..رواية .. غياهب.. الجهل والظلم ...
بقلمي ... نورس _Nawras
__________________
ميرا ... واگفه يم السنگ بالمطبخ وصافنه عالحديقه البرانيه ... حسبت بخطواته قريبه يمي ثواني وحضني من ظهري ...
گال ... شبيها حبيبتي وين صافنه ..؟
سكتت مجاوبته دار وجهي عليه باوع بعيوني دايحجي بس قاطعه رنت الموبايل ...
فتح خط گال .. الوو هلا صفاوي ...
...ثواني وگال .. شنووو يلا هسه جاييك ...
سد الموبايل ووجه نخطف عقجت حاجبي حجيت بخوف ...
شنو الصاير ...؟
اسيل دتنزل من الدرج گالت ... شكو ميرا شصاير ..؟
رفعت كتافي بمعنى مااعرف .. گال وهو يمشي ...
... اتصل صفاء شذر مسويه حادث ...
... اني شهكت صفگت اديه بوجهي وصحت ... عزاا العزاااني اختي ماااتت ...
گمت ابجي واصيح ... لج ماما الحگي اختي ماتت ...
ادم جان دايصعد الدرج رجع اجه عليه وگال ...
مابيها شي الحمدلله مو خطير. وهي هسه بالمستشفى بس شويه رجلها متأذيه ...
باوعت الاسيل جسمها گام يرجف والدمعه وگعت من عينها من شافتني اعيط هزت ايدها و عاطت بيه ....
... فال الله ولا فالج يالمايعه يالفاهيه بيش طالبتها تموت حيوانه ..!
طالبتها 50 الف متموت اذا مترجعهن .. والله اذا ماتت وما مرجعتهن اهجج عشيرته لصفاء
صفنت شويه ضربت وجه راشدي باوعتلي بأستغراب وگالت بقهر ...
... لحضه هو صفاء شدخله ...؟
خرب حضي گعدت ويه ميرا كل هالمده اكيد راح الگف منها طاحضج خبصتينه اوي و اوي ضلي هيج مايعه ضلي
خلت وراحت لغرفتها هي وتدردم ...
ادم هز راسه باوع لامه ورجع باوع للسگف وگال ...
...ربي دا تشوف ليش شذر ليش مو اسيل .جا اسيل شناقصها وما تضربها السياره ..؟
ام امين باوعتله وگالت ...اسم الله يمه شبيك بيش طالبها وبعدين هي صاحيه و شوف تصرفاتها ومگومه البيت ممگعدته هدور تدعمها سياره غير تهججنه بليله ظلمه ...
هو گال ... اهم شي ما تگدر تصعد يم ميرا هذا المهم باقي الطلبات عليه يمه
ميرا ... اسمع اسيل تعيط وتحجي وهي مخبوصه وهي تگول لفراس ...
... فروسي بسرعه تعال نبدل خلي نروح نشوف شذر بلكي بعد بيها نفس عاد اخذ ال50 منها ...
اني باوعت الادم وحجيت ... خلي انروح نشوفها گلبي نار عليها ...
YOU ARE READING
غياهب الجهلِ والظلمِ
General Fictionقصة ثلاث أخوات ... إحداهما رقيقه كــ جنحٍ الفراشة تتعرض للتحرش من اقرب الناس ِ إليها لتهدم شخصيتها قبل أن تُبنى فَتقع ضَحية افعال اشخاص ٍ لها حقدٍ كــ حقد ابليسُ على آدم ،،، والاخرى كــ لبوة ٍ جُرحت لــ تتمرد على واقعها الاليم وتحاول اجتيازهُ بقوه...
