يَآسِمينَ ❤.

الفصل الرابع ♥️ ( الرجال اغبياء )

حاولت جميله مقاطعة حديثها ورفضه ولكن اوقفتها يد والدتها وهي تقول:
( خلص الكلام يلا علي أوضك.)

ولكن بعد فتره من الزمن ذهبت زينب  لتري ماذا تفعل ابنتها لتراها تبكي علي سريرها لتتجه لها قائله بحنان وهي تمسد علي شعرها: جميله انتِ مش بتحبي ماما وبتثقي في كلامها.

اجابتها جميله بعيون حمراء:
( ايوه جميله بتحب ماما) 

ابتسمت زينب مستنكره دموعها:
(يبقي لي العياط بقي ممكن تقوليلي)

بدأت جميله في البكاء مرة اخري لتقول لوالدتها:
(علشان انتِ مش عاوزه تقوليلي بابا فين وكل اصحابي عندهم ابهات وانا لا)

ادمعت زينب لحزن ابنتها وكيف وهي كل ما تملكه
لتقول زينب بدموع وحزن علي معاناة ابنتها وحبيبتها:
(بس ربنا هو الي اختار كده) .

لتتسائل جميله مفكره:
( طب هو بابا ممكن يرجع؟).

احتضنت زينب ابنتها شارده وهي تقول:
( معرفش معرفش يا حبيبتي انتي بس متعيطيش).
**
عوده للحاضر

هربت دمعه من عينيها مازلت تخشي الماضي فهو لا يتركها ولا هي تستطيع نسيانه وبدأ في التلاعب بحياتها كاللعبه:
( عمري ما هقدر اسامحكم  ليقاطعها طرقات صغيره علي الباب لتمسح دمعتها وتقول:
( ادخل... ثواني وتبدلت ملامحها هاتفه بسعاده ياسميييين)

احتضنتها ياسمين باشتياق ولهفه فقد اشتاقت لها كثيرا واخيرا جاء اللقاء بعد سنوات وسنوات من الغربه:
(جميله وحشاني اوي وحشاني يا حبيبتي .)

ادمعت جميله من احتضانها شاعره بحبه ودفئه:
( انتِ اكتر يااااه عشر سنين واحنا مشوفناش بعض.)

تنهدت ياسمين ساحبه جميله ليجلسوا علي السرير:
( الزمن بيعدي من غير ما نحس ..تعالي تعالي احكيلي عملتي اي هناك واي الحلاوه دي ده انتي طلعتي اجنبيه يا بت).

ضحكت جميله علي جنون صديقتها ومرحها المعتاد وكأن الحزن لا يعرف لها طريق:
(انتِ هتعملي زي امي ولا اي براحه عليا شويه واحكيلي انتِ عملتي اي بعد ما اتخرجتي من ساعتها وانا مش عارفه أكلمك.)

تمدت ياسمن علي السرير بحسره:
( يييي اسكتي دا انا ربنا وقعني تحت إيد واحد مبيرحمش بيطلع عليا الي كنت بعمله في الناس.)

جميله بتشفي كحال الجميع:
(احسن علشان تتربي).

لتستنكر ياسمين حديثه رافعه شفتيها بضيق:
(في اي يا جدعان هو انا بعملك ايه علشان تفرحوا فيا كده) 

ابتسمت جميله علي كلامها:
(ابدا يا حبيبتي انتِ مبتعمليش حاجه خالص)

سهروا الليله سوياً يضحكون ويتذكرون الماضي بأوقاته السعيده وطفولتهم البريئه حيث لا يحملون هم  .
أما بالأسفل .
ناديه وهي تحكي لاحمد الجالس امامها غير منتبه لشروده :
( وبس مش عارفه بقي اقولها ازاي دي لو عرفت هتفرقع في وشي  ..احمد انت معايا.)