Batid kong mahirap
Ang daan tungo sa pangarap
Subalit hindi ito dapat hadlang
Upang abutin ang inaasamMinsan ikaw ay mapapatid
Kahit sa lansangang matuwid
Ngunit sa bawat pagbangon
Dala-dala'y pag-asa ng kahaponHindi man maiwasan ang suliranin
Ito ay malalagpasan din
Dahil sa rurok ng iyong mithiin
Masisilayan ang ningning ng mga bituinKaya nama'y kahit gaano pa kalayo
Magpatuloy ka't huwag susuko
Sapagkat ang tamis ng tagumpay
Doon sa dulo'y naghihintay.