قوارير من فضه

البارت 5

#ارهابي
بقلم حنين حسين
#بارت٥
حنين حسين ..
# ﺍﺭﻫﺎﺑﻲ ..
___
ﻋﻤﺮ .... ﻭﻗﺖ ﺍﻷﻧﻔﺠﺎﺭ ..
ﺩﻳﺎﻧﺎ .. ﻓﺘﺤﺖ ﻋﻴﻮﻧﻲ ﺑﺪﻫﺸﻪ ﻭﺍﻧﻲ ﺍﺳﻤﻊ ﻛﻼﻣﻪ ﻣﻌﻘﻮﻟﻪ ﺭﺍﺡ .. ﻳﻔﺠﺮﻭﻥ ﺩﺭﺕ ﻭﺟﻬﻲ ﻟﭽﺎﻡ ﺍﺑﺎﻭﻉ ﻟﺸﺎﺭﻉ ..
ﺩﺧﻴﻠﻚ ﻳﺎﺭﺑﻲ ﻣﺘﺮﻭﺱ ﻧﺎﺱ .. ﺍﺭﻳﺪ ﺍﺻﺮﺥ ﺍﺭﻳﺪ ﺍﮔﻮﻝ ﺭﻭﺣﻮ ﻣﻨﺂ .. ﺍﺣﺲ ﺑﺎﻟﺴﺎﻧﻲ ﺍﻧﻌﻘﺪ .. ﻧﺰﻟﺖ ﺩﻣﻮﻋﻲ ﺑﺤﺮﺍﺭﻩ ﻋﻠﻰ ﺧﺪﻱ .. ﺍﺑﺎﻭﻉ ﻋﻠﻴﻬﻢ ﺍﺟﻪ ﺷﺎﺏ ﻳﻘﺘﺮﺏ ﻣﻦ ﺷﺒﺎﻙ .. ﺩﮔـﺔ ﻓﺘﺢ ﭼﺎﻡ ﻋﻤﺮ ﺍﻟﻪ .. ﺳﻠﻤﻪ ﺟﻨﻄﻪ .. ﺍﻧﻄﺎ ﺍﻟﻪ ﻫﺰ ﺭﺃﺳﻪ ﻭﺭﺍﺡ .. ﺷﻨﻮ ﻫﺎﻱ ﺷﺪﻳﺼﻴﺮ ..
ﻳﺎﺳﺮ .. ﻭﺍﺣﻨﺎ ﺷﻨﻮ ﺷﻐﻠﻨﺎ ﺑﻌﺪ ؟ .. ﺳﺎﻝ
ﺟﺎﻭﺑﻪ ﻋﻤﺮ ﺑﺮﻭﺩ " ﺭﺍﺡ ﻧﺘﻮﮔﻞ ﻭﺑﻌﺪﻳﻦ ﻳﺼﻴﺮ ﺍﻻﻧﻔﺠﺎﺭ ..
ﻣﺤﻤﺪ .. ﺯﻳﻦ ﻣﻨﺘﻔﺮﭺ ﺷﻮﻳﻪ .. ؟ ﺿﺤﻚ
ﺭﺩ ﺍﻟﻌﺎﺭ " ﻋﺎﺟﺒﻨﻲ ﺍﺷﻮﻑ ﺍﻟﺪﻡٌ ﻭﺍﻟﺠﺜﺚ "!
ﺣﺴﻴﺖ ﻧﻔﺴﻲ ﺩﺍﺧﻞ ﻗﻮﻗﻌﻪ ﺩﺍﺧﻠﻬﺎ ﺩﻡ ﺷﺎﺭﻛﺘﻬﻢ ﺍﻧﻲ ﺍﻻﻧﻔﺠﺎﺭ .. ﻻ ﻳﺎﺭﺑﻲ ﻣﻌﻘﻮﻟﻪ ﻳﻤﻮﺗﻮﻥ ﺍﺑﺎﻭﻉ ﻣﻦ ﭼﺎﻡ ﻭﮔﻠﺒﻲ ﻳﻨﺒﺾ ﺑﺴﺮﻋﻪ ﻭﻗـﻮﻩ ﻻﺯﻡ ﺍﺳﻮﻱ ﺷﻲ ..
ﻣﻤﻌﻘﻮﻟﻪ ﺍﺗﺮﻙ ﺷﺒﺎﺏ ﺑﻌﻤﺮ ﺍﻟﻮﺭﺩ ﺗﻤﻮﺕ .. ﺍﻛﻮ ﺍﻃﻔﺎﻝ ﺍﻛﻮ ﻧﺴﻮﺍﻥ ﺍﺑﺎﻭﻉ ﺿﺮﺑﺖ ﻋﻠﻰ ﺑﺎﺏ ..
" ﺍﻟﻠﻪ ﻳﺎﺧﺬﮔﻢ ﺍﻟﻠﻪ ﻳﺎﺧﺬﮔﻢ !!" ﺑﭽﻴﺖ ﺑﻘﻬﺮ
ﺣﺴّﻴﺖ ﺷﻌﺮﻱ ﺍﻧﭽﺮ ﺑﻘﻮﻩ ..
ﻳﺎﺳﺮ ﺑﻘﻬﺮ .. ﻳﺎﺧﺬﭺ ﻭﻳﺎﻧﻪ ﻣﻮﻭ !"
ﻟﻄﻨﺸﻲ ﺑﺎﻟﮕﺮﺳﻲ ﻋﻀﻴﺖ ﺁﻳﺪﻩ ﺑﮕﻞ ﻗـﻮﺗﻲ ﻭﺍﻧﻲ ﺍﺳﻤﻊ ﺻﻮﺕ ﺻﺮﺍﺧﻪ ..
" ﺍﺥ ﺑﻨﺖ ﺍﻟﭽﻠﺐ ﻋﻮﻓﻴﻨﻲ !!" ﺻﺮﺥ
ﺍﺟﻪ ﻳﻀﺮﺑﻨﻲ ﺻﺪﻳﻘﺔ ﻣﺪﻳﺖ ﺭﭼﻠﻲ ﻭﺩﻓﻌﺘﻪ ﻣﻦ ﺻﺪﺭﻩ .. ﻭﻫﻮ ﻳﺮﻳﺪ ﻳﭽﺮ ﺷﻌﺮﻱ ﻓﺘﺤﺖ ﺍﻟﺒﺎﺏ ﺑﺴﺮﻋﻪ ﻭﻃﻠﻌﺖ ﺍﺭﻛﺾ ﺣﺎﻓﻴﻪ ﻣﺜﻞ ﺍﻟﻤﺨﺒﻠﻪ .. ﻭﺣﻠﮕﻲ ﻣﻠﻴﺎﻥ ﺩﻡٌ ﻣﻦ ﻋﻀﺘﻪ .. ﺗﻔﻠﺖ ﺑﺎﻟﮕﺎﻉ ﺩﻣﻪ .. ﺍﺳﻤﻊ ﺻﻮﺗﻬﻢ ﻭﺭﺁﻳﻪ ﻭﻋﻤﺮ ﻛﺎﻋﺪ ﺑﺎﻟﺴﻴﺎﺭﺓ ﻭﻋﻴﻮﻧﻪ ﻋﻠﻴﻪ ﺑﺠﻤﻮﺩ .. ﺁﺟﻪ ﻳﺮﻛﺾ ﻣﺤﻤﺪ ..
ﻳﺤﺠﻲ ﻣﻦ ﺑﻴﻦ ﺳﻨﻮﻧﻪ ..
" ﺗﺮﻳﺪﻳﻦ ﺗﻤﻮﺗﻴﻦ ﭼﻠﺪﺝ ﻳﺤﮕﺞ ﻣﻮ؟ ﺍﺻﻌﺪﻱ ﻭﺑﺪﻭﻥ ﺷﺒﻬﻪ ﻻ ﺍﻃﻠﻊ ﺧﺒﺎﻟﻲ ﻋﻠﻴﺞ ﺍﺻﻌﺪﻱ "
ﺍﺑﺎﻭﻉ ﻟﻌﻤﺮ ﻋﻴﻮﻧﻪ ﻋﻠﻴﺔ ﻭﻣﺎ ﺗﺤﺮﻙ ﻣﻦ ﻣﻜﺎﻧﻪ ﻣﺜﻞ ﺍﻟﺸﻴﻄﺎﻥ ﻳﺂﻣﺮ ﻣﻦ ﺑﻌﻴﺪ ﻧﺰﻟﺖ ﺩﻣﻮﻋﻲ ﻭﺍﻧﻲ ﺍﻣﺸﻲ ..
ﻟﻠﺴﻴﺎﺭﺓ ﺟﺮﻧﻲ ﻣﺤﻤﺪ ﻣﻦ ﺍﻳﺪﻱ ﻭﺻﻌﺪﻧﻲ ﺷﻤﺮﻧﻲ ﺩﺍﺧﻠﻬﺎ ﻗﻔﻞ ﺍﻟﺒﺎﺏ .. ﺻﺮﺧﺖ ﻭﺍﻧﻲ ﺍﺣﺲّ ﺑﺸﻌﺮﻱ ﺍﻧﺠﺮ ...
ﻳﺎﺳﺮ .. ﺑﻨﺖ ﺍﻟﻘﻨﺪﺭﻩ ﻧﻬﺎﻳﺘﭻ ﻋﻠﻰ ﺍﻳﺪﻱ !!" ﺻﺮﺥ
ﺿﺮﺏ ﺭﺍﺳﻲ ﺑﺎﻟﮕﺸﻦ ﺗﻮﺟﻌﺖ ﻭﺍﻧﻲ ﮔﺘﻢ ﺻﻮﺗﻲ ..
ﺍﺣﺎﻭﻝ ﺍﻓﺘﺢ ﺍﻳﺪﻩ ﻣﺎﮔـﻮ .. ﺍﺟﻴﺖ ﺍﻋﻀﺔ ﺑﺴﺮﻋﻪ .. ﺟﺮّ ﺳﻼﺣﺔ ﻭﺧﻼ ﺑﮕﺼﺘﻲ
" ﺍﻣـﻮﺗﺞ ﺍﻟﻴﻮﻭﻭﻡ !!"
ﺍﺟﺂ ﺻﻮﺕ ﻋﻤﺮ " ﻧﺰﻝ ﺳﻼﺣﻚ ﺍﺣﻨﺎ ﺑﻤﻨﻄﻘﺔ ﺷﻌﺒﻴﻪ ﻧﺰﻟﻪ ﻭﺍﺭﺟﻊ ﻟﻤﻜﺎﻧﻚ " ﺍﻣـﺮﻩ
ﺿﺮﺑﻨﻲ ﺑﺴﺮﻋﻪ ﺑﺴﻼﺣﻪ ﻋﻠﻰ ﺭﺁﺳﻲ ﻟﺰﻣﺘﻪ ﻭﺍﻧﻲ ﺍﺗﻮﺟﻊ .. ﺍﻟﻠﻪ ﻳﺎﺧﺬﻙ ﻳﺎ ﺣﻘﻴﺮ !
ﻳﺎﺳﺮ .. ﻣﺸﻔﺖ ﺳﻮﺕ !" ﺑﺮﺭ
ﻋﻤﺮ .. ﺣﺴﺎﺑﻬﺎ ﺑﻌﺪﻳﻦ ﻣﻮ ﻫﻨﺎ ﻭﺍﻧﺖ ﺍﻟﺰﻡ ﻟﺴﺎﻧﻚ ﻭﺍﻟﺰﻡ ﺁﻳﺪﻙ ﻻ ﺗﺨﻠﻴﻨﻲ ﺍﺷﻮﻓﻚ ﻭﺟﻬﻲ ﺛﺎﻧﻲ ﻳﺎﺳﺮ ﺍﻛﻴﺪ ﻣﺘﺮﻳﺪ ﺗﺸﻮﻓﻪ ﻣﻮ؟
ﺑﻠﻊ ﺭﻳﻘﻪ ﻳﺎﺳﺮ " ﺍﻗﺼﺪ ﺍﻧـﻲ !" ﺗﻠﻌﺜﻢ
ﺭﺟﻊ ﺣﭽﻪ " ﺑﺪﻭﻥ ﺧﺮﺑﻄﺔ ﺳـﻮﻕ ﻭﺍﻧﺖ ﺳﺎﻛﺖ "
ﻫﺰ ﺭﺍﺳﻪ ﺍﻟﻌﺎﺭ ﻣﻄﻴﻊ ﮔـ ﭼﻠﺐ ﻣﻌﻘﻮﻟﺔ ﺍﺑﻮ ﻋﻴﻮﻥ ﺧﻀُﺮ .
ﻫﻴﺞ ﻳﺨﻮﻑ ﻣﺎ ﺍﻧﮕﺮ ﺍﻧﻮ ﻧﻈﺮﺍﺗﻪ ﺗﺨﻠﻲ ﺍﻟﻮﺍﺣﺪ ﻳﺮﺗﻌﺶ ﺧـﻮﻑ ﺑﺲ ﻋﺒﺎﻟﻲ ﺑﺲ ﻋﻠﻴﻪ .. ﺳﺎﻕ ﻟﻤﻜﺎﻥ ﺛﺎﻧﻲ
ﻭﺍﺑﺘﻌﺪﻧﻪ ﻣﻦ ﻣﻨﻄﻘﻪ ﺍﻟﺘﻔﺠﻴﺮ ﺩﻣﻮﻋﻲ ﺗﻨﺰﻝ ﺑﺼﻤﺖ ﻋﻠﻰ ﺧﺪﻭﺩﻱ .. ﺭﺍﺡ ﻳﺮﻭﺣﻮﻥ ﻫﻮﺍﻱ ﻋﺎﻟﻢ .. ﮔﻠﺒﻲ ﻳﻮﺟﻌﻨﻲ ﮔﺘﻤﺖ ﺷﻬﮕﺎﺗﻲ ﺑﺮﺟﻠﻴﻪ ﺗﮕﻮﺭﺕ ﻋﻠﻰ ﻧﻔﺴﻲ ..
ﺑﺨﻮﻑ ﻭﺿﻌﻒ ﻳﺎﺭﺑﻲ ﻃﻠﻌﻨﻲ ﻣﻦ ﻫﻞ ﺳﺎﻟﻔﺔ ﻭﻣﻦ ﻫﻞ ﺣﻔﺮﻩ .. ﻳﺎﺭﺏ ﻣﺎ ﻋﻨﺪﻱ ﻏﻴﺮﻙ ﺍﻭﮔﻒ ﻭﻳﺎﻳﻪ ... ﺭﻓﻌﺖ ﻋﻴﻮﻧﻲ ﻭﺍﻧﻲ ﺍﺷﻮﻑ ﻭﻛﻔﻨﺎ ﺑﺎﻣﻜﺎﻥ ﻣﺜﻞ ﻣﻨﻄﻘﺔ ﺭﺍﻗﻴﻪ ..
ﻭﺷﻘﻖ ﺍﻋﺘﻘﺪ .. ﻧﺰﻝ ﻋﻤﺮ ﻓﺘﺢ ﺇﻟﻴﺔ ﺍﻟﺒﺎﺏ ﺟﺮﻧﻲ ﻣﻦ ﺯﻧﺪﻱ ﺑﻘﻮﻩ ﻭﺭﺁ .. ﺍﻣﺸﻲ ﻭﺍﺗﻌﺜﺮ ﻭﺍﻟﺠﻮ ﺑﺪﺁ ﻳﺼﻴﺮ ﺑﻠﻮﻥ ﺍﻻﺣﻤﺮ ﺑﺪﺍﺕ ﺍﻟﺸﻤﺲ ﺗﻐﻴﺐ ﻋﻦ ﺑﻐﺪﺍﺩ ... ﺍﺑﺎﻭﻉ ﻟﻠﻤﻜﺎﻥ ﻭﻻ ﻭﺍﺣﺪ ﺑﺸﺎﺭﻉ ﺑﺲ ﺳﻴﺎﺭﺓ ﻭﺍﻛﻔﻪ ﻭﺩﺍﺧﻠﻬﺎ ﺭﺟﺎﻝ .. ﻋﻘﺪﺕ ﺣﺎﺟﺒﻲ ﻻﺯﻡ ﺍﺣﺠﻲ ﻭﻳﺎﺍ .. ﺑﺲ ﺷﻠﻮﻥ ! ﺻﻌﺪﻧﺎ ﺍﻟﺪﺭﺝ ﺍﺑﺎﻭﻉ ﺍﻟﺸﻘﻖ ﺗﺨﺒﻞ ﻭﻧﺎﺯﮔـﺔ ﺑﺲ ﻣﻮﺳﻴﻘﻰ ..
ﻏﺮﻳﺒﻪ ﺩﺍﺧﻠﻬﺎ .. ﺩﻛـ ﺑﺎﺏ ﺍﻟﺸﻘﻪ ﻭﺍﺣﻨﺎ ﻭﺭﺁ ﺍﺑﺎﻭﻉ ﺍﺭﻳﺪ ﺍﺣﺪ ﻳﻨﺘﺒﻪ ﻋﻠﻴﻪ ﻣﺎﻛﻮ ! ﻣﻌﻘﻮﻟﻪ ﻣﺠﻬﻮﻝ ﻫﻞ ﻣﻜﺎﻥ ﺛﻮﺍﻧﻲ ﻭﺍﻧﻔﺘﺢ ﺍﻟﺒﺎﺏ ﺩﺭﺕ ﻭﺟﻬﻲ .. ﻭﺍﺷﻮﻑ ﻭﻟﺪ ﺑﺲ ﻳﻄﻚ ﺑﺎﻟﻌﻠﺞ ﻭﻻﺑﺲ ﺩﺷﺪﺍﺷﺔ ﺑﻴﻀﻪ ﺭﺑﻊ ﺭﺩﻥ ﻭﺷﻌﺮﻩ ﻃﻮﻳﻞ ﻣﺮﻓﻮﻉ ﻟﻴﻔـﻮﻙ .. ﻭﻣﺨﻠﻲ ﻟﺤﻈﺔ !!" ﻣﺨﻠﻲ ﻣﻜﻴﺎﺝ !! ﻳﺎﺭﺑﻲ ﻭﻳﻦ ﺟﺎﺑﻮﻧﻲ .. ﺩﺧﻠﻨﺎ ﻭﻫﻮ ﻭﺭﺍﻧﺎ ﺍﺳﻤﻊ ﺍﺻﻮﺍﺕ ﺿﺤﻚ ﻭﺻﻮﺕ ﻧﺮﮔﻴﻠﻪ .. ﺍﺑﺎﻭﻉ
ﻟﻠﻮﻟﺪ ﺍﺑﻮ ﺍﻟﻤﻜﻴﺎﺝ ﺗﻮﺗﺮ ﻭﺣﺘﻰ ﺍﻟﻌﻠﭻ ﺫﺑﻪ ..
" ﻏﺮﻓﺔ ﺑﺴﺮﻋﻪ "
ﺍﻣﺮّﻩ ﻋﻤﺮ ﺑﺠﻤﻮﺩ .. ﻫﺰ ﺭﺃﺳﻪ ﺑـ ﺍﻱ " ﺁﺩﻟﻞ ﻋﻴﻨﺎﻱ "
ﻫﺬﺍ ﺷﻠﻮﻥ ﻳﺤﺠﻲ؟ ﺍﺑﺎﻭﻉ ﻟﻴﺎﺳﺮ ﺍﻟﻌﺎﺭ ﺭﺍﺡ ﺷﻤﺮ ﻧﻔﺴﻪ ﻋﻠﻰ ﻗﻨﻔﻪ ﻭﻣﺤﻤﺪ ﺩﺧﻞ ﻟﻴﺠﻮﺁ .. ﺍﺟﺖ ﻣﺮﻳﺔ ﺷﺎﺑﻪ ﻳﺠﻲ ﻋﻤﺮﻫﺎ ﺑـ 30 ﻻﺑﺴﻪ ﺫﻫﺐ ﻣﻦ ﻓﻮﻙ ﻟﻴﺠﻮﺁ ﻭﺛﻮﺏ ﺍﺣﻤﺮ ﺿﻴﮓ ﻋﻠﻰ ﺟﺴﻤﻬﺎ ..
" ﻳـﺎ ﻫﻼ ﺍﺑﻮ ﺑﻨﺎﺭ ﻫﺴﺔ ﻳﻼ ﻧﻮﺭﺕ ﺍﻟﺸﻘﺔ "
ﺑﻮﺳﺘﻪ ﻣﻦ ﺧـﺪﻩ ﻭﻗﺮﻳﺒﻪ ﻛﻠﺶ ﻋﻠﻰ ﺷﻔﺎﻳﻔﺔ ..
ﺟﺮﻳﺖ ﺍﻳﺪﻱ ﻣﻨﻪ ﻭﺭﺣﺖ ﺑﻌﻴﺪ ﻋﻨﻬﻢ ﻫﻮ ﺭﻓﻊ ﺣﺎﺟﺒﻪ .. ﺇﻟﻴﺔ .. ﺩﺍﺣﺲّ ﺑﮕﻠﺒﻲ ﻭﺟﻌﻨﻲ ..
ﻋﻤﺮ .. ﻣﻨﻮﺭﺓ ﺑﻴﺞ "
ﻳﺤﺠﻲ ﻭﻋﻴﻮﻧﻪ ﻋﻠﻴﻪ ﺭﺟﻌﺖ ﺣﺠﺖ ﺍﻟﺪﺑﺔ .. ﺑﺪﻟﻊ
" ﺍﺷﺘﺎﻗﻴﻨﻪ ﻫﻮﻭﻭﺍﻱ ﺷﻬﻞ ﮔﻄﻌﻪ ﻋﻠﻴﻨﺎ "
ﺭﺩ ﻋﻠﻴﻬﺎ ﺑﺠﻤﻮﺩ " ﻫﺴﺔ ﻃﻠﻌﺖ ﻣﻦ ﺳﺠﻦ " ﺗﻨﻬﺪ
ﻫﺰﺕ ﺭﺃﺳﻬﺎ ﻭﻋﻴﻮﻧﻬﺎ ﺍﺟﺖ ﻋﻠﻴﺔ " ﻫﺎﻱ ﻣﻨﻮ ! ؟ " ﺁﺷﺮﺕ ﻋﻠﻴﻪ ..
" ﺩﻳﺎﻧﺎ ﺻﻼﺡ ﻳﻮﺳﻒ .. ﺩﻛﺘﻮﺭﻩ ﻣﺨﻄﻮﻓﺔ ﻟﻮ ﻋﻨﺪﺝ ﺫﺭﻩ ﺍﻧﺴﺎﻧﻴﺔ ﺗﻄﻠﻌﻴﻨﻲ ﻣﻨﺎ ﻟﻮ ﻭﺟﻬﺞ ﻣﺎﺑﻲ ﺭﺣﻤﻪ ﺍﻋﺘﻘﺪ ﺭﺍﺡ ﺍﺑﻘﻰ " ﺍﺑﺘﺴﻤﺖ ﺍﻟﻬﺎ
ﺿﺤﻚ ﺍﻟﻌﺎﺭ ﻭﻫﻲ ﻓﺘﺤﺖ ﺣﻠﮕﻬﺎ ﺍﺑﺎﻭﻉ ﻟﻌﻤﺮ ﺗﻨﻬﺪ ﻭﺷﺒﺢ ﺍﺑﺘﺴﺎﻣﺘﻪ ﻋﻠﻰ ﺷﻔﺘﻪ ..
" ﺷﻨﻮ ﻳﻌﻨﻲ ﻋﻤﺮ؟ " ﺳﺎﻟﺖ ﺑـ ﻏﺒﺎﺀ
ﺩﻓﻌﻬﺎ ﻋﻤﺮ ﻭﺟـﺮﻧﻲ ﻭﺭﺍ ﺍﺟﻪ ﺍﺑﻮ ﺍﻟﻌﻠﭻ ..
" ﺟﺎﻫﺰﺓ ﻏﺮﻓﺘﻚ ﺍﺑﻮ ﻧﺎﺭ ، "
ﻳﺤﺠﻲ ﺑﺪﻟﻊ ﺍﻛﺜﺮ ﻣﻨﻲ ﻭﻋﻴﻮﻧﻪ ﺗﻤﺸﻲ ﺑﻬﻴﺎﻡ ﻋﻠﻰ ﺍﺑﻮ ﻋﻴﻮﻥ ﺧﻀُﺮ .. ﺍﻧﺘﺒﻬﺖ ﺍﻛﻮ ﺗﻠﻴﻔﻮﻥ ﺍﺭﺿﻲ ﻭﺟﻬﺎﺯ ﻓﻮﻥ ﻋﻠﻰ ﻃﺒﻠﺔ ﻫﺎﻱ ﻓﺮﺻﺘﻲ .. ﺑﺲ ﺷﻠﻮﻥ ﺍﻟﺰﻣﻪ ﻟﻠﺠﻬﺎﺯ
ﻣﻨﻮ ﻫﺎﻳﻪ ﺍﻟﺤﻠﻮﻩُ ؟ " ﺳﺎﻝ ﺍﻟﻤﺎﻳﻊ
ﺟﺎﻭﺑﺖ ﺩﺑﻪ " ﻫﺎﻱ ﻭﺣﺪﻫﺎ ﻣﺨﻄﻮﻓﺔ "
ﺭﻓﻌﺖ ﺣﺎﺟﺒﻲ ﺍﻟﻬﺎ ﺟـﺮﻧﻲ ﻋﻤﺮ ﻭﺭﺁ ﻓﺘﺢ ﺑﺎﺏ ﺍﻟﻐﺮﻓﻪ ﻭﺷﻤﺮﻧﻲ ﺩﺍﺧﻠﻬﺎ .. ﻭﻗﻔﻞ ﺍﻟﺒﺎﺏ ..
" ﺍﻓﺘﺢ ﺍﻟﺒﺎﺏ !!" ﺻﺮﺧﺖ
ﺿﺮﺑﺘﻪ ﺑﺮﺟﻠﻲ ﻟﻠﺒﺎﺏ ﻭﺻﺮﺧﺖ ﺑﺲ ﻣﻔﺎﺩ ﮔﻌﺪﺕ ﺑﺎﻟﮕﺎﻉ .. ﺑﻘﻬﺮ ﻻﺯﻡ ﺍﻟﮕﻪ ﺣّـﻞ ﻭﺍﺷﺮﺩ ﻣﻨﺎ ﺍﻗﻠﻬﺎ ﺍﺧﺎﺑﺮ ﺷﺮﻃﻪ ﻋﻠﻰ ﻣﻜﺎﻥ ﺍﻻﻧﻔﺠﺎﺭ .. ﻛﻤﺖ ﻓﺘﺤﺖ ﺍﻟﻜﻨﺘﻮﺭ ﺑﻲ ﻣﻼﺑﺲ ﻛﻠﻬﺎ ﻓﻀﻴﺤﻪ ﻭﻣﺎﻝ ﺭﺍﻗﺼﺎﺕ ! ﺩﻭﺭﺕ ﺑﺎﻟﺨﺎﻧﻪ ﺛﺎﻧﻴﺔ ﻣﻼﺑﺲ ﻃﻠﻌﻪ ﺍﻟﺤﻤﺪﻟﻠﻪ ﻃﻠﻌﺖ ﺑﻨﻄﺮﻭﻥ ﺟﻴﻨﺰ ﺍﺯﺭﻕ ﻭﻗﻤﻴﺺ ﻗﺼﻴﺮ ﺍﺳﻮﺩ ﺭﺣﺖ ﻟﻠﺤﻤﺎﻡ ﺩﺍﺧﻞ ﺍﻟﻐﺮﻓﺔ ﻭﺍﻭﻭ .. ﻣﻠﻮﮔﻲ ﻃﺒﻌﺎ ﻣﻮ ﺍﺳﺘﻐﻔﺮ ﺍﻟﻠﻪ .. ﻓﺘﺤﺖ ﺍﻟﺪﻭﺵ .. ﻧﺰﻋﺖ ﺳﺘﺮﻩ ﺫﺑﻴﺘﻬﺎ ﺑﺎﻟﻜﺎﻉ ﻭﻧﺰﻋﺖ ﺍﻟﺒﻨﻄﺮﻭﻥ ﻣﺘﺮﻭﺱ ﺗﺮﺍﺏ ﻭﻃﻴﻦ ﻭﺍﻟﺒﺪﻱ ﻫﻢ ﻧﺰﻋﺘﻪ ﺿﻠﻴﺖ ﺑﺲ ﺑﺎﻟﻤﻼﺑﺲ ﺩﺍﺧﻠﻴﻪ ﻏﺴﻠﺖ ﺷﻌﺮﻱ ﻭﻓﺮﮔﺖ ﺁﺩﻳﺔ ﺍﺣﺲّ ﺑﺪﺁﺕ ﺗﻨﺰﻝ ﺩﻣﻮﻋﻲ ﻭﻳﻦ ﺻﺮﺕ ﻭﻳﻦ ﺍﺟﻴﺖ .. ﺍﺟﻪ ﻃﻴﻒ ﺳﻠﻴﻢ ﺑﺎﻟﻲ ﻫﺰﻳﺖ ﺭﺍﺳﻲ ﻭﺍﻧﻲ ﺍﺳﺪّ ﺍﻟﺪﻭﺵ ﺑﺴﺮﻋﻪ ﻧﺸﻔﺖ ﺷﻌﺮﻱ ﺑـ ﺍﻟﻤﻨﺸﻔﻪ ﻣﻌﻠﮕﻪ ﺑﺎﻟﺤﺎﻳﻂ ﻧﺸﻔﺖ ﺟﺴﻤﻲ ﺣﺘﻰ ﻟﺒﺴﺖ ﻣﻼﺑﺲ ﺍﻟﻄﻠﻌﺘﻬﻦ ﻃﻠﻌﺖ ﻣﻦ ﺍﻟﺤﻤﺎﻡ .. ﺭﻓﻌﺖ ﺷﻌﺮﻱ ﻫﻮ ﻣﺒﻠﻞ ﮔﻌﻜﺔ ﮔﻔﻴﺖ ﺍﻟﺒﻨﻄﺮﻭﻥ .. ﺩﻭﺭﺕ ﻋﻠﻰ ﺣﺬﺍﺀ ﺑﻜﻞ ﻣﻜﺎﻥ ﻣﺎﻛﻮ !.. ﺭﺣﺖ ﻟﻤﻴﺰ ﺍﻟﻤﺮﺁﻳﺔ ..
" ﻟﮕﻴﺘﻬﺎ "
ﺍﺑﺘﺴﻤﺖ ﻭﺍﻧﻲ ﺍﻧﺰﻝ ﺟﻮﺁ ﻭﺍﻓﺘﺢ ﺍﻟﺒﺎﺏ .. ﺑـ ﻣﺎﺷﺔ ﺣﺎﻭﻟﺖ ﺍﻛﺜﺮ ﻣﻦ ﻣﺮﻩ ﻟﺤـﺪ ﻣﺎ ﺳﻤﻌﺖ ﺻﻮﺗﺔ ﺍﻧﻔﺘﺢ .. ﺧﻠﻴﺘﻬﺎ ﺑﺸﻌﺮﻱ ﻭﻓﺘﺤﺘﺔ ﺑﻬﺪﻭﺀ .. ﻣﺪﻳﺖ ﺭﺇﺳﻲ ﺑﺨﻔﻪ ..
ﺍﺑﺎﻭﻉ ﻣﺤﺪّ ﺑﺲ ﺻﻮﺕ ﺿﺤﻚ ﺑﻨﺎﺕ ﻭﻫﺬﺍ ﺍﻟﻌﺎﺭ ﻭﻳﺎ ﻣﺤﻤﺪ ﻣﻦ ﺍﻟﻐﺮﻓﻪ ﺛﺎﻧﻴﻪ ﻭﺻﻮﺕ ﺍﻏﺎﻧﻲ ﻗﻮﻳﻪ .. ﺗﻤﺸﻴﺖ ﻋﻠﺊ ﻃﺮﻑ ﺭﺟﻠﻴﻪ ﻭﺍﻧﻲ ﺍﻋﺒﺮ ﻟﻠﺼﺎﻟﻪ ﺩﺍﺣﺲّ ﺑﮕﻠﺒﻲ ﺭﺍﺡ ﻳﻮﮔﻒ .. ﻣﺪﻳﺖ ﺭﺍﺳﻲ ﻟﻠﺼﺎﻟﻪ ﻣﺎﻛﻮ ﺍﺣﺪ ﻫﺎﻱ ﻓﺮﺻﺘﻲ ! ﺑﺴﺮﻋﻪ ﺭﮔﻀﺖ ﺍﺧﺬﺕ ﺟﻬﺎﺯ ﻋﻠﻰ ﺍﻟﻄﻠﺒﻪ ﻣﺎ ﺷﺎﺀ ﺍﻟﻠﻪ ﻛﻮﻣﻪ ﺍﺟﻬﺰﻩ .. ﻭﻟﺪ *** ﻣﺪﻳﺖ ﺁﻳﺪﻱ ﻣﺎ ﺍﺣﺴّﻴﺖ ﺍﻹ ﻧﺠﺮﻳﺖ ﻣﻦ ﺍﻳﺪﻱ ﺍﻟﻤﺎﻳﻊ .. ﺑﺴﺮﻋﻪ ﻟﺰﻣﺘﻬﺎ ﻭﻟﻮﻳﺘﻬﺎ ﻭﺭﺁ ﻇﻬﺮﻩ ﻭﺩﻓﺮﺗﻪ ﺑﺮﺟﻠﻲ .. ﻭﺭﻛﺾ ﻟﻠﺒﺎﺏ ﺷﻘﻪ ..
ﺳﻤﻌﺘﻪ ﺻﺮﺥ " ﺷﺮﺭﺭﺩﺕ ﺍﻟﺪﻛﺘﻮﺭﺓ !!"
ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺭﮔﺾ ﻳﺎﺭﺑﻲ ﺧﻠﺼﻨﻲ ﺭﻛﻀﺖ
ﻋﻠﻰ ﺍﻟﺪﺭﺝ ﺣﺎﻓﻴﺔ .. ﻓﺘﺤﺖ ﺑﺎﺏ ﺍﻟﻤﺼﻌﺪ ..
" ﺍﻓﺘﺢ ﺍﻓﺘﺢ ﺍﻓﺘﺢ !!!"
ﺛﻮﺍﻧﻲ ﻭﺍﻧﻔﺘﺢ ﺩﺧﻠﺖ ﺑﺴﺮﻋﻪ ﺍﻧﻐﻠﻖ ﺑﺲ .. ﺃﻳﺪ ﻧﻤﺪﺕ
ﺑﺴﺮﻋﻪ ﻋﻀﻴﺘﻬﺎ ﺭﺟﻌﺖ ﺷﻔﺘﻪ ﻟﻴﺎﺳﺮ ﺿﺮﺑﺘﻪ ﺑﺮﺟﻠﻲ
ﻋﻠﻰ ﻭﺟﻬﻪ ﻟﺰﻡ ﺧﺸﻤﻪ ﻭﺁﻛﻊ ..
" ﺍﺥ ﺑﻨﺖ ﺍﻟﻘﻨﺪﺭﻩ !! ﺗﻮﺟﻊ
ﺭﺩﻳﺖ ﻋﻠﻴﻪ " ﺿﻞ ﺍﺗﻮﺟﻌﻲ ﻳﺎ ﺳﻨﺪﺱ !! "
ﺍﻧﻐﻠﻖ ﺍﻟﺒﺎﺏ ﺑﺴﺮﻋﻪ .. ﻛﻌﺪﺕ ﺑﺎﻟﮕﺎﻉ ﻳﺎﺭﺑﻲ ﺧﻠﺼﻨﻲ ..
ﺍﻛﻴﺪ ﺭﺍﺡ ﺍﻟﮕﺎﻫﻢ ﺟﻮﺁ .. ﻳﺎﺭﺏ ﺳﺎﻋﺪﻧﻲ .. ﮔﻤﺖ ﻭﺍﻧﻲ ﺍﺷﻮﻑ ﻳﻔﺘﺢ ﺍﻟﺤﻤﺪﻟﻠﻪ ﻣﺎﻛﻮ
ﺍﺣﺪ .. ﺭﻛﻀﺖ ﻟﺒﺮﺁ ﺑﺴﺮﻋﻪ .. ﻭﮔﻔﺖ ﻭﺍﻧﻔﺎﺳﻲ ﺭﺍﺡ ﺗﻨﮕﻄﻊ ..
" ﻉ ﻋﻤﺮ " ﻫﻤﺴﺖ
ﺍﻗﺘﺮﺏ ﻣﻨﻲ ﻭﻋﻴﻮﻧﻪ ﺇﻟﻴﺔ ﺭﺟﻌﺖ ﻟﻠﻮﺭﺍ ﺑﺨﻮﻑ ..
ﻋﻤﺮ .. ﻟـ ﻭﻳﻦ ﻳﻤﻬﺮﻩّ ؟ "
ﻳﺤﺠﻲ ﻭﻫﻮ ﻳﺘﻘﺪﻡ .. ﻭﺳﻼﺣﻪ ﺑﻴﺪﺓ ﻭﺟﮕﺎﺭﺗﻪ ﺑﻴﻦ ﺷﻔﺎﻳﻔﺔ ﺑﻠﻌﺖ ﺭﻳﻘﻲ ﺑـﺨﻮﻑ ..
" ﻟﺠﻬﻨﻢ ﺍﺭﻳﺪ ﺗﺮﻭﺡ ﻭﻳﺎﻳﺔ ﺍﻛﻴﺪ ﻣﻮ ﻣﮕﺎﻧﻚ ﺍﻟﻤﻔﻀﻞ ﻫﺬﺍ " ﻣﻦ ﺑﻴﻦ ﺳﻨﻮﻧﻲ ﺣﭽﻴﺖ
ﺍﺑﺘﺴﻢ ﺇﻟﻴﺔ ﺑﻄﺮﻑ ﺷﻔﺘﻪ ﺁﻗﺘﺮﺏ ﺍﻛﺜﺮ ﺣﺎﺻﺮﻧﻲ ﺑﺎﻟﺤﺎﻳﻂ .. ﺩﻧـﻚ ﻋﻠﻴﻪ ..
ﻋﻤﺮ .. ﺑﺲ ﺍﻟﻤﻼﺋﻜﺔ ﻣﺎ ﺗﺪﺧﻞ ﺟﻨﻬﻢ ..
ﺭﻓﻌﺖ ﺣﺎﺟﺒﻲ " .. ﺷﻘﺼﺪﻙ؟ " ﺳﺎﻟﺖ ﻫﺎﻣﺴﻪ
ﺍﺑﺘﺴﻢ ﻭﻧﻔﺦ ﺩﺧﺎﻥ ﺟﮕﺎﺭﺗﻪ ﺑـﻮﺟﻬﻲ ﺭﻓﻌﺖ ﻋﻴﻮﻧﻲ ﺍﻟﻪ .. ﺍﺣﺲّ ﺑﺪﺧﺎﻥ ﺩﺧﻞ ﻟﻌﻴﻮﻧﻲ ﻣﺎ ﺍﺭﻳﺪ ﺍﺿﻌﻒ ﻛﺪﺍﻣﻪ ﻭﺍﻛـﺢ ﻭﻻ ﺷﻲ .. ﻧﻔﺦ ﻣﺮﻩ ﺛﺎﻧﻴﻪ .. ﺑﺸﻔﺎﻳﻔﻲ ﻫﺎﻟﻤﺮﻩ ..
ﺭﺟﻊ ﺣﺠﻪ ﺑﺮﻭﺩ ".. ﻭﮔﺤﻪ ﻭﻋﻨﻴﺪﻩ "
ﻧﺒﻀﺎﺕ ﮔﻠﺒﻲ ﺯﺍﺩﺕ ﺳﺮﻋﻪ ﺍﺣﺲّ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ
ﻗﻔﺼﻪ ﺍﻟﺼﺪﺭﻱ .. ﺷﺪﻳﺼﻴﺮ ﺑﻴﻪ .. ﺳﻤﻌﺖ ﺍﻟﻌﺎﺭ ﺍﺟﻪ ..
ﻳﺎﺳﺮ .. ﻭﺍﺧﻴﺮﺍً ﻟﺰﻣﺘﻬﺎ ﻋﺒﺎﻟﻲ ﺷﺮﺩﺕ ! " ﺗﻨﻬﺪﺕ ﺑﺘﻌﺐ ..
ﺍﺟﻪ ﺛﺎﻟﺚ ﻳﺮﻛﺾ ﻫﻢ " ﻋﺮﻓﺖ ﻋﻤﺮ ﺭﺍﺡ ﻳﻠﺰﻣﻬﺎ "
ﻫﺬﺍ ﮔﻠﻪ ﻭﻧﻈﺮﺍﺕ ﺍﺑﻮ ﻋﻴﻮﻥ ﺧﻀُﺮ ﻣﺎ ﻧﺰﻟﺖ ﻣﻦ ﻭﺟﻬﻲ ..
ﺗﻮﺗﺮﺕ ﻭﻧﺴﻴﺖ ﺣﺘﺊ ﻧﻔﺴﻲ ﻳﺎﺭﺑﻲ ﻋﺒﺎﻟﻚ ﺷﺎﻳﻔﺘﻪ ﺑﻤﻜﺎﻥ ﺑﺲ ﻭﻳﻦ ﻫﺎﻟﻌﻴﻮﻥ ﻣﻮ ﻏﺮﻳﺒﻪ ﻋﻠﻴﻪ ﺍﺑﺪﺍ ! ﻟﺰﻣﻨﻲ ﻣﻦ ﺷﻌﺮﻱ ﻭﺟـﺮﻧﻲ ﻣﻦ ﺟﺪﻳﺪ ﻟﻠﺸﻘﺔ ﺑﺴﺮﻋﻪ ﺳﺒﺤﺖ ﺳﻼﺣﻪ ﻣﻦ ﺍﻳﺪﻩ ﻣﺎ ﺣﺴّﻴﺖ ﮔﺴﺮ ﺭﺟﻠﻲ ﻭﮔﻌﻨﻲ ﺑﺎﻟﮕﺎﻉ .. ﻋﻠﻴﻬﻦ ﺟﺮﻧﻲ ﻭﺭﺍ ﻣﻦ ﺷﻌﺮﻱ .. ﺩﺧﻠﻨﻲ ﻟﻠﺸﻘﻪ ﻣﻦ ﺟﺪﻳﺪ .. ﺩﻓﻌﻨﻲ ﺑﻨﺺ ﺻﺎﻟﻪ ﮔﻠﻬﺎ ﻛﺎﻋﺪﻩ ﺍﺑﺎﻭﻉ ﺑﻨﺎﺕ ﺷﺎﺑﺎﺕ ﻭﺻﻐﺎﺭ ﺩﻣﻮﻋﻲ ﻧﺰﻟﺖ .. ﻳﺒﺎﻭﻋﻦ ﻋﻠﻴﻪ ﺭﻛﻀﺖ ﻋﻠﻴﻬﻦ ..
" ﺳﺎﻋﺪﻳﻨﻲ ﺍﺑﻮﺱ ﺍﻳﺪﭺ !"
ﺍﺗﻮﺳﻠﺖ ﺑﻮﺣﺪﻩ ﺭﮔﻀﺖ ﻟﻠﺜﺎﻧﻴﻪ " ﻃﻠﻌﻴﻨﻲ ﻣﻨﺎ ﺍﺑﻮﺱ ﺍﻳﺪﭺ !!!" ﺻﺮﺧﺖ ﻣﻦ ﺑﻴﻦ ﺩﻣﻮﻋﻲ ..
ﺭﻛﻀﺖ ﻟﻮﺣﺪﻩ ﺗﻘﺮﻳﺒﺎ ﺗﺠﻲ ﺑﮕﺪﻱ " ﺍﻧﺘﻲ ﻫﻢ ﺷﺎﺑﺔ ﻣﺜﻠﻲ ﺗﻌﺮﻓﻴﻦ ﺷﻨﻮ ﺷﺎﺑﻪ ﻃﻠﻌﻴﻨﻲ ﻣﻨﺎ ﺍﺗﻮﺳﻞ ﺑﻴﭻ !" ﺳﺎﻋﺪﻧﻲ !!"
ﺩﻓﻌﺖ ﺍﻳﺪﻱ ﺍﺳﻤﻊ ﺿﺤﻜﻪ ﺍﻟﻌﺎﺭ ﻫﻮ ﻭﻫﻞ ﺍﻟﺪﺑﻪ ﺩﺭﺕ ﺍﻟﻬﻢ ﻭﺟﻬﻲ ﻣﻦ ﺑﻴﻦ ﺩﻣﻮﻋﻲ ..
" ﺍﻟﻠﻪ ﻳﺤﺮﮔﻢ ﺑﻨﺎﺭ ﺟﻨﻬﻢ ﺍﻥ ﺍﺷﺎﺀ ﺍﻟﻠﻪ !!" ﺻﺮﺧﺖ ﺑﺤﺪﻩ ..
ﺗﮕﻮﺭﺕ ﻋﻠﻰ ﻧﻔﺴﻲ ﺑﺰﻭﺍﻳﻪ ﻭﺍﻛﺘﻢ ﺷﻬﮕﺎﺗﻲ ﻳﺎﺭﺑﻲ ..
ﺧﻠﺼﻨﻲ ﻳﺎﺭﺏ .. ﺧﻠﺼﻨﻲ .. ﮔﻌﺪﺕ ﻭﺍﻧﻲ ﺍﺳﻤﻊ ﺍﺻﻮﺍﺗﻬﻢ ﺑﺪﺍﺕ ﺗﻌﻠﻰ ﻭﻫﻮﺳﻪ ﺍﺟﺎﻧﻲ ﺻﻮﺕ ﻋﻤﺮ .. ﺭﻓﻌﺖ ﻭﺟﻬﻲ ..
ﻋﻤﺮ .. ﺗﻤﺖ ﺍﻟﻤﻬﻤﻪ ..
ﻳﺎﺳﺮ .. ﻳﻌﻨﻲ ﺗﻢ ﺍﻻﻧﻔﺠﺎﺭ ؟ " ﺳﺎﻟﻪ
ﻫﺰ ﺭﺃﺳﻪ ﺑـ ﺍﻱ ﻭﻫﻮ ﻳﺪﺧﻦ .. ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﺣﺲّ ﺑﮕﻠﺒﻲ ﺭﺍﺡ ﻳﻮﻛﻒ ﻣﺎﺗﻮﺍ ﺭﺍﺣﻮﻭﻭ ﺍﻟﻴﻮﻡ .. ﻻ ﻳﺎﺭﺑﻲ ! ﻧﺰﻟﺖ ﺩﻣﻮﻋﻲ ﺑﻘﻬﺮ ﻻﺯﻡ ﺍﻟﮕﻪ ﺣّﻞ ﻻﺯﻡ ..قصص عراقيه حقيقيه من واقعنا.روعه الطائي
ﻋﻤﺮ .. ﺍﻟﻤﻬﻤﻪ ﺛﺎﻧﻴﻪ ﻣـﻮ ﻫﻨﺎ ..
ﺭﻓﻌﺖ ﻋﻴﻮﻧﻲ ﺍﺳﻤﻊ ﻛﻼﻣﻬﻢ ﺍﻧﺘﺒﻪ ﻋﻠﻴﻪ ﻭﻫﻮ ﻳﺤﺠﻲ ..
ﻣﺤﻤﺪ .. ﻭﻳﻦ ﻟﻌﺪ؟
ﻋﻴﻮﻧﺔ ﺇﻟﻴﻪ ﺑﺠﻤﻮﺩ .. " ﺑـ ﺍﻣﺮﻳﻜﺎ " ﺟﺎﻭﺏ
ﺍﻣﺮﻳﻜﺎ !! ﺷﻠﻮﻥ !! ﻳﻌﻨﻲ
ﻳﺎﺳﺮ .. ﻭﺷﻮﻛﺖ ﺭﺣﻠﻪ ... ؟
ﺭﺩ " ﺑﺎﺟﺮ "
ﻣﺤﻤﺪ .. ﻭﺍﻟﺪﻛﺘﻮﺭﻩ ؟
ﺁﺷﺮ ﻋﻠﻴﺔ .. ﺍﺑﺘﺴﻢ ﻭﻫﻮ ﻳﻨﻔﺦ ﺩﺧﺎﻥ ﺟﮕﺎﺭﺗﻪ ﺑﺎﻟﻬﻮﺍ ...
ﻋﻤﺮ .. ﺭﺍﺡ ﺗﺴﺎﻋﺪﻧﺎ ﻫـﻮﻭﻭﺍﻱ ﺑﺎﺟﺮ …
ﻭﮔﻌﺘﻲ ﺩﻳﺎﻧﺎ ﻭﻣﺮﺍﺡ ﻳﺨﻠﺼﺞ ﺍﺣﺪ ﻏﻴﺮ ﺭﺏ ﺍﻟﻌﺎﻟﻤﻴﻦ ..
_____
ﻳﺘُﺒﻊ …
ﻋﺎﺟﺒﺘﻜﻢ ﺭﻭﺍﻳﻪ ؟
ﺗﺮﺍ ﻗﺼﻴﺮﻩ ﺗﻨﺘﻬﻲ ﺑﺴﺮﻋﺔ ﻭﺑﻴﻬﺎ ﻋﺒﺮﻩ