خذني اليك_سيدي

صكر/تصل عليه اكرم صديقي الي كتله يجيبلي معلومات مريم جان يجيبلي كلشي عنهه وكال
(هاي البنيه شارده ويه واحد من بغداد لان قبل سنه طلعت عليه اشاعه تتواصل ويه ولد من بغداد بس حجي نسوان ونسد بسرعه وهاي روحتهم للكاضم جانت الحاح منه هيه الي رادت يرحون ومحاوله تروح ويه بيت عمه بس اهله معارضين وهيه الي رفضت تنتضر امها ودخلت للحضره ويه نسوان من الحمله علمود يسهل عليه الشرده من اهلهه وهسه اهله طالبين دمه وعمامه وخواله متجمعين ابيت ابوها ويدورون عليه حتئ يكتلوها) لمن سمعت هل حجي فار دمي معقوله كل هاي البرائه ولشرف تاليته تطلع شارده من اهله ويه صاحبه واني مثل الغبي  مصدك رحت عليه وجان بودي ادفنهه بمكانه بس مالي حق او صلاحيه
صكر/بصياح ....لججج تضحكين عليه اني
مريم/بخوف....شمسويه
صكر/معرفين شمسويه مووووو تشردين من اهلج وتنزلين روسهم وتكولين شمسويه لمثلج لمفروض هسه بلكبر
مريم/والله العضيم مشارده اني ضعت
صكر/سوالفج هاي مالت البرائه متمشي عليه لج شكم يوم صارلج تبيعين عليه شرف تاليج بنت الشوارع اشرف منج اسمعي اكلج لحضه وحده ممتبقين هنااا امشي ارجعج منين ماجبتج
مريم/صكر والحسين مشارده والله ضعت
صكر/اشششش حرف واحد ماريد اسمع واسمي لتجيبي ع لسانج لوصخ بسرعه امشي كدامي
مريم/تخبلت من سمعت الحجي نوب صكر صاير عصبي كلش حتئ مخلاني اشرحله البست عبايتي وطلعت
صكر/ركبي بلسياره وياويلج لو سمعت صوتج
مريم/خليت ايدي ع حلكي وكمت تبجي بدون صوت كلش خفت منه
صكر/صعدت بلسياره وصدك محجت بس بقيت ارزل بيه
مريم/بس فهمني شصار منو كلك هل حجي
صكر/مهتمه منين عرفت سوالفج الوصخه اي عادي اني اكلج...وحجيتله الصار بس برزاله وصراخ وعصبيه خليته متعرف تحجي
مريم/اريد ادافع عن نفسي اريد احجي ماكدر لان الي سمعته جان اكبر صدمة بحياتي لحد ماوصلنه وكلي صكر/انزلي ووجهج بعد ماريد اشوفه
مريم/صكر بس انطيني فرصه افهمك وشرحلك والله جاي تضلمني
صكر/كتلج اسمي لتجيبي ع لسانج
مريم/ميخالف بس انطيني فرصه كمت اتوسل بي  الله يخليك فدوه صكر لتعوفني وين اروح منو الي بعدك
صكر/روحي لحبيب لروح لبعتي شرفج علموده
مريم/اشرت ع الكاضم ...وحق هذه الكاضم ماعندي حبيب وماشارده من اهلي  اتوسل الك لتعوفني هنااا بس رجعني لاهلي خلي يكتلوني بس لتعوفني
صكر/شمرت عليه فلوس وكتله دبري وضعج مثل مشردتي رجعي تاخذين تكسي تخلين حبيبج يوديج ميهمني لمهم ماشوفج بعد وحركت السياره ومشيت
مريم/راح وعافني متت قهر حرت عليمن ابجي ع اهلي الي مدري شون صدكو شردت لو ع صكر الي هم صدك مثل اهلي وعافوني ثنينهم اخذت لفلوس وكعدت ع صفحه وابجي بكل حركه تمنيت روحي بفاتحه ودك ولطم وبجي براحتي باوعت للاسوار بسته وكلت الحمد الله بقتلك شغله يمي كمت دخلت للحضره زرت وبجيت وشكيت الحال ولصار بيه وعاتبته من كل كلبي اجيته زايره بلهفه وحب وهيج صار بيه بقيت كاعده وفكر ليش هيج صار وشلون وشمسويه بدنيتي حتئ هيج اتعاقب وشسوي وين اروح المن اشكي المن احجي منو ليساعدني ...
صكر/عفته ورجعت للبيت مو متحمل اي شي حتئ ماكدر اعبر عن الكسر الي بداخلي...اني حبيت مريم من گلب صادق وجنت ناوي لمن ارجعه بسبوع اروح اخطبها بس خاب ضني لمن عرفت هيج مسويه بأهله وبعرضها معقوله هاي مريم يطلع منه هيج ...دخلت شفت ملابسه ولهديه الي جبته شلتهن وكسرتهن وشمرتهن بلحوش دخلت لكيت الجدر الي طابخه بي شمرته وكسرت المطبخ كله رجعته مزبله وكسرت البيت كله كلشي يطلع بوجهي اكسره
...
مريم/بقيت داخر الحضره للعصر وطلعت اشوف شسوي رحت لمكان صكر وكعدت بمكانه وكمت ابجي وسولف ويه روحي وعاتب بصكر بأبوي بأمي اخواني شون صدكو اني هيج اسوي اني بتهم تربيتهم  حسبي الله ع الضالم اعرف هاي سوالف عمامي ونسوانهم لان كل عمرهم يحاولون يخربون علاقتنه اني وامي ويه ابوي كلت لنفسي ميفيد لبجي خلي ادبر وضعي كمت امشي ووين متاخذني رجلي اروح صار لمغرب واني بس افتر حتئ ماعرف شكاعد اسوي ولمن افتر رجعت للحضره صليت وبقيت كاعده افكر شون شون ماكوو اي فكره تجي ابالي اهلي شسوي وياهم شون اخليهم يعرفون اني بريئه وضعت مشردت صكر وين الكاه شون احاجي وخلي يتأكد من كلامي اوووف ياربي شهل امتحان لصعب وين اروح بروحي والوكت مو امان شلون انطاك كلبك ياصكر تشمرني هل شمره بس يلا همه اهلي باعوني ضلت عليك بداخلي كسر بس الله يعلم بي ..خذلان جزع عتب كسر تعب كلهن التمن عليه ف قررت اگدي بشارع من لزورا مالي غير هل حل نمت كعدت الصبح طلعت اشتريت عصير شربته ورحت لمكان صكر كعدت ماعرف شسوي مر ليوم كامل واني من مكان لمكان محتاره شسوي وين اروح تفكيري عاجز عن كلشي بس عن صكر واهلي ميطلعون من راسي افكر بس شلون اقنعهم اني ضعت ماشردت صار العصر جوعانه رحت اشتريت لفه اكلته ودخلت للحضره وماذكرت شكم مره تعرضت للتحرش غير الكلام لي يشمرونه عليه بس عبالك ماسمع ولا اشوف همي اكبر منهم صار وكت صلاه صليت واخذت قران اقره لان ماعندي شي اسوي غير استغفر ربي لان ع اي لحضه يلزموني اهلي ويكتلوني ....
صكر/بقيت اخلص لنهار كله بلدوام وحتئ بهل ليلتين ابات بسياره لو بلدوام لان لبيت عباره عن ذكريات لمريم صح كارها ولعبانه نفسي منه بس مسكتت بقيت احقق عليه ع ماضيهه ع حياته شون عاشته وعرفت سر هاي لاشاعه لي طلعت عليه قبل سنه وعرفت منو صديقها ومنو عدوها وعرفت كره عمامهه الهم وعرفت شون اهله ناس محافضين وحجايتهم عدله وناس ساده وكل الناس تحترمهم وجدهه من روس لعشيره لكبار اله حجايه وهيبه بين الناس وعرفت انو هيه من تطلع تلبس بوشايه وعرفت صدك هاي اول روحه اله لبغداد بختصار عرفت كلشي بهل يومين ماتركت سالفته ابد ف صار عندي شك بلثنين بين اصدك مريم بين اصدك اهلهه ماعرف شون مرن هليومين لي جانن عباره عن تفكير بمريم ف قررت اروح اشوفها شصار وياها وين راحت شسوت طلعت للكاظم بزي الدوام ووكفت بلمكان الي شفته بي اول يوم انتضرها بلكي تجي اشوفها
...
مريم/كعدت لصبح بس مطلعت بقيت داخل الحضره احسن مكان الي لحد مصارت 10 كلت اطلع اشوف شكو برا لعل ولاكيتلي طريقه ارجع بيه الهلي توجهت كبل لمكان صكر لان جان هذاك لمكان عباره عن بيت الي كل ماشتاقله اروح لهناك دامشي مسافه واذا اشوف صكر رجليه بادت اريد اتحرك اريد اسيطر ع كلبي ع دموعي ع تعابير وجهي ماكو كبل بجيت بس بقيت واكفه واباوع اله لان مجنت اتوقع راح اشوفه..
صكر/كاعد وشوف مريم جايه كبل درت وجهي وسويت نفسي ماشوفه ف لبست نضارات شمسيه علمود متشوف شون عيوني متكدر تعوفها
مريم/رحت اله وكتله
مريم/بدموع...صكر هاي انته هنا
صكر/تفضلي محتاجه شي
مريم/اي محتاجه هواي
صكر/كولي
مريم/محتاجتك صكر والله اني بريئه ماشردت وعافيت ابوي دتضلمني انته ماكدرت تفهمني وتعرفني بكل هاي لفتره
صكر/ومنو حضرتج حتئ اهتملج او انشغل بيج روحي منا مفارغلج
مريم/خليتني ورحت هذاك ليوم بس ليوم متتحرك خطوه اذا اني مو وياك
صكر/انتي واعيه ع نفسج شتحجين
مريم/اي وكلش زين
صكر/امشي من كدامي لا هسه ابتلي بيج كدام الناس
مريم/صكر فدوه بس انطيني فرصه احجيلك وافهمك خليني ادافع عت نفسي
صكر/من لاخير شتردين
مريم/بس اريد احجي وياك
صكر/اسمعج
مريم/لا مو هنااا
صكر/تعاي
اخذت مريم ورحنه لمكان مابي هوسه حتئ اشوفها شتريد
مريم/كعدت وحجيت كلشي لصكر عن عمامي شون عدنه مشاكل وياهم وهمه ونسوانهم الي شوهو سمعتي وشرفي كدام اهلي وعشيرتي وكدامك
صكر/اهلج وعشيرتج اي بس اني ميهمني
مريم/بس اني يهمني وهواي كلش تمام لتصدك بس لتتهم وتكول اي سويتي هيج
صكر/وبعدين الي رايدته شنو
مريم/كافي تحجي وياي هيج والله ماتحمل نبرتك عليه
صكر/بعصبيه ....تحجين لعندج لو اروح
مريم/تمام اعرف لحجي ميفيد وياك بس اريد تساعدني ارجع لاهلي
صكر/وليش حتئ اني اساعدج
مريم/لان مالي غيرك تفهم شنو مالي غيرك بين كل هاي لبشر الموجوده انته لوحيد لوثقت بيك وامنت وياك
صكر/انتي تعرفين اهلج اذا لزموج ميرحمونج
مريم/ايي خلي يكتلوني خلي اموت ورتاح تعبت من هل عيشه شنو ذنبي اتعذب هيج وبلا سبب ع شنوو ليش متحمله لتحرش بكل دقيقه ليش متحمله كل هلقهر ولعذاب وسبب ماكوو يربي بس اريد سبب رحت ازور ضعت نهدر دمي اني لجنت هذيج لمدلله عد ابوها وخوانها تالي يردون دمهه ع شنو خلص اني ماكدر اتحمل اكثر من هيج بس وصلني وخلي يسون الي يردوه بيه اني متخليه عن حياتي
صكر/تحجي وتبجي بكل حركه تمنيت بهذيج لحضه مصار الي صار تمنيته حلم وكعد ولكه مريم بعده ابيتي مصاير كلشي بس شسوي لدنيه لي تتحكم بينه مو احنه لي نحكمها ف كلت هيه تريد اوصلها عادي اوصلها لاهله
صكر/تمام باجر لصبح اجي اخذج من نفس لمكان ....وعفته وطلعت قبل لتجاوب او تحجي شي
مريم/راح صكر ورجعت للحضره اخذت القران وكعدت اقرا مادام لكيت احد يوصلني يعني قرب موتي خلصت وطلعت لفلوس عندي 22الف باوعت للساعه 11كلت ورا 12ادخل مطعم حتئ يصير هوا غده هوا عشه والي اخر اكله بحياتي جانت يمي بنيه وامها كاعدات يسولفن ويضحكت باوعتلهن وصبت عيوني اذكرت امي شون جانت اخت وصديقه الي مجنت احس ماعندي اخت هيه اختي متحملت وكمت صليت صلاة الضهر وحس تعبانه لان بدون اكل من امس نمت لحد 2كعدت وكبل طلعت للمطعم تغديت ع راحتي كلش كلت هيه ميته ميته اقل شي اسد جوعي خلصت وطلعت اتمشه بلسوك وشوارع هيج اريد اخفف عن نفسي شلت اهلي وصكر من راسي حسبت نفسي ماعندي هم ولا شي بكلبي صار العصر رجعت للصعن كعدت ع صفحه. اباوع للناس شويه وردخلت الحضره وبقيت لحد ثاني يوم الصبح كعدت ويه صلاة الفجر وبقيت كاعده لان ماعرف بضبط ياساعه يجي صكر طلعت لمكانه وبقيت انتضر لحد 7 اجه
صكر/بقيت طول النهار افكر بمريم شون اذا راحت الاهلهه لان اعرف مصيره وشراح يسون ويااها كلش خفت عليه بعدين ترددت انو اوصله بعدين كلت لا اخذه ونشوف رحت الصبح لكيت مريم تنتضرني اول مشافتني اجت
مريم/صباح الخير
صكر/صباح النور
نطلقنه كبل بدون اي حجي حتئ لمن تريكنه ماحجت ولا اكلت بس شربت حليب ولا اني ناقشته
مريم/جان بكلبي كومه حجي اريد احجي بس لمن شفته كله راح كتفيت بوجوده يمي حتئ نسيت اني رايحه لاهلي شكد حبيت هذه لانسان ياربي وحبه صار عذاب الي وبس لا اكدر امنع روحي من حبه ولا اكدر اكله وابقه يمه
صكر/جنت اعرف طريق بيتهم بلضبط لان اكرم انطاني لعنوان وكلشي
مريم/وصلنه لابيت اهلي وكفت السياره مسافه بعيده وشفت سيارات عمامي عدنه وخوالي وبعد ماعرفهن شكم وحده حسيت صخره ووكعت ع كلبي كمت ارجع صح اكدر اقنع ابوي اني ضعت بس بوجود عمامي مستحيل لان كلش يحبهم وعنده حجايتهم متتغير بقيت صافنه ودموعي تصب بوحده
صكر/وصبلنه بس ابتعدت عن لبيت كلت يمكن تتراجع بس بقت صافنه وتبجي واني كلشي مابيدي حتئ اساعده لان اني من نفسي ماكدر اصدكهه
صكر/مريم
مريم/ابجي.....هااا
صكر/تردين اهلج لو نرجع
مريم/اريدهم
فتحت الباب اريد انزل وشفتهم طالعين رجعت سديته بقيت اباوع عمامي كلهم مسلحين حتئ اخوي حيدر سوده عليه متغير ضعفان وسمران حترك كلبي حاولت اشوف ابوي ماكو وياهم ناس غرب وعمامي وولدهم وحيدر وحسين وخوالي وثنين من ولدهم لماشفتهم بس ابوي وجدي
صكر/دشوفين هاي الناس كله ادور عليج وهاي الاسلحه كله موجه عليج يعني مجرد تنزلين من لسياره متلحكين تمشين خطوه تفقدين حياتج وانتي برئيه
مريم/يعني انته مصدكني اني برئيه
صكر/ماعرف... راح انزل اشوف شكو ورجع ماريد منج ولا اي صوت ولا حركه ولسياره راح اقفله ومراح اكول اني اعرفج او انتي وياي
.....نزلت
صكر/السلام عليكم
الكل/وعليكم السلام
صكر/شديصير هناا وشنو هاي لاسلحه
العم الجبير/عدنه غسل شرف
صكر/وغسل الشرف بلاسلحه تنفضو
اخوها/الي توصخ شرفها السلاح قليل بحقها
صكر/اكدر افهم القصه حتئ اساعدكم
وحجو القصه كامله مختلفه عن اقوال مريم بس صكر يعرف كل الحجي وكل القصه بس ديمثل عليهم وع مريم لان الشك لاكبر صار عنده مريم شريفه وصدك ضاعت
صكر/تمام لاسلحه تنسحب وبتكم ترجع وعندي جماعه يدامون ابغداد همه الي راح يجيبونه بس اريد صوره اله ولهويه
راح اخوها وجاب لصوره ولهويه اخذتهن ورحت للسياره
مريم/بقيت ابجي وارجع داشوف موتي كدامي يربي شسوي هسه اني بلحالتين ميته لو جسدي عايش روحي ميته شسوي وبقيت اسولف ويه روحي وربي يدلني ع الطريق الصح
صكر/هاج هاي تفيدج
مريم/هويتي شون جبته
صكر/مو مهم هسه شنو وين ترحين
مريم/اذا ممكن توصلني لبيت خالتي مالي غيره
صكر/ماشي
دلتني مريم ع البيت وصلنه كتله ابقه هنا بس كالت اخاف واني هم اخاف عليه
مريم/دكيت لباب وطلت بنت خالتي وبقيت مصدومه وبسرعه ركضت لامها
خالتي ليلئ/هاي شجابج وين جنتي ليش هيج سويتي
مريم/بقيت ساعه ابرر لخالتي وسولفله الصار طبعا بحضور صكر بس هوه بقه بعيد عني وماحجه اي كلمه بعد ماحجيتله كلشي
ليلئ/شوفي راح اخابر امج بس ماكله انتي هناا وشوفي شون حاقدين عليج
مريم/تمام......خابرت امي وجان حتئ صوته متغير واسمي ماتلفضه كد مكارهتني
ليلئ/هاا شفتي
مريم/خاله لعد اني وين اروح
ليلئ/وين جنتي كل هاي المده ارجعي لمكانج
مريم/خاله مالي احد والله
ليلئ/شوفي الج ربع ساعه وطلعين من لبيت لان رجلي راح يجي واذا اجه وشافج تصير مشكله وياي بسببج واني مناقصني
مريم/بقيت اتوسل بخالتي شكد لحد ماحجه صكر..
صكر/جانت مريم تحجي ويه خالته واني مادخلت كلت امور عائليه لحد مامريم كامت تتوسل مااحملت
صكر/مريم كافي امشي كدامي
مريم/ماريد خاله فدوه خليني يمج وين اروح
صكر/داكلج امشي
ليلئ/من لاخير وكول انته لشردت علمودك
صكر/اول اشكرج ع استقبالج ولثاني لتحجين من راسج اودعناكم ........وسحبت مريم من ايده
مريم/صكر عوفني وين ماخذني
صكر/ترجعين لبغداد
مريم/ابجي....شسوي منوو الي هناك صكر اني انتهيت والله انتهيت لا اهل ولا حبايب ولا اي احد حتئ امي لجانت اقرب الي من لهوئ راحت
صكر/داكلج امشي اني وياجج
مريم/جان صكر يجر بيه بلكوه للسياره بس اني احاول افك نفسي لحد موصلني للسياره وقفله
صكر/كافي عاد مريم لعافج عوفي كافي تتوسلين
مريم/وهوه هذه الي داسوي انته مو عفتني واني اريد اعوفك
صكر/ماعفتج ولا اعوفج بس جنت ادور معلومات عنج
مريم/وكلامي شنوو مجنت تصدك بيه لحد متاكدت بنفسك صكر لهنا وكافي مداتحمل كل هذه نزلني ابوس رجلك .....جانت اخر كلمه الي لان نهاريت بل بجي الكلام مابقه يطلع مني جنت احس هموم الدنيه كله فوك راسي لتعب ولقهر اكل كلبي اكل
صكر/من جانت مريم تحجي صح تعصبني بس عادي بس لمن سكتت وبقت تبجي بقوه كلبي كام يوجعني ختنكت تمنيت اسوي كلشي بس كون تسكت لان ماتحمل اشوفها بهيج حاله
مريم/مشينه مسافه طويله واني ساكته لحد ماوصلنه لجسر
مريم/صكر اوكف هنا اريد اشم هوئ
صكر/تمام
وكفت لسياره ع صفحه علمود مريم ترتاح بس كلش قلقان عليه لان نفسيته تعبانه كلش
مريم/اول ماوكف صكر ركضت للجسر اريد اشمر نفسي بس صكر لزمني بقيت اضرب بي بكل قوتي اسحب بنفسي ماكو وصرخ عوفني واريد اموت كافي وتعبت ونتهيت وهكذا لحد ماهفني براشدي فر راسي فر سكتت لان راسي داخ من الضربه باوعت بوجه
صكر/اول منزلت مريم ركضت للجسر وركضت وراها كوه لزمته شكد حاولت بس قفلت اديه عليه مابطلت لحد ماضربته راشدي يلا سكتت
مريم/صكر
صكر/عيونه وگلبه
مريم/اسفه
صكر/اششش اني لاسف مجان لمفروض اعوفج .......وحضنته
مريم/لمن حضني صكر تذكرت انو حياتي منتهيه وهاي لحضه هم راح تنتهي ف بسرعه سحبت نفسي باوعت بعيونه وكتله
مريم/احبك ........وبسرعه شمرت نفسي من لجسر
صكر/عترفتلي بحبها الي واريد اجاوبها اني اعشقج مو بس احبج لحد ماشفته شامره نفسه طفرت الزمه بس مالحكت طفرت وراها وطلعته وخذته للمستشفئ كبل اخذوها سولهه لاجراأت وبقت غايبه عن لوعي لليل لحد مصارت ساعه11صحت بس ماحجت ولا كالت شي مجرد باوعت بعيني وبجت بدون صوت بس دموع
صكر/مريم شوفي الي سويتي غلط وحسابج بعدين عليه بس هسه هاي لدموع تنمسج وماريد تبجين بعد وهذه وعد شرف مراح اعوفج بعد كل عمري واني راح اصيرلج كل اهلج وعوضج عن كلشي بس ماريد منج غير القوه اريدج قويه سباعيه هااا وبعد شغله اني هم احبج ومو بس احبج اعشقج ورايدج بلحلال فهمتي ف يلا اصحي ع نفسج وصيري قويه مايهزج شي حتئ ازفج عروس لبيتج ولو هيه انتي اول مادخلتي دخلتي عروس ولبيتي ولكلبي يابعد كلبي....وبسته من راسه

ياترئ مريم راح تقبل صكر لو راح ترفضه وتحاول تنتحر مره ثانيه لو تنسه كلشي راح نعرف كل التفاصيل بلبارت الجاي .....