خذني اليك_سيدي

خذني اليك_سيدي 2

اني من تعب كبل غفيت بس مو مرتاحه ابد

حنان/ميمه يمه يلا اكعدي وصلنه
مريم/بطفره...وصلنه للكاضم
حنان/لا بس دخلنه بغداد
مريم/يااا زين من كعتيني
حنان/شون صرتي مو احسن
مريم/لا اشو شويه زينه احس رجع نشاطي
حنان/اي وراج فره طويله زياره وسوك
مريم/لا لا جاهزه كلش
احنه متسوكنه كلنه من لكاضم وناخذ لنريده علمود هوه اخر شي ... بقيت طول هاي المسافه واني اباوع ع شوراع وصور هيج عبالك مشايفه ولا جنه نفس شوراع لنجف صح اني من لنجف مكتلكم
نزلنه دخلنه للامام واني فرحتي مواسعتني امي وخالتي طلعن كبل بس اني امشي ويه بقيت لنسوان لان بعدني تعبانه ومن مشيت حسيت بدوخه بس خفيفه ودكات كلبي صارت سريعه ف امشي ع كيف لمن وصلنه لكيتهن زايرات وطالعات يصلن بصحن لان جوه زحمه كلش

مريم/ياا لعد اني ويامن ادخل ازور
حنان/هسه بس اصلي ونروح اني وياج
عجوز من لحمله/اني رايحه ازور تعاي وياي
مريم/راح اروح وياهن
حنان/لا هسه اني اخذج
مريم/لا والله حروح بقيت شويه اتوسل لحد مقبلت لان كاعده ع نار بس اريد ادخل ازور دخلنه اني وثلاث عجايز تفرقنه من لزحمه بقيت بس اني وعجوز اسمه ام حسين
مريم/يلا بيبتي نطلع نصلي يمهن
ام حسين/لا بيبي هنا نصلي خوش مكان هذه
مريم/بكيفج لعد ... كلش تاخرت بلصلاة الله يهديها صلت حتئ لجدهه العاشر ماخلت ميت مصلت اله فد مليت بقيت اسولف ويه بنيه بصفنه لمن خلصت

ام حسين/احنه منا اجينه مو
مريم/ لا وين من هذه لباب
ام حسين/لا بيبي منا مشينه
مريم/مشيت وياها واني اعرفه مو نفس لباب كلت تتأكد ونرجع لنفس لباب لي اكول عليه طلعنه مشينه ومشينه ماكو اثر نوب كالت نمشي للباب لكلتي عليه رجعنه وصدك طلع نفس لباب دورنه لمن طاحت رجلينه نوب هيه مره جبيره متكدر تمشي

مريم/بيبي اكعدي هنا واني اروح اشوفهن واجي
ام حسين/خوش بس احفضي لمكان يمه
مريم/صارر شويه واجي

صدك باوعت حددت طريقي علمود ارجع احنه متفقين اذا واحد ضاع يروح يم لامانات وهنه يجن رحت لزاير
مريم/عمو وين الكه لامانات
الرجال/تشوفين هذه لباب طلعي تلكين هناك لامانات كله
مريم/مشكور

رحت واني حاسبه خلص لكيت امي وجان لباب باب لخروج واني ماعرفه طلعت دورت لمن رجليه تكسرت وماوصفلكم شمر لشباب شكد بس اني مطنشه ولا عبالك اسمع ...مالكيت شي قررت ارجع لام حسين

من اهل لعتبه/وين زايره
مريم/اريد ادخل
لرجال/ميصير هذه باب خروج
مريم/بس اني جنت جوه وطلعت ادور اهلي
لرجال/ حتئ ولو روحي فتشي يلا دخلين
رجعت بيئس هسه شهل تفاها اكله جنت جوه يكلي تفتيش بقيت افتر اريد طريق للتفتيش ماكو كلت خلي اشرد بدون مينتبه راقبته ومشيت شبه لركض

ضابط/وين
مريم/هستو مشيت وكف كدامي رجال ضابط ومخلاني اعبر
مريم/اريد ادخل جوه
لضابط/باب خروج هذه ميصير
مريم/شون سالفه هاي مو والله هسه جنت جوه وطلعت ادور اهلي ومجنت اعرف هذه باب خروج
لضابط/بكل برود. ...روحي فتشي
مريم/شفت لكلام وياه ميفيد واني مابيه حيل اتجادل رحت لهذاك لثاني لي من خدام لعتبه
مريم/ اريد ادخل
لخادم/زايره افهمي هذه باب خروج وميصير ادخلين اذا طلعتي
مريم/لتعب وصل حده ولعبره فاضت نهاريت لمن كال ميصير ادخلين كمت ابجي واسولفله ليش اجيت وشلون احاول اقنعه يدخلني وهوه رافض يكول كامرات ماكدر
لخادم/شنو اسمج وعمرج وسكنج
مريم/مريم صباح عمري18من لنجف
لخادم/تمام حسويلج نداء لعل اهلج يجوج تمام
مريم/بعبره....اي
لخادم/اوكفي هنا ع جه وكافي تبجين هسه يجون
مريم/رحت وكفت ع جهه واني بس ابجي لخوف اكل كلبي لا خاف بعد ماشوف امي ابوي اخواني

.................نروح للضابط

اسمي صكر عمري 36 ساكن بغداد بس اني من اهل كربلاء وتركت لمحافضه واهلي بسبب لمشاكل وصرت انسان مستقل حتئ امي تجيني كل شهر تبقه كم يوم وتروح ابوي متوفي وعندي اخ واحد اكبر مني و3 اخوات كلهن مزوجات
جانت عندي دوره بلكاظم 15 يوم وبليله من ليالي شفت بنيه تريد تدخل بس لامن مخلوها نوب بقيت اراقبها لان لبنيه ماشالله حلوه كصيره وكيوت كلش ولشباب مو امان خفت لايصير عليه شي نوب اجت تشرد وتدخل بس منعته اني واقعآ جنت مهتم الهه بس مبينت حتئ لا تاخذ ميانه وياي بقت كاعده وتبجي صح تجيني هواي قضايا بيه بنات بس ولا مره هتميت هيج لان لبنيه جانت طفله وبريئه بمعنئ لكلمه وتجيب لعين غصب
........ ..
مريم/بقيت افكر شسوي هسه امي اكيد عرفت بيه ضايعه شصار بيه يربي متت خوف عليه وحيلي نهد من  لبجي ولفره نوب تعبي رجع عليه لدوخه ولرجفه وجع لراس فول استجمعت قوتي وكلت لبجي ميفيدني لازم افكر شون ارجع لامي وجان اسمع شله مال شباب ورايه يكولون ......اكيد اخذهه لعب عليه ومن خلص شمرها شون تبجي ضاهر كلش متاثره والله محد كلله تروحله

جان يحجون بيناتهم بس صوتهم طالع لمن سمعتهم هيج متت قهر اني تالي وكت هيج ينكال عليه اني لعلويه بنت محمد هيج يتلطخ عرضي خليت وكمت امشي وابجي واماعرف وين رايحه امشي وكل حيل وقوه ماكو نوب رجعت كلت اسوي نداء مره ثانيه مسافه عن لضابط ماحسيت ع نفسي غير واكعه ردت اكوم ماكدرت لمن فقدت كلش .....