يَآسِمينَ ❤.

الفصل الرابع ♥️ ( الرجال اغبياء )

فاق أحمد من شروده:
( ااه معاكي كملي)

ابتسمت ناديه بخبث امومي:
(طب انا كنت بقول اي) .

توتر احمد قليلاً مبرر:
( اه عارف طبعا كنتي بتقولي ايه..)

قاطعته ناديه بجملتها:
( مين الي واخد عقلك يا ابن بطني ده انت ابني وانا عارفاك.)

اعتدل احمد في جلسته وتبدلت ملامحه الي الجمود:
(لا محدش يقدر ياخد عقلي وبخصوص الموضوع فا دا ميخصنيش خدي رأي ياسمين في النهايه هي صاحبة الرأي ولو عاوزاه هاتوافق لو مش عاوزاه يبقي نحترم رأيها ..واكمل بغيره: وبعدين هي لسه صغيره علي موضوع الجواز دا بصي ارفضي).

تعجبت من حديث ابنها:
( صغيره مين يا ابني دا الي زيها مخلفين قدها ولا انت بقي غيران.)

ذهب احمد من امامها لغرفته وهو يقول:
(ماما اعملي الي انتي عاوزاه انا داخل انام سلام).

دعت له ناديه من قلبها:
( يارب يابني تبقي من نصيبك الي مغيره مودك كده.)

في الصباح استيقظت ياسمين متأخره لسهرها طوال الليل مشاركة الاحاديث مع جميله لتصرخ بفزع:
(يانهار ابيض ..انا أتأخرت اوي  ياصغيره علي الموت يا ياسمينه يا حبيبتي)

استمع لها آدم وهو يمر من امام غرفتها ليمصمص شفتاه بحزن كالسيدات:
(معلش يابنتي هي الدنيا كده مبتديش كل حاجه ابقي سلميلي علي جدو بس الله يرحمه علشان واحشني)

رمته ياسمين بمخدتها قائله بعصبيه:
(غور من هنا علشان مقومش اكلك وانا لسه مفطرتش)

وبعد مدة من الزمن وصلت ياسمين لغرفة مديرها محدثه حالها:
(يارب مايرفدنيش لا لا يارب ميموتنيش أو لا يارب ميضربنيش...مايقدرش اصلا..لا يارب ما يبصليش بعنيه الي بتخوف دي يارب..)

مالك بمقاطعه من خلفها:
( اما تبطلي دعاء ابقي حصليني علي مكتبي .)

فزعت ياسمين من صوته وظهوره فجأه:
( يا مامي دا بيطلع منين  لتبتلع ريقها بصعوبه من موقفها)
لتحدث نفسها بثقه زائفه:
( في اي اثبتي كده هيموتك يعني دا اخواتك يسلخوه فيها انتِ اي حد ولا ايه وثواني لتتبدل ملامحها للبكاء وهي تحيب علي هاتفها الذي ينير برقم اخيها آدم:
(ايوه يا اخويا اختك هتموت صغيره يا حبيبي امانه عليك بس ازازة البيبس الي في التلاجه تدفن معايا محدش يشربها علشان بقرف)

قلق آدم من نبرت اخته ليسألها بريبه:
( في اي يا ياسمين مالك موت ايه و بيبسي ايه ده)

همست له ياسمين وكأنها ستقول سر خطير:
( اصل انا عصبت دراكولا ادعيلي بقي ها خلي بالك من نفسك و..)
قاطعها انفتاح الباب.

ليقول لها مالك بوجه جامد خالي من اي تعبير:
(لو خلصتي حب في التلفون ادخلي .)

استنكرت ياسمين جملته لتقول باستغراب من لهجة كلامه:
( اي حب دي مش فاهمه!)