(Uni)
Yiboရဲ့မာမားကသဘောတွေကောင်းပြီးညနေစာလာစားလှည့်ပါဆိုလို့နှစ်ယောက်သားညနေစောင်းချိန်ကလေးတွင်ရိပေါ်ရဲ့မားမားတို့တိုက်ခန်းကိုရောက်ခဲ့သည်။
ရိပေါ်မာမားရဲ့အစ်မမှာကသားလေးတစ်ယောက်ရှိသေးသည်။အရွယ်ကရှစ်နှစ်လောက်။ပါးကဖောင်းဖောင်း။မျက်လုံးကဝိုင်းဝိုင်းနဲ့။
ထိုကလေးကိုတွေ့တော့ရှောင်းကျန့်ကအတော်ကိုသဘောတွေကျနေတာ။အခုလဲရိပေါ်မာမားနဲ့ဒေါ်လေးဟင်းချက်နေတုန်းကလေးနဲ့ရောဆော့နေလေ၏။
"ဒါကစူပါမန်း..."
"ဒါကရော"
"ဒါကအိုင်ရွန်းမန်း...ဒါကဖလက်မန်း"
"စပိုက်တာမန်းလဲမရှိဘူးနော်"
"စပိုက်မန်းကဦးဦးလေ"
"ဦးဦးကရွှီးရွှီးဆိုပြီးပင့်ကူမျှင်တွေပစ်တတ်တာလား"
"ဒါပေါ့...ဦးဦးကနံရံတွေပေါ်လဲတွယ်တတ်တတ်တယ်"
"ဟားဟားဟား...ဦးဦးငပေါကြီး"
ကလေးကသူ့ကိုလက်ညိုးလေးထိုးပြီးလှောင်ရယ်တဲ့အခါသူကနှုတ်ခမ်းလေးဆူပြီးမျက်စောင်းလေးဟန်ဆောင်ထိုးလိုက်ပုံကချစ်စဖွယ်ကောင်းလွန်းလှသည်။
အဝေးကကြည့်နေတဲ့ရိပေါ်မပြောနဲ့ကလေးကတောင်အသဲတွေယားပြီးရှောင်းလူကြီးရဲ့ပါးလေးကိုခပ်ဖွဖွလိမ်ဆွဲလေရဲ့။
"ဦးဦးကချစ်စရာကြီး"
ရှောင်းကျန့်နဲ့ချင်ချင်းကိုပြုံးပြုံးကြီးကြည့်ကာနေတဲ့သူ့အနားကိုမားကရောက်လာပြီးဆိုသည်။
"ကျန့်ကျန့်လေးကကလေးလေးကျနေတာပဲ"တဲ့။
ဒါပေါ့...တကယ့်ကလေးကြီးပါပဲ။ဟုသူကစိတ်ထဲမှပြန်ပြောမိသည်။
"မားရဲ့သားလေးကကျတော့လူကြီးကလေးနဲ့တူလာတယ်"
သူ့ဆံပင်တွေသပ်ပြီးနူးညံ့တဲ့အပြုံးနဲ့ဆိုလာတဲ့မားကိုသူနွေးထွေးတဲ့မျက်ဝန်းတွေနဲ့ပဲကြည့်နေမိသည်။မားကဘာမှမပြောပဲမီးဖိုထဲဝင်သွားတော့မှသူကရှောင်းကျန့်နဲ့ချင်ချင်းရှိရာသို့သွားကာဆိုဖာတွင်ဝင်ထိုင်လိုက်၏။
YOU ARE READING
Oh my bad boy 🍑(complated)
FanfictionIntro လူတစ်ယောက်ရဲ့ဘဝရှင်သန်မှုကိုဘာတစ်ခုမှနားမလည်ပဲဝေဖန်ဖို့သာတတလူတစ်ယောက်ရဲ့ဘဝရှင်သန်မှုကိုဘာတစ်ခုမှနားမလည်ပဲ Oh my bad boy "အမှိုက်လိုကောင်ကငါတို့ကိုရွံတယ်တဲ့လား" (Xiao Zhan) "ဟုတ်တာပေါ့ကျွန်တော်ကအမှိုက်...ခင်ဗျားလဲကြားဖူးမှာပါ'အမှိုက်ကစပြဒသ်မီး...
