حاطة الشنطة الصغيرة قدامها و ايدها ع خدها تفكر : ايوااا خلال و الروج هذا و البرفان و البودرة و كحل و رسمة العين تمام لكن انزيد خلال ثاني احسن تؤ تؤ خلي نحط ثلاثة ايووواه
شافت لروحها في المراية : معليشي يا و جيهي السموح اصبر عليا لعند نوصل للمعهد بس و نديرلك لوادجو كامل .. وتوا هيا لمقابلة الاشباح
خذت شنطتها و طلعت من دراها للمطبخ القت امها واقفة ع الغاز : صباح الخير ماما
زكية : صباح النور كم مرة قلتلك قولي امي اوما ان شاء الله
عزيزة قلبت عيونها و نفخت : صبر يا ربي صبح صبح و خشت بتصب قهوة
زكية بتكشيخ: تبي قهوة طيبي بروحك هادي لخوتك مش ليك
عزيزة : تي خوتي اللي هذا بمرته علاش بيشربوا قهوة اهني ؟!
زكية : بنساوينهم لكن قهوتهم معاي
عزيزة حطت بكرج القهوة : عندك حق انا ماشية واشربي انت و صغارك
طلعت و سيبتها معصبة تلاقت مع بوها جاي في اتجاه المطبخ : صباح النور يا بنتي
عزيزة: صباح الخير
عبدالله : خيرك ؟!
عزيزة اشرت ع المطبخ : نفس القصة
عبدالله : تعالي معاي و ما يهمك شيء
عزيزة:
بيييب
عزيزة ابتسمت بتهكم : خلاص بابا الباص جي
عبدالله دخل ايده في جيبه و اعطها عشرين دينار : افطري في المعهد بنتي و انتبهي لقرايتك
هي فرحت بحنية بوها بس كل ما يحن عليها كل ما يوجعها قلبها ع اللي تدير فيه من وراه قدمت و باست راسه و خذت الفلوس : شكرا بابا
بيييبً
عزيزة : باي بابا
و طلعت تجري
و عبدالله تبعها بعيونه و هو مبتسم تنهد و مشي للمطبخ
زكية بابتسامة : هيا قعمز نحطلك تفطر
عبدالله : بعد بنتي مش محسوبة حتى انا مش محسوب
زكية تفاجئت : حرشاتك قليلة الاداب
عبدالله : زكية ما تغلطيش في بنتي ! بنتي متربية احسن تربية لكن انت مش عارف شني جايك لين قريب نشك انها مش بنتك معقولة ما تخليها تفطر و هي تمشي من السبعة ونص ما تروح الا اثنين و نص خلاص اكبري و انسي
زكية : ماهو علاش التشحوير هذا كنت كسرت راسها و وافقت ع ولد خوي راهو ارتاحت و ريحت قراية شني هادي اللي طالعة بيها تي حتى عوض قال المعهد مليان اشكال فاسدة و مفرخ
عبدالله باعتراض : انا بنتي نحطها بين مية راجل ما تدير الغلط و ولد خوك لو يقعد اخر راجل مستحيل نعطيه بنتي مازال والله نعطي بنتي لواحد سكار
