كل عام وانتم صحيحين ورمضان مبارك🌙🤍
هيكون في تنزيل في رمضان بعد الافطار ومش حلقات واجدات لان قريب تكمل الروايه وعندي ليكم مفاجأه بعدها🤭🤍
نخليكم توا مع الروايه واحداث جديده وصادمه😳🤍
لايك وتعليق🥺
كالحلم انتن💞
الحلقه 14
كانوا مقعمزين ليلى وتسنيم وسراچ وصفوان وزياد وشيماء وخطيبها ومعتز تو تعرفو شن لم مشرق علي مغرب😂
تسنيم:اكيد كلكم مستغربين ليش اني مجمعتكم مجمعتكم عشان شخص ساعد كل واحد فينا جنى ساعدت ليلى بموضوع مهم في حياتها ساعدتها تفهم ليش انخدعت /ماوضحتش اكثر عشان صفوان /وساعدت ايه لما حاتم كان تاعب وساعدت صفوان لما كان يبي يفش غله وساعداتك يا شيماء /ووطت صوتها وتوشوش لي شيماء /وانتي عارفه كيف اما خطيبك المصون ومعتز فهيساعدونا دون مقابل اني هنحط خطه جوهنميه نمشوا بيها Step for Step 👌
معتز: by مش for
تسنيم خبطت عالطاوله:وقته هوا مش في درس انجليزي حني🙂
معتز:بس اني عندي شرط
تسنيم:نعم ياخويا شن اتفضلت؟؟؟معتز:طلب من سراج مش منك لو سمحت يعني يا سراچ لو تمت الخطه الجوهنميه على خير ممكن تزوجني اختك المهبوله هذي عشان تتفكوا منها🤌
سراج:والله تاخدها بشنطة دبشها اصلا احني نبوا نتفكوا منها😂تسنيم خبطت عالطاوله وقال صفوان : تقول زلزال البلي
ليلى:لا هذي تسنيم بس ناويه ادفعنا حق طاوله تهيا اخلصي راسي يوجع فيا🙂
تسنيم:هندير روحي مسمعتش توا الساعه 10 بالضبط فاتحة ام جنى الساعه خمسه بزفوها وبيلبس لؤي لي جنى الدبله(سراج ضغط علي طاسة العصير قريب طرشقها🔥)الساعه 9 لازم ننفذوا الخطه بين الخمسه والتسعه والخطه كالاتي الساعه اربعه بالضبط خطيبك
قطع عليها:علي فكره اسمي حسان
تسنيم:بالجوده كيف حالك وكيف حال العيله كويسين😃
حسان:واللهي الحمدلله كيف حالكم انتم.
تسنيم:تمام ولله كيف حال الحاجه /تسنيم خبطت عالطاوله /احني منصاحبوا ان شاء الله اسمك مرعي المهم ادير المطلوب افففف😒
معتز:تسنيم متعيشيش الدور اخرك تحكمي في ولادك قصدي ولادنا علي طاولة الاكل😂
تسنيم صرفقاته كف وقال سراج:بربك هذي تتخد🤌
معتز:نحبها شن مندير مع انها عصبيه وخجريه لاكن القلب حمار🤦♂️
سراج:كأنك استانست🙂
تسنيم صبت: وحق الله ماني مدايره فيها حاجه
YOU ARE READING
كالحلم انتن💞
General Fictionرواية تحكي عن الشباب وكيف يفكروا؟!! ويعيشوا الطيش والحزن والحب💞 ونشوفوا كيف يمكن يصلحوا الاشياء بشوية طيش وهبال وحب وذكاء وتخطيط🤯