He's My Devil Boyfriend (Hunhan Fanfiction)

Devil 16

•Xi Luhan•

Maaga pa lang nandito na ako sa school. Dahil ngayon ang last na pago-organize namin para sa foundation day. Friday rin ngayon, so bale may pahinga kami ng Saturday at Sunday. Tapos magsisimula na sa Monday ang foundation day hanggang Friday din. One week dahil 100 years na ang DA. Biruin mo, napakatagal din pala ng academy na 'to. Pero until now, sobrang ganda pa rin.

Nagbago bigla ang paningin ko sa academy na 'to. Hindi pala lahat ng nag-aaral dito, eh mga demonyo. May mga mabait din. Katulad nila Suho, Chen. Tapos nakilala ko pa si Kai. Si Chanyeol, hindi kami masyadong close pero nag-uusap usap din kami. Sila Xiumin, Kyungsoo at Baek.

Atsaka si Sehun. Hindi ko akalain na magiging mabait siya. At hindi ko alam nang dahil sa'kin magiging mabait siya. Na-realize ko na hindi naman puro kasamaan ang meron sakanya. Thanks to Suho dahil nagawa naming anghel si Sehun. At sobrang saya ko dahil nawala na ang sungay niya.

Pero may mga times na hindi ko maintindihan ang mga galaw niya. Sobrang sweet niya sa'kin. Tapos lagi niyang hinahawakan ang kamay ko. Tapos nagagalit siya kapag may kumakausap sa'king ibang lalaki. Lalo na kay Suho, kapag magkasama kaming dalawa lagi na lang akong nilalayo ni Sehun. Sabi niya nagseselos siya. Hindi ko alam kung bakit kailangan niyang maramdaman 'yon.

At isa pa 'tong nararamdaman ko. Hindi ko na maintindihan. Kapag nandiyan si Sehun, kapag malapit siya sa'kin, tumitibok ng mabilis ang puso ko. Hindi ko na nga alam kung anong nangyayari sa'kin. Naisip ko tuloy baka kung anong meron dito kay Sehun. Pero kakaiba eh. Ngayon ko lang 'to naramdaman. Sakanya ko lang naramdaman 'to.

Ewan. Papa-check up na lang ako baka may problema na sa puso ko.

"Hoy usa! Tara na." Napabalikwas ako sa lakas ng boses ni Sehun. Napahawak naman ako sa dibdib ko. Bumibilis nanaman ang tibok. Bakit ba kapag lumalapit 'to si Sehun sa'kin ganito nararamdaman ko? "Hoy! Ano bang problema? May masakit ba sa'yo? Bakit ka nakahawak sa dibdib mo?"

"Wa-wala."

"Anong wala? Namumutla ka nga oh! Tsk! Halika, dadalhin kita sa clinic."

Ha? Namumutla? Hinipo ko yung leeg ko at noo. Mainit nga ako. Sa sobrang init baka masunog na balat ko. Shit! Bakit hindi ko man lang naramdaman 'to kanina?

Nagulat ako sa ginawa ni Sehun. Binuhat niya ako. Pa-bridal style. Para kaming bagong kasal. Wala naman akong nagawa kundi kumapit sa leeg niya at binaon ang mukha ko sa dibdib niya. Dahil pinagtitinginan kami ng mga studyante. Nahihiya ako.

Narinig ko pa ang pag-chuckled niya. Pero hindi ko siya pinansin. Tinago ko lang ang mukha ko. Bakit niya pa kasi kailangan buhatin ako eh.

Maya-maya ay nakarating na kami agad sa clinic. Inihiga niya ako sa bakanteng kama.

Chineck ako nong Nurse. Ang taas ng lagnat ko. 38 point something. Nakalimutan kong nagpuyat pala ako kagabi dahil nag-aral pa ako para sa third grading exam namin sa December. Kailangan ko kasi talagang makabawi eh. Para hindi na maging cold sa'kin si Mommy at Daddy. Tsaka para bumalik na sila dito sa Pilipinas. Miss na miss ko na kasi talaga sila eh.

"Teka, start na ata yung pago-organize. Punta na tayo." Sabi ko.

"Nasisiraan ka na ba? Tss! Alam mo naman na mataas ang lagnat mo eh."

"Eh ikaw? Pumunta ka na do'n. Hayaan mo na ako dito."

"Stupid. Hindi kita iiwan dito. Sa tingin mo ba hahayaan lang kita na nakahilata diyan?"

"Bakit ba ang sungit mo?"

"Tanga mo kasi."

Hindi na lang ako sumagot. Mukhang hindi naman matinong kausap 'tong bulol na 'to. Pinikit ko na lang ang mata ko. Para kahit pa-pa'no, eh mawala ang hilo at sakit ng ulo ko.