي ماده البوز شبرين وعالاساس زعلانه ...
... حطت كحل وهو عاط ...
... مو حلو طلعج تخرعين عبالك مومياء صارلها 2000 سنه محنطه امسحي امسحي ...
... هي الغبيه مصدگه مسحتها وجرت الحمره دتحط وعاط ...
... هاي شنو طلعتي تشبهين ابو صابر يمعوده شو دمسحي فضحتينه امسحي شنو ما شايفه حمره ..!!
جرت نفس قوي وحجت بعصبيه ...
... اگولك اشبه المومياء اشبه ابو صابر انته شعليك بيه ..؟
اشو اني حياتي كولها مومياء وعيشتي مثل عيشت ابو صابر ما يدري وين يروح ومنين يرجع ولا الله وين خالقه شو دوخر عني ...
دفعته وراحت لغرفتها دخلت ورگعت الباب بكول قوتها ... صايره اختي شخصيه عشتو ...
________________________
شذر ...
سديت الموبايل دا ارجعه للجنطه گال صفاء ...
... يلا شذر اعبري ..
.. اي دقيقه بس احط ... محسيت غير بصوت هورن السيارات باوعت سياره زغيره اجت عليه وضربتني ...
...فتحت عيوني باوعت للمكان الاني بيه بس مگدرت اركز غواش بعيوني قوي ودوخه لازمتني ...
دقايق يلا گدرت ارگز ... حركت راسي ودرته للجهه اليمين ... صفاء گاعد عالكرسي ومكتف اديه لصدره ومغمض عيونه. ..
فريت راسي اباوع للمكان الاني بيه .. بالمستشفى ..!!!
خفت والقلق لازم گلبي معقوله ابني مات وجابوني عالمستشفى ...!!!
سندت روحي وگعدت حجيت ... صفاء شنو الصار ليش اني بالمستشفى ابني بيه شي ..؟
فتح عيونه فتح اديه وگام اجه گعد يمي ابتسم هز راسه وگال ...
... الحمدلله على سلامتج وداعت حنونه ماجنت متصورج بهالجبن هذا يعني اكو وحده من دگت هورن تفقد الوعي ...!!!
عقجت حاجبي ... صفاء تحجي صدوگ يعني سياره ضربتني وفقدت الوعي تگولي جبانه ..؟
هز راسه وگال .. اجت اتضربج السياره لو لا ستر الله بس ما ضربتج وصلت ليمج وداست بريك بس من وفقدتي الوعي انضربت رجلج بالسياره والضربه مو قويه ...
ŞİMDİ OKUDUĞUN
غياهب الجهلِ والظلمِ
Genel Kurguقصة ثلاث أخوات ... إحداهما رقيقه كــ جنحٍ الفراشة تتعرض للتحرش من اقرب الناس ِ إليها لتهدم شخصيتها قبل أن تُبنى فَتقع ضَحية افعال اشخاص ٍ لها حقدٍ كــ حقد ابليسُ على آدم ،،، والاخرى كــ لبوة ٍ جُرحت لــ تتمرد على واقعها الاليم وتحاول اجتيازهُ بقوه...
