زوجات خالد الجزء الثامن بقلم MîĎõ ÀłĭX
انتهى الجزءالسابع بمأساة فبعد ان خان حسام خالد صديق عمره واعترف له انه هو من يفعل كل هذا وبمساعدة السنيورا سحر التى تكره خالد بشدة واستطاعت ان توقع حسام فى شباكها وتجعله يخون اعز صديق له بل استطاعت جعله يطلق فيروز زوجته ويهجرها وكل هذا تحت تاثير متعة الجسد فقد جعلت سحر حسام خاضعا لها ولجسدها ولم يستطيع حسام المقاومة امهل حسام خالد ٣ايام لكى ينفذ له طلباته ولكن بعد انقضاء المهلة فاجىء خالد حسام بتصرف قلب كل الموازين فقط خطف خالد ادم ابن حسام واصبح هو من يساومه فقد اصبحت الحرب قذرة وكل شىء فيها مباح لا اخلاق لا اعراف لا عشرة ولا اخوة فقط من يريد النيل من الاخر فعليه ان يمسك الاخر من نقاط ضعفه ومثلما امسك حسام وسحر خالد من نقطة ضعفة الا وهى حب عمره وزوجته داليا لا يحتاج خالد معرفة نقطة ضعف حسام فأدم ابن حسام صبحى وفلذة كبده هو صيد ثمين للمقايضة بداليا او حتى ضمان سلامتها
خالد/رجع داليا يا حسام وبعدين نتكلم
حسام بسخرية/وايه يخلينى اعمل كده
خالد/علشان ده يا حسام وحرك خالد الكاميرا علشان يظهر ادم ابن حسام قاعد فى الغرفه مع خالد وكان بيبكى وخايف
حسام بصدمة وهلع/ادم ؟ابنى؟ابنى برا اللعبة يا خالد ده طفل
خالد بهدوء/رجع داليا تاخد ساعتها ابنك ونبدء حربنا على نضافة او لو عايز تخلى الحرب وابنك فى ايدى وداليا معاك عادى بس الكفة كده بقت متساويه
حسام بصدمة/انت لايمكن تاذيه انا عارفك
خالد/لا انت متعرفنيش متعرفش خالد المصرى بعد مابقا مابيثقش فى حد خالص بعد ما بقا اعز صاحب ليه يخونه علشان الشر.&طة اللى اتجوزها تحب تشوف خالد الجديد وصوب خالد مسدسه نحية ادم اللى كان بيبكى من الخوف لكن لم يهتز خالد لبكائه نهائى فصدمته فى صديق عمره جعلت قلبه ميتآ لايحوى اى مشاعر
حسام وهو بيصرخ/ لا لا يا خالد الا ابنى لااااا
سحب خالد ابرة الامان وقال لحسام/ ورحمة ابويا يا حسام لو داليا اتمس شعره منها انا حقتل ابنك ده وبايدى واحسرك بقية عمرك عليه وانت عارف يعنى ايه احلف برحمة ابويا فكر صح ومستنى ردك كده كده خلاص واحد فينا ميت رجع داليا تاخد ادم ونلعب مع بعض واحنا رايقين يلا من غير سلام
حسام بغيظ/اااااااه
سحر/دى لعبة عاملها عليك ده تلاقيه متفق مع فيروز
بص حسام لسحر ومسك تليفونه اتصل بفيروز/ايوه يا فيروز
فيروز ببكاء/انت فين انا عماله ادور عليك ابنى مش لاقياه يا حسام انا مش كل شوية قلبى حيوجعنى على ابنى حرام عليكم يا حبيبى يا ابنى
حسام/اهدى يافيروز انا حرجعه سلام
سحر بدهشة/معقول خالد المصرى يعمل كده؟
حسام/احنا حولناه لوحش كاسر احنا لعبنا لعبة كبيرة اوى اوى ياسحر ومش حنطلع منها كويسين خالد مش حيسيبنا وعرف يمسكنى من نقطة ضعفى
سحر/خالد مش حياذءى الولد يا حسام اسمع منى
حسام/انا مش حسيب ابنى للاحتمالات يا سحر
سحر /يعنى ايه؟
حسام/يعنى انا حرجع داليا لخالد واخد ابنى وبعدها حتدور حرب وزى ما قال خالد واحد فينا ميت
سحر/بعد كل ده مستحيل اوافق نعمل كده مستحيل انا اقتلها ولا ارجعهاله انت فاهم
حسام بصلها بضيق/وابنى يموت انتى ايه جرالك ايه انتى اهم شىء تنتقمى وخلاص
سحر وبدأت تداعب شعر حسام/لا طبعا يا حبيبى بس احنا نفكر مع بعض ازاى نضمن سلامة ادم وفى نفس الوقت منخسرش الصيد بتاعنا داليا
🩸🖊️بقلم MîĎõ ÀłĭX 🩸
وصل خالد فى القصر بتاعه ومعاه ادم ابن حسام شايله
كوثر اول ماشافته/مش ده ادم ابن سى حسام اه والنعمه هو وجريت عليه تشيله من خالد ياحبيبى وحشتنى اوى وقعدت تبوس فيه والولد افتكرها واترمى فى حضنها بعد ما كان خايف
احلام/شو ها الطفل الجميل ....يحرسه
خالد/..... ياخده هو وابوه لقحيه فى اى حتة لحد مانشوفله صرفه
كوثر بدهشة/انت بتقول ايه ياسى خالد انا مش فاهمة حاجة
صرخ خالد فى كوثر/انا قولت قبل كده مش عايز حد يسالنى نهائى
كوثر بعصبية/جرى ايه ياسى خالد ماحنا لازم نفهم مش ده ادم ابن حسام صاحبك جايبه ليه وفين امه وبتتكلم عنه كده ليه؟
قعد خالد على كرسى وقال بمرارة/حسام طلع هو اللى ورا كل ده يا كوثر هو البيه
كوثر ضربت ايديها على صدرها وقالت/ يلهوى انت بتقول ايه ياسى خالد؟
احلام بفجعة/معقول انا بصدمة؟ حسام صديقك كيف ها الامر؟
خالد/اتلمت عليه سحر وضحكت عليه وخليته طلق مراته وممكن يكون اتجوزها كمان هو اللى خطط لخطف داليا وضربك بالنار يا احلام وبمساعدة مين تخيلى
احلام/مين يا خالد؟
خالد/عدنان السالمى ابن جوزك الاولانى
احلام بصدمة/هااااا معقول ايش جاب دول لادول انا كأنى بكابوس
كوثر/الواد ادم ده جه ازاى يعنى ياسى خالد فهمنى؟
خالد/خطفته يا كوثر وبساوم ابوه عليه يرجع داليا
كوثر واحلام اتصدموا من رد خالد لانهم عارفين خالد مايعملش كده
كوثر/حرام عليك ياسى خالد الولد ذنبه ايه
خالد بصوت عالى/وداليا ذنبها ايه ها انا لو مسو شعره منها انا حقتل الولد ده ووحسر قلب ابوه عليه
احلام/يا ويلييي ايش ها الايام الصعاب
كوثر قربت من خالد وطبطبت على صدره وقالت/روق بس كده ياسى خالد واهدى وكل حاجه تتحل
خالد/انتى متخيله يا كوثر الصدمات اللى باخدها ورا بعضها خطف داليا ضرب احلام بالنار محاولة خطف زين وان يبقا جاسوس فى بيتى وفى الاخر اتصدمت صدمة عمرى فى اعز صحابى اللى وقفت جنبه مرتين وعرضت حياتى للخطر وحياتك انتى كمان يا كوثر خدى ٣ رصاصات كنتى ممكن تموتى فيها تخيلى بعد كل ده صاحبى يطلع ندل مستنيا ابقا عامل ازاى؟
كوثر/طيب وامه ذنبها ايه ياسى خالد دى زمانها قلبها متشحتف عليه طيب خلينى اكلمها وافهمها واطمن قلبها عليه
تنهد خالد وقال/ماشى يا كوثر كلميها فهميها جوزها عمل ايه وانا عملت كده ليه وعرفيها انه طول ما داليا كويسة انا مش حأذى الولد خليها تكلم ابوه تضغط عليه
وهما بيتكلموا دخل مازن ومعاه ليلى زهران وكانوا لسه واصلين من السفر
كوثر/بفرح ست ليلى وجريت عليها تحضنها ليلى انفجرت من البكاء بحرقة وهى بتقولها/وحشتينى يا كوثر انا محتجالك اوى
كوثر/مالك ياقلب كوثر بس بطلى عياط
احلام/مين ها الصبية يا خالد؟
خالد/دى الاستاذة ليلى زهران بنت السنيورا سحر
احلام/هااا شو بنت مين وليش هيا هون
كوثر/اهدى يا احلام ليلى غير امها خالص
خالد بعصبية/اه غير امها وبص لليلى اخر مرة قولتلك هى فين؟هى خطر حتى عليكى كلمتينى بغطرسة وتعالى وعملتيلى فيها المراءة الحديدة وقلتى متأمنة كويس وفى حكم المحبوسة قولتلك امك دى مكانها حبل المشنقة او عيار طايش قولتيلى لاحظ انك بتتكلم عن امى وعلى خالد صوته بقوة ايه اخبار امك دلوقتى يا ليلى اللى كتفتك وحبستك ها ولعبت فى دماغ حسام وخلته طلق مراته لالالا انا فى دوامة كبيرة وانتى سبب من اسبابها لو كنتى سلمتيها لينا وقتها كان زمان كل ده محصلش وبعدين انا ايش درانى ان دى كمان لعبة وتكونى جاسوسة فى بيتى وتأذى حد من اهلى منا مبقتش اضمن ولا اثق فى حد خالص خلاص
ليلى وهى تبكى بصت لمازن/هو ده المكان اللى حكون فيه بامان وهمت ليلى بالخروج من القصر لكن كوثر مسكتها وهمست لليلى/مش حتمشى يا ليلى معلش قدرى اللى سى خالد فيه
مازن بنرفزة/خالد ارجوك تهدى ليلى مهما حصل هى مكنتش عايزة كل ده وانا روحت من غير ما اعرفك ولا حتى حسام كان يعرف انا رايح فين و لقيتها متكتفة ومنهارة يعنى نظرية المؤامرة دى مش موجودة خالص
خالد بعصبية/انا داخل المكتب ومشى خالد لغرفة المكتب
مازن بص لليلى بحنية/معلش يا انسة ليلى انا عارف ان كلام خالد جارح بس ارجوكى تقدرى اللى هو فيه
ليلى/انا تعبت حياتى بقا كلها مشاكل ومؤامرات وصراعات تعبت تعبت
مازن/ارجوكى متعمليش فى نفسك كده انتى انسانة مثقفة ورقيقة وكل ده حيعدى
بصت ليلى لمازن بخجل/ميرسى ومتشكرة على كل حاجة
وقفت كوثر قدام مازن وليلى وعملت بايديها كأنها بتعزف كامنجه وقالت بهيام/شجرة يابنى هنا واتنين لمون احسن الحب ولع فى الدره
احمر وجع مازن وقال/احم انا انا حدخل لخالد اقعد معاه واهديه
كوثر بسخرية/ليه ما انت منورنا شوية يمكن ليلى تعوز حاجة كده ولا كده ودى ياحبة عينى رقيقة ومسئفه ومحتاجه حد جنبها
اسرع مازن من قدامهم وراح لخالد المكتب
احلام/ويلي منك يا كوثر ماليكى حل الرجل صار وجهه متل البندورة الحمرا خجلتيه اكتير
ليلى/حضرتك مدام احلام؟
احلام بدهشة/اى انا احلام ابتعرفينى انتى؟
ليلى ابتسمت ابتسامة خفيفة/لا بس انا سمعت عنك وعن جمالك كتير بس اما شوفتك انتى اجمل من كل الحكاوى اللى بتتقال عنك بكتير
انشكحت احلام جدا من كلام ليلى ومدحها فيها وجريت عليها حضنتها/انتى شكلك فتاة فعلا رقيقة وكلك زوق انا حبيتك اكتير يا ليلى
ليلى/وانتى يا كوثر انتى متمسكى لسانك حرجتى مازن اوى
كوثر بهيام/هييييح وايه كمان
ابتسمت ليلى/وحشتينى اوى يا كوثر ووحشتنى شقاوتك
خرج خالد من المكتب معاه مازن وهدى عن عصبيته/انا اسف ياليلى اسف بجد ارجوكى قدرى موقفى واللى انا فيه انا فى اصعب لحظات حياتى
ليلى/مقدره يا بشمهندس خالد وانا اسفه لكده بس فعلا انا مقصدتش كل ده يحصل
خالد/حصل خير وارجوكى تعتبرى نفسك فى بيتك ووسط اهلك وبص خالد لكوثر جهزى لليلى اوضة ورتبى الدنيا كده
جريت احلام على ليلى/لا ليلى راح تقعد معى بغرفتى انا حبيتها اكتير
شدت كوثر ليلى/لا يا اختى دى صحبتى انا واعرفها من قبلك
شدت احلام ليلى عليها تانى بعصبية/ ما سمعتيها قالت بعرفك يا احلام وسمعت عنك من قبل ها وبصت لليلى وقالت ماحكيتى هيك؟ وبعدين انتى صار معك ادم وفريده وسليمان كيف بتراعيهم وليلى معاكى
ابتسمت ليلى فرحآ وحست براحة نفسية وقالت/خلاص حقعد معاكى يوم ومع كوثر يوم
مسكت احلام ايد ليلى وقالت/اى هذا حل عادل يلا ابدءى بيا انا وطلعت بليلى على غرفتها وطلعن لكوثر وهى طالعة لسانها كوثر بصتلها بغيظ وشالت ادم وراحت وراهم وقالت ماشى يا احلام انتى اللى ابتديتى
خالد لمازن/يلا بينا ياعم دول وجع دماغ مازن ماردش على خالد ولا سمعه من الاساس وهو عينه متعلقة بليلى اللى طالعه سلم القصر وبتبادل مازن نظرات الاعجاب
خالد بصلهم/ايه دا😍 ها جاى ولا الدور الجاى
مازن انتبه لخالد وقال/ايه ها اه جاى جاى
🩸🖊️بقلم MîĎõ ÀłĭX 🩸
ظل حسام طول اليوم يشرب فى سجاير وهو شارد الذهن بيفكر قربت منه سحر تتحسس جسمه وتدلكه/مالك يا حبيبى؟
حسام/احنا غلطنا اوى يا سحر احنا دخلنا جحر تعلب مش سهل ولا حيستسلم بسهوله احنا معانا فلوس كتير مكانش ليه لزوم الانتقام والخطف والقتل وكل الامور دى مكنش ليها مبرر
سحر/طيب والاذية اللى اذهالك زمان ولما جيت طلقت مراتك وتجاهله ليك
بص حسام لفيروز بسخرية/انتى عايزة تقنعينى انك مضايقة ان خالد ما اتدخلش لما طلقت فيروز اللى هى الحاجة اللى كان نفسك فيها من زمان
ارتبكت سحر/ايه لا طبعا بس انا بوريك المواقف وتناقضها
بص حسام لسحر بحزن/انتى عايزة ايه يا سحر قولتيلى عايزاك واكتفى بيك من الدنيا وحاربتى عليا ٣ سنين وبقيت جوزك ليه مكتفتيش وعشنا الحياة اللى وعدتنى بيها ليه دخلتينا صراع جديد مالوش اى لازمة مع اعز صحابى وخلتينى خطفت مراته وخسرته انا لما اتجوزتك كنت بدور على الراحة والهدوء والمتعة فين هما يا سحر وسط الحرب دى انا لازم انهى كل ده وارجع داليا لخالد واخد ابنى واسافر بيكى وبأدم لمكان بعيد نعيش حياة هادية وجميلة ده اللى انا بدور عليه يا سحر مش اللى احنا فيه ده
سحر/انت بتتكلم ازاى؟ بعد كل ده عايز ترجع معقول ده خلاص خالد فى طريقه انه يسلمنا كل حاجه وقالك كده قبل ماتكشف نفسك ليه قال انه حيدينا اللى احنا عايزينه يرجع مصر بعيلته
حسام/الكلام ده قبل ما يخطف ادم ويساومنى بيه مع ان الكفة مش متساويا ادم ابنى بالدنيا كلها يا سحر فاهمة
سحر/تعالى ننام والصبح نفكر ويلا قوم انت وحشتنى تعالى
حسام/مش رايق يا سحر سيبينى
سحر/مافيش سيبينى واترمت سحر فى حضن حسام
🩸🖊️بقلم MîĎõ ÀłĭX 🩸
مر يومان وخالد ومازن يحاولان يوصلوا لحلول ولكن دون جدوى وصل خالد ومازن للمخزن وسعد كان موجود وكان ماشى حاطط وشه فى الارض
خالد لاحظ تصرف سعد وقاله/مالك ياسعد؟
سعد/مافيش ياكبير بس انا مكسوف منك بعد ما انضحك عليا من حسام والرجالة اللى انا جيبتها وطلعوا كلهم خاينين
ابتسم خالد بتهكم/وانت لوحدك اللى اضحك عليك ماكلنا اتغفلنا ارفع راسك ياسعد الفترة الجاية عايزين نركز وبص لمازن ها يا مازن قولى حنعمل ايه ؟
مازن/ماقدمناش خيط دلوقتى غير شخص واحد
خالد/عدنان السالمى صح
مازن/فعلا صح
خالد/مابيخرجش من بيته قاعد زى النسوان لا شغله ولا مشغله
سعد/انا بعد اذنك ياكبير خليت حاتم خد رقمه وبقا يراقب تليفونه لكن واضح انه بيتكلم من رقم مش معروف
مازن/سكت شوية وقال طيب فون حسام
خالد/للاسف اتقفل حتى لما كلمنى اخر مرة من رقم تانى واتقفل بعدها
سعد/ممكن اقول حاجة يا كبير
خالد/قول يا سعد
سعد/مش سحر دى معاها تليفون وبنتها ليلى هنا اكيد معاها تليفون امها ممكن نراقبها منه
خالدومازن بصوا لسعد بدهشة لانه فعلا جاب حاجة كانت تايهه عنهم
مازن بحماس/ هو ده
خالد/عارف يا سعد لو الموضوع ده نفع انا حديلك مليون جنيه وانطلق الجميع ومعاهم حاتم باجهزته نحو القصر اول ما دخلوا القصر خالد بقا ينادى على ليلى
ليلى وهى نازلة/ ايوه يابشمهندس
خالد/قوليلى ياليلى هى سحر امك اما بتسافر بيبقا معاها رقم تجوال ولا بيبقا رقمها
ليلى/لا بيبقا معاها رقم تانى
مازن بلهفة/حلو فرحينى بقا وقوليلى انك حافظة الرقم
ليلى/اكيد مش حافظاه يا مازن
خالد بخيبة امل/ده كان حيدلنا عن مكانهم
ليلى/انا فعلا مش حافظة الرقم وطلعت ليلى الفون بتاعها وابتسمت لكن الرقم متسجل على فونى
مازن وخالد بفرح فى نفس واحد/فين الرقم
خد حاتم الرقم وبدء يبحث عنه ويحاول يحدد موقعه واستغرق الامر وقت طويل وصلت فى اللحظة دى فيروز اللى كانت منهارة وسمح خالد لها بدخول القصر
دخلت فيروز وهى تبكى واول ماشافت خالد قالت بانهيار/انت ازاى تسمح لنفسك انك تخطف طفل صغير ازاى تخطف ابنى يا خالد انت اتجننت
خالد/الزمى حدودك يا فيروز انتى فى بيتى نزلت احلام وكوثر على صوت فيروز وخالد بيقول/ انا دافعت عنك وعن جوزك وعن ابنك وايه اللى اخدته فى الاخر جوزك باعك وباعنى واتجوز سحر وخطف داليا مراتى وكان عايز يقتل احلام ويخطف زين ابنى وجايه تلومينى انى خطفت ابنه ده انا لو حسام اذى داليا انا حقتلك انتى وابنك واهل حسام واحد واحد انتو فاكرين خالد ده علشان جدع وطيب يبقا عبيط لااااا اصحوا انا لو مراتى مرجعتش كلكم حتموتوا واحد واحد
انهارت فيروز من البكاء جريت عليها كوثر وليلى واحلام وخدتها كوثر فى حضنها/اهدى يا فيروز كل ده حيعدى تعالى معايه ادم نايم حوريهولك
فيروز باستجداء/ابوس ايدك يا كوثر ابنى مالوش ذنب
كوثر/يافيروز سى خالد لايمكن ياذى ادم هو بس مضايق من اللى ابوه عمله
قاطع حاتم كلامهم/للاسف لازم يتعمل مكالمة من الخط لو فى خط نضمن انه معاهم نعرف نوصلهم
فيروز/انا حسام كلمنى من يومين برقم غريب
خالد بلهفة/بجد فين يافيروز لو عرفت اوصل لداليا ابنك مش حأذيه وتاخديه وتمشى كمان
فيروز طلعت تليفونها بسرعة وادت الرقم لخالد اللى اداه لحاتم اللى قعد يحاول يعرف مكانه لكنه قال/ برضوا لازم يعملوا مكالمة وقتها حعرف مكانهم
مازن قعد يفكر وقال/خالد انت معاك رقم ابو عدنان صح
خالد/ايوه معايه
مازن/اتصل بيه وعرفه انك عرفت ان ليه يد فى الموضوع وهدده
خالد/وده وقته يا مازن؟
مازن/هو اكيد بعدها حيطلب سحر او حسام يبلغهم باللى حصل والخط وقتها يشتغل
خالد/نجرب واتصل فعلا بعدنان وفهمه انه فهم ان ليه يد فى الموضوع وانه مش حيسيبه وتوعده بانتقام قاسى
عدنان قفل مع خالد وهو مرعوب واتصل بسحر يبلغها بانه بعيد نهائيا وليس له بيهم علاقة خوفآ من بطش خالد
فى قصر خالد انفتح خط سحر وتحدد موقعهم فى احدى الفيلات البعيدة
خالد بحماس/ ينصر دينك يا مازن برافوا ياحاتم يلا بينا وجهز الرجالة
مازن/لا يا خالد احنا حنروح احنا التلاته بس اكيد احنا متراقبين وخروجنا بالرجاله حينبهم وممكن يهربوا يلا بينا احنا التلاتة كفاية
قربت ليلى جنبهم وقالت/قصدك احنا الأربعة
خالد/ايه؟
مازن/ليلى ده مش لعب عيال ده..
قاطعت ليلى مازن/اظن انا حكتلك انا اتدربت ازاى انا لازم اكون معاكم انا اللى بينى وبين سحر تار لازم اخده
خالد/بس دى امك
ليلى/امى ماتت من ٣شهور يوم ما حبستنى فى الفيلا
جريت احلام اللى حبت ليلى جدا عليها/انتى شو عم بتقولى اتركى ها الاعمال للرجال انتى ضلى معنا هون ابخاف عليكى يا ليلى
ليلى/متخافيش يا احلام حنرجع واحتمال بداليا كمان وبصت لمازن وخالد يلا بينا انطلق الجميع وكانت ليلى متخفية فى ملابس رجل كانها حاتم ولابسه كاب مخبى شعرها ولياقة الهدوم مداريا وشها خرجت ٣ سيارت للمناورة علشان لو حد مراقبهم وتفرقوا كل واحد باتجاه واتجهت عربية خالد واللى معاه للمكان المحدد بعد ما تاكدوا انهم مش متراقبين
كان حسام وسحر قاعدين ونور معاهم ومعاهم ٣جاردت لكن مش فى مكان اختطاف داليا وكانوا بيحاولوا يوصلوا لحل بعد ما اصبح خالد يساومهم بادم ابن حسام لكن فجاءة دخل جارد وهو يلهث/خالد المصرى برا ومعاه ٣ رجاله
قامت نور وحسام وسحر وخرجوا امام الفيلا لقوا خالد ومازن وشخص مش مميزينه
سحر/برافوا برافوا يا بشمهندس عرفت توصل للمكان اللى موجدين فيه لكن للاسف مراتك مش هنا يعنى مش حتقدر تأذينا انضم الجاردات لنور وحسام
سحر/لساك مغرور يا خالد وجاي ومعاك ٢ بس
خالد لحسام/ساكت يعنى يا ابو الرجالة وسايب المدام تتكلم ماسكه عليك ذله ولا القرون تقيله على دماغك مخلياك مش قادر تتكلم
حسام/انا كلامى خلص معاك يا خالد يوم ما قولتلى عايزك ترجع فقير تانى ساعتها خسرتنى
مازن/احنا مش حابين اى دم يحصل ناخد مدام داليا بهدوء ادم يرجعلك يا حسام وكده تمام
سحر/مش حيحصل ياحضرة الظابط وانتم معاكم طفل لكن احنا معانا حب عمرك يا خالد
ازاحت ليلى الكاب وبينت وشها وقالت/وانا كمان معاهم ياسحر
انقبض قلب سحر وهوى بين قدميها فهى رغم كل مايحدث من ليلى وانها حابسها لكنها تظل ابنتها واكثر شخص بالعالم تخاف عليه ومهما حدث بينهم لاتنسى خوفها عليها وسنين بعدها عنها وسفرها خوفآ عليها من بطش زينات
سحر /ليلى!!؟انتى ايه اللى جابك هنا؟
حسام بص لسحر/انتى مش قولتى انها مسافرة؟
مازن/كذبة زى ما كل حاجة حواليك كذبة ياحسام وانت اتخدعت فيها فوق بقا
سحر/انتى واقفة فى وشى ياليلى بدل ماتقفى جنب امك
ليلى/ضد مين؟ اقف جنبك ضد مين؟ وبصت لحسام وانت يا حسام معقول اللى انت فيه ده واقف فى وش خالد المصرى صاحبك وخاطف مراته طيب ازاى افهمها دى بعت ضميرك ومبادئك ومراتك وابنك بكام وعلشان مين وشاورت على امها باستحقار وقالت علشان دى السنيورا سحر اكبر قواده فى مصر اللى خلتك مسخ عندها واراجوز وعبد وتابع لها فترة تبيعك للى يدفع اكتر وبعد مافوقت واستقريت بزوجة واتكرمت بطفل وشغل كويس ليه عملت فى نفسك كده قالتلك بحبك؟
دى محبتنيش انا نفسى وحبستنى فى المزرعة متكتفه وانا بنتها الوحيدة حتبقى عليك انت فوق وارجع لعقلك قبل فوات الأوان يا حسام
صفقت سحر بايديها/برافوا برافوا تصدقى انا مش زعلانه على الالوفات اللى صرفتها عليكى وعلى تعليمك مكنتش اعرف انك حتطلعى فيلسوفة كده وقالت سحر بقوة حسام جوزى يا ليلى ولا يمكن حاجة تفرقنا ابدأ واحنا هنا علشان ننتقم من اللى اذونا
ليلى/قصدك اللى اذوكى انتى وحابة تنتقمى منهم بس استغليتى حسام علشان تنفذى انتقامك
خالد/طيب ممكن بس نأجل الخلافات العائلية دى لوقت تانى وبص لحسام لاخر مرة حسالك داليا فين يا حسام؟
حسام/تنفذ طلباتنا تاخدها يا خالد
خالد/مش خايف على ابنك؟
حسام/ متاكد انك مش حتاذيه
⭐⭐⭐⭐⭐⭐⭐⭐⭐
بقلم المبدع/ Maher Mteir
{{{اي ال حصلي ياناس ف الدنيا حالي يتبدل كده وف ثانيه.
كل الدنيا بتيجي عليا كل حاجه بتوجع فيا.
وال قسم قلبي انا نصين والى قطم ضهري لجزئين.
حاجه ماكنتش اتوقعها حاجه بجد ماهيش مدروسه.
نقطه ضعفي وغصب عني انسان غالي وخيب ظني.
جوه ف قلبي مليون. اااااه اعز صاحب ع قلبي وخاني.
خاني ومعرفتش انا ايه ذنبي بعد ماكنت رهنت إشارته.
كنت بحس ف لحظه ضايقتوا كنت بهد الدنيا عشانوا كنت بروحله جري مكانه.
ليه يا اخويا يالي امنتك ليه تدبحني انت بسكينتك.
هو ده رد الجميل هي دي ياشقيقي جدعنتك.
بس انا بوعد وانا مش خايف اني انا هنسي اي عواطف.
طيبت قلبي عليك وحناني من دلوقتي هيبقوا عواصف.
هكون بركان ومحمل نار كل ثواني عليك هنهار.
هتشوف شمسي ف عز الليل وهسودها عليك ف نهار.
قلبي الطيب مش هتشوفوا قلبي اتحول وكسر خوفوا.
راجع نفسك لو لثواني فكر لو كنت أنت مكاني.
اي راح تعمل وله تسوي بس اقولك اخر حاجه.
فكر لحظه ياصاحبي وحاول
كل جوارحي ليك محتاجه.}}}
⭐⭐⭐⭐⭐⭐⭐⭐⭐
انطلق خالد نحية حسام وقال/انا حاذيك انت شخصيا يا حسام وحوريك ان
{الرجولة مبادىء مش ضرب بنادق} واشتبك خالد مع حسام واشتبك مازن مع الجاردات اما ليلى فهجمت عليها نور ودخلت سحر تحتمى فى الفيلا وهى بتتفرج عليهم من جوه
طار حسام بحركة مفاجئة وركل خالد برجله فى وجهه نزل حسام لكن وهو نازل ضربه خالد برجله وقعه على الارض وهو بيقوله/ لساك خايب فى العراك زى زمان
حسام وهو بيضرب خالد بايده فى وشه/مافيش حاجه بتفضل على حالها
تفادى خالد الضربة وهو بيقول/ايدك بعيد بس لتتعاص رجولة وبدء خالد فى توجيه لكمات سريعةو متتاليه لحسام اللى مكنش قادر يرد وخالد يقوله متحاولش انا حدمرك واصل خالد لكماته وركلاته لحسام
حاول حسام رد ضربات خالد المتتالية لكن خالد كان يتفاداها برشاقة
وجه خالد لكمة بمنتهى الغل لحسام اسفل عينه
ركل حسام خالد بحركة كاراتيه لكن خالد نزل لتحت تفادى الرمله ولف حوالين نفسه وضرب حسام على رجله وقعه على الارض وقف خال وحط رجله على رقبة حسام وقال/متحاولش يا حسام لاعمرك عرفت تغلبنى واحنا عيال صغيرة ولا حتعرف تعملها وانت كبير فتحتلى جيم وفاكر نفسك الشحات مبروك وانت لا عقل نافع ولا جسم نافع انت ده مكانك الطبيعى على الارض
مسك حسام رجل خالد تناها وقعه لورا وقام بحركة بهلوانيه وقف ووقف خالد تانى وقال لحسام/بغل تعالى لسه مكتفتش بيك انا حقتلك ياندل
اما مازن فاستطاع فى اقل من نص دقيقة التغلب على الجاردين ووقف يتفرج على معركة شرسة جدا بين نور وليلى فنور انقضت على ليلى بعنف الا ان رغم ان نور قوية وخبراتها القتالية كبيرة الا انها لم تكن ابدا برشاقة ومهارة ليلى زهران تفادت ليلى بمهارة ضربات نور وكل مرة تتفادى ضربة ليها توجه لها ركلة او لكمة شعرت نور بالغيظ من انها مش قادرة تجارى ليلى فى القتال مما افقدها تركيزها وده اللى سنح لليلى انها توجه لكمة قوية جدا فى وش لنور افقدتها تركيزها واستغلت ليلى الأمر ده طارت فى الهوا وركلت نور بجلها فى دماغها نور استعادت توازنها ووجهت لكمة فى بطن ليلى ولفن نفسها وهى واقفة ورفعت رجلها تضرب ليلى لكن ليلى برشاقة تفادت الضربة وركلت نور فى بطنها ولكمة فى وشها وتوالت ضربات ليلى ونور عاجزة عن مجارة شباب وحيوية ليلى قربت ليلى من نور خنقتها بايد واحدة وقالتلها/ ايه تعبتى لا اجمدى كده ده لسه بدرى ورفعت ليلى نور بايديها الاتنين ونزلت بيها عالارض على ضهرها حبت نور تقوم لكن ليلى ضربتها ضربة قوية جدا برجلها على دماغها وقعتها فاقدة الوعى
مازن كان بيبص ليلى بدهشة ممزوجة بالانبهار/ايه الروعة والجمال ده
احمر وجه ليلى خجلآ/انت دايما بتكسفنى كده وبصوا الاتنين لخالد وحسام اللى كانوا بيتبادلوا اللكمات وسابوهم ودخلوا الاتنين الفيلا اول ما دخلوا رفعت سحر المسدس فى وشهم وقالت اى حد فيكم حيقرب حضربه بالنار
جريت ليلى على امها ولفت رجلها برشاقه وقعت المسدس منها ووقف الاتنين قصاد بعض مازن استغل الموقف ودخل الاوض يبحث عن داليا
سحر/بقا انا دربتك ووصلتك لكده علشان تقفى فى وشى يا ليلى تقفى فى وش امك
ليلى/انتى علمتينى كل ده علشان اكون مفترية وجبروت شبهك وعلشان احققلك مصالحك ياريتك حتى عملتى كده علشانى اسمعينى مرة واحدة بقا فين داليا هنا
سحر/داليا مش هنا ومحدش حيوصلها ابدآ
ليلى/خالد مش حيسكت ومش حيسيبك خالد حيقتلك قوليلى فين هيا واهربى كل اللى بتعمليه مالوش لازمة انتى بتنهارى وحتموتى اعملى مرة واحدة حاجة كويسة فى حياتك
سحر بسخرية/عملت يا ليلى اتصلت بالجاردات وزمانهم جايين فى السكة وحتتحايلى عليا انى اسيبك عايشة
نزل مازن فى اللحظة دى وقال/للاسف داليا مش هنا وبص لسحر انتى بقا اللى ورا البلاوى دى انتى لازم يتم اعتقالك و محاكمتك واقل عقوبة تاخديها اعدام
سحر/هههههههههه انت بتتكلم عن مين؟
مازن/عنك يا شيطانة انتى
سحر/هههههه مش حتقدر ياحضرة الظابط
ليلى لمازن/للاسف هى بالورق ميتة من بعد ما اتهد قصر زينات وهى فيه
طلع مازن مسدسه/لا ده شغلى انا بقا وبص مازن لسحر انتى مقبوض عليكى ياسحر انا حرجعك مصر وحعرف اثبت كل القرف ده عليكى فجاءة وهما بيتكلموا انطلقت رصاصات كتير من خارج الفيلا جريت سحر على اوضة وقفلت على نفسها الباب وقفز مازن وخد ليلى معاه للارض يحميها من الرصاص وهو بيقولها/انتى كويسة ياليلى
كان مصدر الرصاص رجالة سحر اللى طلبت انهم يلحقوهم من خالد واللى معاه خالد وحسام اللى كانوا بيشتبكوا مع بعض برا اتفرقوا بسبب غزراة الرصاص اللى مش مفرق اى حد كانت سيارة وصلت فيها حوالى ٥جاردات هما اللى بيضربوا النار بدء خالد يبادلهم اطلاق النار بعد ما احتمى ورا احد الأشجار مازن وليلى بدءوا يبادلوا الجاردات اطلاق النار من الفيلا خرجت سيارة مسرعة من خلف الفيلا وكان جواها حسام وسحر ولاذوا بالفرار واستطاع الجاردات انهم ياخدوا نور معاهم ويهربوا ورا سحر وحسام سعد قرب بالعربية وكان واخد تعليمات انه يفضل فى العربية بحيث انهم لو لقوا داليا يقرب بالعربية وياخدوها ويمشوا بسرعة
خالد طلع مسدسة وفضل يضرب على العربيات اللى اختفت بسرعة
خالد/ يلا بينا بسرعة نلحقهم
خرج مازن وليلى من الفيلا لكن مازن نزل على ركبته علشان فى رصاصة اخترقت رجله والدماء خرجت منه بغزارة
ليلى بفزع/ مازن مالك فيك ايه ؟
مازن مبتسم/بسيطه اطمنى
سعد/انا حطلب الاسعاف بسرعة
خالد بص على العربيات اللى اختفت وبص لمازن المصاب وقال/لا يلا بينا على المستشفى بتاعتنا هناك حيقوموا باللازم
بالفعل راحوا كلهم المستشفى وتم استخراج الرصاصة لمازن وكانت فى مكان سطحى لحسن حظه
مر ٣ ايام خالد/سلامتك يا مازن الف سلامه
مازن/انت مكبر الموضوع ليه يا خالد ده جرح بسيط
ليلى/سكحى واخد طلقة وتقولى سطحى
خالد بصلهم وقال/تعرفوا انى من ٥ سنين ونص تقريبا كنت قاعد فى الغرفة دى ومصاب برصاصة فاديت بيها احلام وابتدت قصة حبنا هنا
اتكسف مازن وليلى جدا من كلام خالد بصلهم خالد وابتسم وقال/ انااا حخرج كده شوية وحرجعلكم تانى
ليلى بصت لمازن/الف سلامة عليك
مازن/تسلمى ياليلى ياريتى كنت اتصابت من زمان
ليلى باستغراب/ليه كده بعد الشر عليك
مازن/ علشان اسمع احلى الف سلامة عليك فى الدنيا
ارتفعت عين ليلى وقالت/ايه ده انت بتعاكسنى ولا ايه؟
مازن/هههههه لالالا انا ببصبص بس
ليلى/تعرف كنت بسمع جملة كده زمان ومكنتش بفهم معناها لكن دلوقتى حاسه بيها اوى
مازن باستفهام/جملة ايه؟
ليلى وبصت لمازن/من المحن تأتى المنح
بص مازن لليلى بحب وقال /فعلا صدقتى
🩸🖊️بقلم MîĎõ ÀłĭX 🩸
راح حسام وسحر المكان اللى فيه داليا
وقعدوا فيه
حسام بشرود/شوفتى تفكيرك وصلنا لفين انا مكنش لازم اسمع كلامك ابدا يا سحر انتى وحلتينى وحلة صعبة اوى اوى
سحر/انا مبحبش الانهزام وعايزاك تبقى قوى دايما
حسام/خالد بقا يوصلنا فى عقر دارنا وبقا معاه ابنى كمان مبقتش حاجة توقفه حتى عدنان خاف و اتخلى عننا
سحر بغيظ/ما انت لو كنت سمعت كلامى وكنت خليت منتصر كان استفرد بداليا دى كنا كسرنا عينه مكنش قدر يعمل كل ده ويبقا هو اللى بيساومنا دلوقتى بالطريقة دى انا مش عارفه حتفضل تتعامل بحنيه وطيبة كده مع اللى حواليك لحد امتى
حسام/يوووه يا سحر ما قولنا خلاص الموضوع ده انتهى واهو منتصر غار فى داهية مالوش لزوم الكلام ده
وضعت سحر ايديها على كتف حسام وحطت راسها على ضهره وقالت بمكر/منتصر مات بس انت عايش
لف حسام ليها/يعنى ايه؟
سحر/يعنى تخيل خالد المصرى لما يوصله مقطع فيديو مراته داليا وهى نايمه فى حضنك وانت نايم معاها تخيل حتكسر عينه ازاى
حسام باستنكار/انتى اكيد اتجننتى انا اعمل كده مع داليا
قربت سحر من حسام/ليه لا ده انت حتكون ذليته ذل السنين اسمع منى يا حسام دى كسرته فيها
حسام بص لسحر بندم وحسرة/انتى شيطانة يا سحر شيطانة
سحر/ياحبيبى الزمن ده مش عايز الطيبين يا تعمل انت كده يا حسيب عليها جاردين يظبطوها وتتصور والصور والفيديو يوصل لخالد صدقنى انت كده حتمحى حاجة اسمها خالد المصرى خالص
بص حسام لسحر/افكر يا سحر
سحر فكر من هنا لبكرة بليل لو ما وافقتش انا حنفذ ده بكرة بس لو التنفيذ يكون بيك صدقنى حتبقا ضربة قاصمة لضهر خالد
حسام/حفكر وارد عليكى بكرة انا حنزل اقعد فى الجنينة شوية مخنوق وعايز افكر شوية حتيجى معاية
سحر/لا روح انت انا مرهقة وعايزة انام بس اما تؤجى تنام صحينى علشان وحشتنى
حسام/ماشى وخرج حسام للجنينة يدخن سيجارة ويلوم نفسه على مافعله ويأنب نفسه وكر شريط الكلام قدامه
خالد/عايز ايه تانى يابن صبحى الجناينى قولى
مازن/كذبة زى ما كل حاجة حواليك كذبة ياحسام
ليلى/بعت ضميرك ومبادئك ومراتك وابنك بكام وعلشان مين ياحسام
فيروز/انت مبقتش تحبنى يا حسام
خالد/ساكت يعنى يا ابو الرجالة وسايب المدام تتكلم ماسكه عليك ذله ولا القرون تقيله على دماغك
مازن/كذبة يا حسام فوق بقا فوق بقا فوق بقا
دخلت سحر تنام وراحت فى النوم ومكملتش نص ساعة نوم دخلت نور عليها الاوضة وهى تلهث/اللحقى يا سنيورا كارثه مصيبة
قامت سحر مفزوعة من النوم وقالت/ ايه فى ايه حصل ايه؟
نور/حسام خد داليا وهرب يا سنيورا هرب
صرخت سحر/ اييييييه بتقولى ايه وقامت ونزلت على وش نور بقلم قوى وقالت ازاى ازاى هرب بيها كنتم فين يا كلاب انتم فهمونى وازاى يهرب هو وجريت على اوضة داليا بعصبية مالقتهاش سحر بقت تصرخ يعنى اييييه حسام خانى حسام باعنى
🩸🖊️بقلم MîĎõ ÀłĭX 🩸
رجع خالد بمازن وليلى وسعد للقصر وقرر خالد ان مازن يستكمل علاجه بالقصر ليلى كانت مهتمة بمازن جدا وبتعمله كل حاجة وده لفت انتباه الجميع وتيقن الجميع ان فى قصة حب اتولدت من قلب الاحداث العصيبة دى
قربت احلام من خالد وقالت له/مابيذكرك ها الامر بشىء يا خالد
ابتسم خالد وقال/بيفكرنى باحلى ذكرى معاكى ليك يا احلام
احلام/راح اتعود يا خالد داليا راح اتعود وعما قريب انا بحسها قريبه جدا يا خالد
كوثر واميرة واحلام وفيروز بقوا يهونوا على خالد وفجأة خبط باب القصر راحت اميرة وفتحت الباب وصرخت اميرة بفرح/ داليا
وبصت لخالد وهى تصرخ بحالة هيستيرية وتتنطط زى الاطفال داليا رجعت يا خالد داليا رجعت يا خالد انطلق كل من فى القصر مسرعين نحو الباب فإذا بداليا مسنوده على حسام والجاردات اللى فى الجنينة كلهم مصوبين اسلحتهم نحية حسام
خالد جرى على داليا اللى خست خالص ووشها شاحب جدا وفى حالة اعياء شديدة خدها خالد فى حضنه وبقى يبكى زى الاطفال وهو يقولها حمدالله على السلامة يا داليا وحشتينى وحشتينى كوثر واحلام واميرة خدوا داليا لاوضتها وسعد اتصل بالمستشفى يطلب كل الدكاترة الموجودة هناك
خالد وهو واقف على البوابة وحسام برا قال/كده انت نفذت اللى عليك يا حسام عايز ابنك انفجرت الدموع من عين حسام وقال/لا يا خالد انا مرجعتش داليا علشان اخد ادم وقال وهو يبكى انا فوقت يا خالد جايز متأخر بس انا بقول كويس انى فوقت وبالنسبة لادم فخليه عندك بدل ما يتربى مع اب ندل وخسيس وخاين زيي خليه يتربى مع راجل بيصون العشرة والعيشوالملح ومل حاجة زيك انا غلطت فى حقك غلطة كبيرة اوى وعارف انها ما تغتفرش بس انا عايزك تسامحنى انا حمشى مش حقعد بس اللى طالبه منك انك تسامحنى وبس
خرجت فيروز وهى بتبكى على كلام وبكاء حسام/حسام خدنى معاك انا مش حسيبك ابدآ انا بحبك يا حسام مقدرش اعيش من غيرك
مسح حسام دموعه وقال /سامحيني يا فيروز رغم ان اللى حصل ده انتى من اسبابه بس انا متحمل كل اللى حصل ادم اول ما شاف حسام قال/بابا شال حسام ادم وبقا يبكى بشدة وفيروز منهارة معاه من البكاء باس حسام ادم ابنه و اداه لفيروز وطلع مسدسه وناوله لخالد وقاله انا تحت امرك يا خالد انا حديلك ضهرى و حمشى لو عايز تقتلنى اضربنى فى ضهرى
صرخت فيروز/لا لا يا حسام ارجوك ماتقولش كده
كمل حسام وهو بيبكى/ارجوكم سامحونى كلكم وادى حسام ضهره لخالد وتوجه نحية البوابة
قرب سعد من خالد/وقاله رجالة السنيورا واقفين برا القصر يا كبير لو خرج حسام بعد اللى عمله حيصفوه
بص خالد لسعد وبص لحسام اللى ماشى نحية البوابة ودخل وقفل باب القصر ولف وادى ضهره للباب والدموع فى عينه
{بقلمMîĎõ ÀłĭX /لقيتك ارخص من العتاب قولت اخسرك
خليت حية تلعب براسك وتغيرك
مستنى منى اخدك فى حضنى واقدرك
كنت تقولى غيتنى ياصاحبى كنت اجرى واكبرك
بجيش يهد الجبال واقولك انا حنصرك
الناس تقول علينا ونعم الصحاب ايه غيرك
ده كان زمان دلوقتى بقيت اتمنى انى اكسرك
ندل وجبان وخسيس قابل اللى مستنظرك
ده انا استويت عالنار وبقيت اتمنى انى ادمرك😥 }
انتظرونا السبت والجزء الاخير من زوجات خالد مع تحياتى MîĎõ ÀłĭX
